Banco de Proxectos

A idea

Vicente Ledo Roca (1961): "Contabamos cunhas propiedades que podiamos explotar ou abandonar e, ao mesmo tempo, contabamos cuns coñecementos do mundo da artesanía da madeira e da animación socio cultural. Ao mesmo tempo, gustábanos o tipo de traballo que implicaba este tipo de actividade e a vida no campo. Tamén consideramos certas oportunidades económicas ás que poderiamos ter acceso, como unha subvención do plan LEADER. Por último, obtivemos información sobre a zona dunha serie de persoas con experiencia e coñecementos sobre o tema, e destacaban que se trataba dun lugar privilexiado e con enorme potencial".

Claves do éxito

Unha das claves do éxito consiste en que a idea traspasa o concepto tradicional de turismo rural. Non se limita a ofrecer servizos de aloxamento e restauración senón que integra unha actividade artesanal no entorno dunha pequena aldea reconstruída.Outrasas claves de éxito radica no trato persoal, no que depositamos a alma da empresa.

Por outra parte, o concepto amplo que desenvolvemos de turismo rural supón unha característica diferenciadora que actúa como barreira de entrada para posíbeis competidores.

Outras barreiras de entrada que constitúen puntos fortes da empresa son o elevado investimento que implica un proxecto destas características, os coñecementos do entorno e a experiencia e coñecementos técnicos do traballo da artesanía da madeira.

Perfil dos promotores

Vicente Ledo, quen ideou o proxecto, achega experiencia no sector da artesanía de madeira, animación socio cultural con nenos, campamentos, campos de traballo...
A devandita experiencia axudoulle a ter unha idea máis ampla do que é o turismo rural, enfocando o seu negocio non só ao turismo senón tamén á artesanía.

• Descargar datos da empresa

A idea

García Varela, Jorge ( 1968 ) A idea xurdiu a raíz da posta en venda dunha casa moi próxima á que posúen os meus pais desde hai 17 anos, no municipio coruñés de Vilarmaior.

Decidinme a rehabilitala e convertela en casa de turismo rural, na cal ofrezo hospedaxe, contacto coa natureza e animais de granxa, elaboración de produtos tipicamente caseiros, rotas de sendeirismo, descenso en canoas e paseos en bicicleta.

A decisión tomeina debido á impersonalidade do meu traballo como representante de comercio e á necesidade de estabelecerme, coa miña muller e os meus dous fillos, nun lugar no que estivesemos en contacto coa natureza, que é unha das nosas afeccións.

Para a posta en funcionamento, axudoume moito ter realizado o curso de Xestión Empresarial do programa Lanza do IGAPE.

Claves do éxito

1. Localización xeográfica. Estamos moi perto do concello de Miño, onde se pode gozar das súas praias en só 15 minutos en automóbil. Moi perto tamén do Parque Natural dos Fragas do Eume e dous núcleos de poboación importantes como son A Coruña e Santiago de Compostela.

2. Ambiente rural "real". A posibilidade de participar na elaboración das comidas, onde todos os alimentos que se consumen son propios da Casa da Cancela.

3. Outros aspectos como son a tranquilidade que se respira, o prezo do servizo e a esmerada atención ao cliente..

Perfil dos promotores

García Varela, Jorge, Realizou estudios de FP de Técnico Agrícola en Santander e de Enxeñaría Agrícola na cidade de Mérida.
Traballou como monitor de xardinería nunha escola taller en Mérida, foi coordinador na fábrica en Leite Xallas en Santa Comba e responsábel do mantemento dos xardíns do Parque de Santa Cristina durante 3 anos. Traballou ademais 1 ano como representante de comercio. Aos trinta anos, crea a súa casa de turismo rural..

• Descargar datos da empresa

A idea

 Marina GarcíaGavilanes ( 1971 ) "En realidade, a idea xurdiulle ao meu home. El quería montar un mesón na zona do rectorado da universidade de Vigo, na rúa Oporto, cando aínda non estaba explotada toda esa zona (na actualidade está chea de pubs). Pero o local que queríamos finalmente non se vendeu e abandonamos a idea.

Todos os fins de semana íamos a Santa María das Augas Santas, onde a nosa familia tiña unha casa (actualmente é a edificación da casa de turismo rural). Como naquel momento empezaban a xurdir estabelecementos de turismo rural, pensamos en montar unha casa deste tipo. Pedimos subvencións pero denegáronnolas, así que mercamos a casa á nosa familia mediante fondos propios e unha hipoteca.

O esforzo económico foi enorme e endeudámosnos máis do que queríamos. Na actualidade seguimos investindo constantemente na casa.".

Claves do éxito

A calidade no servizo e a fidelización do cliente. Cando un cliente marvcha, regalámoslle algo (cogomelos, castañas, augardente, vexetais cultivados na horta, ...). A inmensa maioría repite a súa estancia. Tamén ofrecemos comidas con produtos naturais cultivados na nosa horta e que os propios clientes poden recoller. Fixemos grandes amigos entre os nosos clientes.

Perfil dos promotores

Marina GarcíaGavilanes, A promotora ten estudios de Ciencias Económicas e non tiña ningún tipo de experiencia no mundo da hostalería e o turismo rural. Aos vintesete anos abriu a súa casa de turismo rural.

• Descargar datos da empresa

A idea

 Juan Pérez Sánchez-Orozco ( 1963 ) "En 1996, estudiando a viabilidade do proxecto de dúas casas de turismo rural propiedade da nosa mai, e vendo que non eran viábeis , nos interesamos pola finca A Fervenza, moi próxima a aquelas e totalmente abandonada.
Observamos que a Casa da Fervenza tiña moitas posibilidades (pasa o río Miño pola finca), aínda que precisaba dun importante investimento para obter rendemento.

A Casa da Fervenza constitúe un conxunto etnográfico que ten a auga como protagonista no entorno natural da Reserva da Biosfera Terras do Miño.Un antigo caserío galego (orixinariamente un muíño) conforma a hospedaría, que consta de 8 cuartos dobres e 1 cuarto especial.Unha edificación primitiva do século XVII alberga o restaurante, aberto todos os días, e que ofrece, entre outros servizos, xornadas gastronómicas, xuntanzas de empresa e celebracións.Ademais, ofrécense actividades de lecer como paseos en barca, piraguas, bicicletas, burros, pesca, praia fluvial, museo etnográfico que conta cun muíño, unha fragua, un tear, un forno, as "moas" e venda de artigos artesanais.

Claves do éxito

A empresa foi medrando atendendo ás demandas dos clientes, adaptando e diversificando a súa oferta.Ampliáronse as instalacións de comedor e finalizouse o museo etnográfico, co consecuente aumento de ingresos.

Perfil dos promotores

Juan Pérez é enxeñeiro técnico agrícola e desenvolveu proxectos de turismo rural. É ademais representante da Organización Profesional Agraria (ASAJA). Aporta experiencia en proxectos europeos e como catador de produtos agroalimentarios.
A empresa conta con tres socios máis.

• Descargar datos da empresa

A idea

 Begoña De Bernardo Miño ( 1969 ) Trátase dunha casa de turismo rural que conta con horta ecolóxica.

A idea xurdiume por un familiar que era propietario dunha explotación agrícola e unha casa abandonada. Tomei esa idea como base do meu proxecto fin de carreira de Agrónomos e posteriormente convertino nunha realidade

Claves do éxito

As claves do éxito pódense atribuír a unha implicación total no proxecto e a un traballo persoal extraordinario.

Perfil dos promotores

Begoña, Enxeñeira Técnica Agrícola e Enxeñeira Agrónoma. Con trinta anos, abre a súa propia casa de turismo rural..

• Descargar datos da empresa

A idea

 Ángel Balsa Vilariño ( 1977 ) Teño unha chocolatería – churrería. Ofrezo ademais productos típicos dunha cafetería (viños, cafés, bocadillos, hamburguesas e xeados), e trato de amenizar a estancia no meu local cun bo surtido de xogos de mesa e revistas.Organizo tamén xornadas especiais cando hai algún evento deportivo televisado, sobre todo partidos de fútbol, que se proxectan nunha pantalla xigante.

Un amigo e mais eu tiñamos ganas de montar un negocio do sector da hostalería, porque era o que coñecíamos. Para comezar, pensamos en algo sinxelo que puidésemos ampliar e elaborar máis nun futuro, cando o negocio xa tivera rodado un pouco. Posteriormente, o meu compañeiro comezou traballar por conta allea e nos independizamos.

Claves do éxito

Penso que a atención ao cliente é un aspecto fundamental para o éxito dun negocio deste tipo.Ademais, a localización xoga un papel importante. O local está situado no Ensanche de Santiago, no núcleo con maior índice de estudiantes e nunha das rúas máis transitadas e comerciais. Xusto en fronte temos un dos cines multisala de Santiago e, en definitiva, a zona recibe un fluxo de xente elevadísimo, que para un negocio deste tipo resulta vital.

Por último, sigo unha política de prezos contidos, e de seriedade e rigor en todos os aspectos, como por exemplo no respecto dos horarios de apertura e peche, e sobre todo, moito traballo e control sobre o funcionamento do local. Agora permito tomar libre o domingo e uns días de vacacións, pero ata o de agora, traballaba todos os días do ano.

Perfil dos promotores

Ángel Balsa, A meirande parte dos meus clientes son xente nova, no en tanto, o perfil varía en función das franxas horarias. Por exemplo, polas mañás adoitan vir bastantes señores a tomar un chocolate con churros, ou señoras durante a tarde para tomar cafés. E por suposto, cando hai fútbol ou as fins de semana, énchese de xente nova.Ademais, o meu negocio está marcado pola estacionalidade. A maioría dos meus clientes son estudiantes, polo que durante o curso académico, teño unha actividade moito máis intensa.

• Descargar datos da empresa

A idea

 Luisa Carnero ( 1960 ). Sempre me encantou o mundo da restauración e a decoración. Traballar algo moi deteriorado e volver darlle a vida que tiña. Tamén son moi afeccionada á montaña e ao parapente. De feito, coñecín a zona a través dun curso de parapente que fixen e namoreime da zona e da casa.

Trátase dun hotel rural con encanto de oito cuartos na casa principal e unha casa unifamiliar que se aluga como apartamento.A casa está situada nunha zona rural moi ben estruturada e sinalizada, con máis de 20 rutas de sendeirismo ata  o Parque Natural da Peneda do Xerés e permite a práctica dunha enorme variedade de deportes (parapente, ala delta, cicloturismo, sendeirismo, etc.).Ofrécense ademais servizos de restauración, e cada un dos cuartos ofrece servizos diferentes que se reflicten no prezo (desde 67,52 € a máis sinxela ate 80 €, o cuarto que conta con hidromasaxe)..

Claves do éxito

O lema da miña casa: que a persoa se sinta como na súa propia casa. Coido detalles como zapatillas e velas en todos os cuartos. Pensei o que era o que eu botaba de menos cando saía de viaxe. A calidade total no servizo, desde que o cliente chega ata que sae. Profundo coñecemento do mercado (fixen o meu propio estudio de mercado visitando máis de 55 casas). Contar con un bo posicionamento en Internet e con bos Tours operadores, ademais de estar presente en Turgalicia e na rede de hoteis con encanto de Europa. Ter moi clara a segmentación do mercado e orientarme a un público medio-alto..

Perfil dos promotores

Luisa Carnero, é traballadora social no Concello de Xinzo de Limia desde hai 14 anos. Aínda que na súa familia hai tradición empresarial, a promotora non ten experiencia previa no sector. Con trinta e nove anos abre a súa casa de turismo rural.

• Descargar datos da empresa

A idea

 Rubén Darío Romero Souto ( 1981 ) "Despois de traballar moitísimo durante sete anos en cociñas de varios restaurantes, sentín o desexo de montar algo pola miña conta, para facer o que me gusta e fuxir da monotonía diaria do traballo nunha cociña. Doutra banda, a liña de traballo que me gustaría seguir é moi complicada de defender en Galicia, así que busquei outros derroteros e comecei a desenvolver a miña idea.
 

As sobremesas, a nivel creativo, están moi pouco desenvolvidas. Para tomar unha boa sobremesa hai que ir a un restaurante dun nivel moi alto. Este proxecto permitíame traballar nun campo sen explotar e permitíame facer cociña de autor con responsabilidade. Hoxe estase xeneralizando o uso do conxelado para o pan e a pastelería. Desaparecen as pastelerías tradicionais porque é moi difícil competir cando cos conxelados aforras persoal. Os provedores están ofrecendo de forma masiva produto precociñado, conxelado e pos para todo, e é moi difícil rexeitalo porque o custo é ridículo (aínda que a calidade é pésima). Eu apostei pola artesanía e pola calidade.

Claves do éxito

Para calquera empresa cando empeza, os primeiros meses son os peores. En hostalería ocorre precisamente o contrario. O boom prodúcese ao principio, cando é unha novidade e o boca – oído funciona moi ben. O difícil é manterse.No noso caso, creo que o éxito debería estar baseado na orixinalidade da idea, o coñecemento profundo do sector e, sobre todo, nunha consciencia absoluta sobre o que facemos. Ter os pés sobre a terra e saber que fixemos unha aposta arriscada, que pode dar moito de si pero non perder de vista onde están os límites.

Perfil dos promotores

Rubén Darío, aporta formación no Centro Superior de Hostalería de Galicia e experiencia en varios restaurantes.
A empresa conta con outro socio máis..

• Descargar datos da empresa

A idea

José Manuel Lagüela Orosa ( 1970 )
José Luis Espiñeira López ( 1969 ) Trátase dun pub irlandés que ofrece espectáculos orientados a diferentes grupos de idades e concertos en directo de música celta.

A idea xurdiu dunha conversación e, pouco a pouco, converteuse nun proxecto que chegou a durar ano e medio. Tivemos en conta ata o menor dos detalles e valoramos os aspectos positivos e negativos da nosa experiencia como clientes.

En primeiro lugar fixemos un estudio da zona (o Burgo) e un estudio previo de mercado. Comprobamos que un 60% da poboación tiña entre 25 e 35 anos, o cal supuña a mellor clientela para o noso tipo de negocio. Por outra parte, detectamos que a zona carecía de oferta hostaleira adaptada  ao perfil destas idades.

Queríamos montar un negocio que non dependese do barrio no que se situara nin do círculo de influencia de cada socio. Así mesmo, non existe discriminación de idade entre os clientes, nin culturais, políticas ou sociais.
Tivemos moi claro desde o principio a imaxe que queríamos conseguir e que a combinaríamos cun bo servizo, prezos contidos e moita profesionalidade.

Claves do éxito

- Traballo.
- Obxectividade: pensar como o cliente.
- Profesionalidade: non facer distincións entre clientes, tratalos a todos por igual.
- Creatividade: por cada idea nova analízanse os pros e contras, e decidimos se estamos completamente seguros.
- Comunicación e organización..

Perfil dos promotores

José Luís ten formación profesional no ramo administrativo e é licenciado en marketing. Aporta ademais catro anos de experiencia en "El Corte Inglés".
A empresa conta con dous socios máis..

• Descargar datos da empresa

A idea

Víctor Aramburu Molet ( 1966 ) Dous dos socios coñecémonos facendo descenso de augas bravas. Os dous compartíamos a afección por este deporte e un día fomos  dar a un antigo balneario abandonado, a 15 km. de aquí (no balneario de Fraguas). Seduciunos  a idea de poder desenvolver algo similar. As doses de viabilidade a esa idea púxoa o meu socio.

Claves do éxito

Creo que a clave principal é ter moita capacidade de traballo e crer no teu proxecto. O período de implantación foi moi longo, transcorreron cinco anos desde que fixemos os primeiros números ata que abrimos as portas, e durante ese tempo tivemos que enfrontarnos a moitos problemas que non teríamos superado se non tivésemos unha fe absoluta no noso proxecto.Ademais, a situación é extraordinaria, rodeados dun bosque autóctono e un rico patrimonio histórico e cultural. Os clientes dinos que aquí atópase auténtica tranquilidade.

É un balneario tipicamente rural, como os que se construían antigamente e arredor dos cales se ían formando unha poboación (como foi o caso de Mondariz)..

Perfil dos promotores

Victor, achega formación en xestión hoteleira e experiencia profesional nunha multinacional do sector téxtil. A empresa conta con dous socios máis.

• Descargar datos da empresa

A idea

Gerardo Romero Copo ( 1950  ) Estiven moitos anos no estranxeiro, onde dirixín e fun propietario de hoteis e restaurantes, e quería facer algo en España, aplicando os coñecementos e a experiencia acumulada durante todos eses anos e en entornos tan diferentes.

Trátase dun hotel en Culleredo que ofrece servizos de aloxamento, restaurante e cafetería.O servizo de restauración só o ofrecemos baixo petición, e en ocasións para clientes que non están aloxados no hotel pero precisan dalgún servizo de catering.

O hotel consta tamén de salóns de convencións preparados para todo tipo de eventos (congresos, xuntanzas de empresas, banquetes, etc.), está situado en Culleredo, a 10 minutos do centro da Coruña e a cinco minutos de praias. Dispón dunhas estupendas vistas ao mar e os cuartos están equipados con baño completo, secador de cabelo, caixa de seguranza, televisión vía satélite, fío musical, teléfono directo, vídeo, etc.Outros servizos complementarios son garaxe e servizo médico as 24 h.

Claves do éxito

A  clave fundamental é unha enorme dose de traballo, empeño e constancia, e desde logo facer as cousas ben para  conseguir o fin último que é satisfacer ao cliente.Creo que a situación é outra das claves do éxito. Aínda que non está no centro da Coruña, goza de bos accesos e aparcamento gratuíto, e isto resulta moi cómodo para grande parte dos nosos clientes, que son representantes ou empresas.Ademais está moi ben orientado, cara ao mar e goza dunhas vistas excelentes.

Perfil dos promotores

Gerardo,  posúe estudios de hostalería e aporta experiencia de 39 anos en hostalería a nivel internacional (Suíza, Estados Unidos, Alemania, México e España).

• Descargar datos da empresa

A idea

Juan Carlos Taboada Sarmiento ( 1971 ) "Sempre fun un grande amante da natureza e das tradicións culturais galegas. Gustábame a zona na que nacín e tiña a ilusión de recuperar un dos muíños, xa que opinaba que a situación era perfecta.
 

Conseguín unha concesión do concello por tempo determinado e comecei a rehabilitalo. Tivemos que traballar moito nas obras xa que inicialmente só tíñamos as paredes e o tellado, así que tivemos que refundir o chan sobre pedra viva. Agora temos dentro do muíño dúas lareiras e tres muíños interiores que ás veces pomos en funcionamento.

Trátase dun mesón restaurante situado nun muíño que forma parte dun complexo de 17 muíños situados no Parque Natural Ría Barosa, en Barro.O mesón ofrece tapas, comidas e ceas, sempre nun estilo de cociña tradicional galega.Ademais, ofrece aos visitantes a oportunidade de realizar actividades de sendeirismo, rutas en bicicleta, trecking, etc.

Claves do éxito

- O entorno.
- A gama de produtos e servizos que ofrecemos .
- A calidade dos servizos de restauración (a cociñeira é excelente), e a flexibilidade, xa que ofrecemos infinidade de tapas así como pratos á carta e todo tipo de pratos de cociña tradicional (chourizos ao viño, calamares, orella, churrascadas, carnes e peixes á brasa, etc.).
- O traballo diario e a mellora constante. Non é bo conformarse sempre co que  un ten. Hai que ter un pouco  de cobiza para non estancarse e actuar fronte á competencia.
- Ter moita vontade, ser moi positivo e manter sempre viva a ilusión. .

Perfil dos promotores

Juan Carlos,  non aporta experiencia en hostalería, aínda que traballou en varias pousadas en Andorra.
Aos vintenove anos abre un mesón nun vello muíño rehabilitado.

• Descargar datos da empresa

A idea

 José Anca Rodríguez ( 1947 ) "A Empresa actual tivo a súa orixe nos años 50, cando o socio fundador, con vinte anos de idade, compra un autobús para satisfacer a demanda de desprazamentos de curta distancia dentro da cidade de Ferrol.
 

A empresa creceu sobre todo en base ao transporte escolar, o transporte de persoal para a construción da Central Térmica de As Pontes e á realización do transporte para viaxes de colectivos a destinos vacacionais de sol e praia.

Nos anos 80, co fin de cumprir coa legalidade na organización de viaxes e co propósito de incrementar o campo de actuación no sector de servizos, a Empresa toma a decisión de crear unha axencia de viaxes. En 1982, nace a empresa "Viaxes Paco".

Claves do éxito

Resultou fácil crecer porque foi unha evolución natural do mercado. Creo que nos soubemos adaptar moi ben ás esixencias do cliente, á evolución do mercado, á situación socioeconómica e á revolución tecnolóxica.Nunca escatimamos en investir en novas tecnoloxías,  os equipos informáticos  renóvanse todos o anos e as nosas terminais de reservas son as máis avanzadas do mercado. Fomos os pioneiros en Ferrol en ofrecer tarifas de Internet e billetes electrónicos. No 2000 puxemos en marcha noso proxecto de Internet, cunha páxina sinxela, que evoluíu e hoxe permite facer reservas on-line e é un  importante escaparate para nós. Aínda que a penas vendemos en Internet, recibimos cada vez máis visitas con peticións de orzamentos aos que respondemos no momento, e ese contacto é moi importante.

Internet converteuse  nunha ferramenta de traballo esencial, as aplicacións b2b son moi útiles á hora de xestionar as reservas cos nosos provedores. Para nós, máis que un medio de venda, é un medio de compra...

Perfil dos promotores

José, é profesor de Educación Primaria e achega experiencia empresarial coa creación de dous colexios. A empresa conta con dous socios máis.

• Descargar datos da empresa

A idea

Senén Ramos Álvarez ( 1968 ) Este negocio (na súa vertente produtiva) existe desde hai tres xeracións, polo que estamos completamente consolidados e contamos cun mercado afianzado e un prestixio na cidade que se mantivo durante moito tempo.
O tema do catering xurdiu porque os propios clientes o demandaban, foi case un compromiso, e unha vez identificado un mercado cun alto potencial de crecemento, buscamos o equipamento axeitado, comezamos a buscar persoal e démoslle formación especializada para adecuarse ás nosas necesidades. E fixemos as xestións necesarias para obter o rexistro sanitario específico de catering.

A ampliación posterior foi resultado da detección dunha oportunidade de negocio na área do complexo hospitalario de Ourense, xa que puiden detectar a través do meu traballo como enfermeiro, que a zona ofrecía enormes posibilidades para este tipo de servizos.

O terceiro punto de venda instalámolo no propio centro de produción, xa que ten unha infraestrutura que permite un local de venda e presenta vantaxes moi interesantes como o feito de evitar transporte e ter o apoio dunha cociña.
No ano 2007, créase unha planta industrial na que centralizamos toda a actividade produtiva e logística da empresa, aforrando así tempo e custos, mellorando a nosa productividade e aumentando de maneira considerable a nosa capacidade produtiva.

Impleméntanse novos procesos produtivos, como a “liña fría”, o envasado EAP (atmosfera controlada ou protectora), o abatimiento de temperatura, etc..

Claves do éxito

Penso que as claves no noso caso foron a constancia, un risco calculado e sobre todo unha calidade esmerada tanto no produto coma no servizo. Nos servizos de catering por exemplo, antepoño a satisfacción do cliente á obtención de beneficios porque son consciente de que a mellor publicidade é o “boca-oído”. Un cliente satisfeito supón novos clientes.

Perfil dos promotores

Senen, é diplomado en Enfermería e colaborou no negocio familiar desde a súa infancia. A empresa conta con outra socia máis.

• Descargar datos da empresa

A idea

Luis Ángel LópezEspiñeira ( 1966 ) "A idea xurdiu ao observar como o campo está a quedar abandonado. A xente nova xa non quere traballar na agricultura porque non ve futuro nela.

Desenvolvemos este proxecto porque tentamos construír nel unha forma de vivir e unha profesión digna, para que a xente xoven volva ao seu lugar, potencie a produtividade do campo e se sinta integrada nel.

Ademais, para lograr este fin garantindo a substentabilidade dos recursos, desenvolvemos métodos de agricultura integrada ou ben ecolóxica, para asegurar a saúde da terra, da auga, do ar e do home.

En principio, o sistema máis xeralizado é o de produción integrada, que está baseado na loita biolóxica dunhas pragas contra outras, de forma que se evita o uso de substancias nocivas como pesticidas, funxicidas e herbicidas.

Claves do éxito

- Buscamos harmonía entre a Natureza e o Home. O feito de desenvolver unha plantación de viñedos nesta zona, implica un equilibrio ecolóxico. Evita que a zona se desertice, que medre matorral de forma indiscriminada e que se produzan incendios. E por outro lado, supón creación de riqueza e posibilita aos habitantes da zona un medio de vida.

- A innovación: observamos o que está a ocorrer noutros mercados, analizamos a viabilidade desas técnicas no noso, e aplicámolo. En particular, fomos os pioneiros en instaurar os métodos de produción integrada, que se basean en evitar o uso de pesticidas, funxicidas e herbicidas mediante a súa substitución por bacterias inocuas para as plantas, pero dañinas para as pragas..

Perfil dos promotores

Manuel Barcala foi o protagonista da posta en marcha da denominación de orixe Rías Baixas, na que traballou durante catorce anos. Conta ademais con formación académica tanto en agricultura como en dirección e xestión de empresas.

Na actualidade está centrado nun proxecto de desenvolvemento ecolóxico do Val do Ulla, no que xa se iniciou con viticultura biolóxica e continuará con plantacións orgánicas de maceira de sidra, horta, froiteiras autóctonas e cereais autóctonos (millo, trigo, etc.). Desenvolverase un proxecto piloto nunha finca de Vedra para continuar desenvolvendo o val do Ulla e recuperar froiteiras antigas e variedades de viño con máis de 200 anos.

• Descargar datos da empresa

A idea

Xosé L. Carrera Valín ( 1963 )  Trátase dunha empresa familiar que ten a súa orixe nunha pequena empresa de produción láctea con transformación de queixo artesanal a moi pequena escala. Coma noutros moitos casos, a explotación tendía a desaparecer e quixen recuperala. Sobre todo, quería recuperar a produción artesanal e o valor dos produtos autóctonos, que tendían á súa extinción.

Todo este proxecto está baseado nun plano de desenvolvemento rural, cuxa proxección busca a rendibilidade do negocio.

Estamos emprazados na parroquia de Albá e os nosos produtos fan parte da denominación de orixe “Arzúa-Ulloa” e do Consello Regulador de Agricultura Ecolóxica.

Claves do éxito

Unha das claves máis importantes é a calidade. Cando comezamos a nosa actividade, recibimos o premio ao mellor queixo. Facemos un produto orixinal baseado na recuperación de algo que xa existía, e facémolo coa máxima calidade, baseándonos na súa orixe e protexendo o medio.

Penso que a combinación de calidade, tradición e innovación é garantía de éxito.É tamén fundamental ser vangardista, sen te afastar da tradición e da orixe. Buscamos a calidade nos atributos do produto: denominación de orixe, produto artesán, ligazón cun territorio concreto, e temos produción propia de leite co que conseguimos a máxima calidade na materia prima. Fomos a primeira empresa que introduciu a produción ecolóxica e tratamos de innovar desde a orixe e a tradición

Perfil dos promotores

Xosé Luis proporciona formación especializada sobre temas agrarios, agricultura ecolóxica e xestión de empresas a través de diversos cursos de formación. É ademais presidente da Denominación de Orixe Arzúa – Ulloa e foi un dos promotores da denominación de orixe para a posta en valor das queixerías artesanais.

• Descargar datos da empresa

A idea

Mario Carballo Lama ( 1969  ) A idea xurde como consecuencia da realización dun proxecto final na escola de negocios Caixavigo. Entusiásmanos a idea de levalo á práctica e dúas das persoas que participamos no proxecto nos animamos a desenvolvelo.

Ofrecemos augardente elaborado de forma artesanal, segundo receitas antigas, e a partir de froitos autóctonos.

Claves do éxito

- Apostamos por un proxecto de calidade, un produto elaborado artesanalmente a partir de receitas antigas.
- A imaxe (coidamos moito a presentación do noso produto).
- Xestión profesional.

Perfil dos promotores

Mario é licenciado en Ciencias Económicas, diplomado en Administración de Empresas e posúe un máster en  Administración de Empresas. A empresa conta con outro socio máis. Aos trinta anos crean unha empresa de elaboración de licores artesanais.

• Descargar datos da empresa

A idea

Alejandro Argudín Vázquez ( 1979 ) "Comegal S.L. é unha empresa que nace da iniciativa de profesionais cunha ampla experiencia no sector do mecanizado. A inquedanza destes profesionais levounos a emprender no 1998 a arriscada aventura de crear unha nova empresa que se dedicase ao campo que mellor coñecían: o mecanizado destinado principalmente á empresa auxiliar do automóbil.

Trátase no seu comezo dunha empresa de mecanizado dedicada á construción de equipos de control dimensional de precisión: calibres, maquetas de montaxe e equipos complementarios. O primeiro ano foi necesario equipar unha nave coa maquinaria precisa para poder acometer os primeiros encargos: cizalla, rectificadora, torno, fresa e equipos de metroloxía. Ampliamos no segundo ano as instalacións produtivas cun centro de mecanizado CNC e un centro de fresado e torneado de pezas.

Claves do éxito

Tras un duro comezo, realizouse unha necesaria reestructuración societaria no ano 2.002, que derivou nunha importantísima mellora en todos os aspectos da empresa. Así Comegal S.L. nos últimos anos conseguiu evoluir co mercado diversificando a súa produción de cara a lograr unha maior satisfacción das necesidades dos seus clientes, cumprindo requirimentos tanto técnicos como de calidade e prazo. Todo iso foi acompañado dunha considerable ampliación do cadro de persoal, potenciando a contratación de técnicos cualificados e dominando a filosofía da creación de emprego estable.

Foi tamén moi importante a fidelización dos nosos clientes grazas unha relación de colaboración cos mesmos e de desenvolvemento conxunto. no trato cos nosos proveedores. Esta relación de colaboración tamén está presente pechando o cerco de produción. Así mesmo foi fundamental a calidade e a seriedade como un punto clave na filosofía de empresa.

Perfil dos promotores

Alejandro Argudín ten estudos de Enxeñería Técnica Industrial e aporta experiencia previa na empresa Precisións de Galicia, S.L., desenvolvendo diferentes labores e postos na mesma.
A empresa conta con dous socios máis.

• Descargar datos da empresa

A idea

Carmen LópezHidalgo ( 1962 ) Traballaba nunha cooperativa de confección que tivo dificultades e finalmente tivo que disolverse. Decidín crear o meu taller de manufactura téxtil porque tiña a experiencia e coñecementos do sector. Ademais, pensei que o feito de poder situar o taller perto do meu domicilio, permitiríame compaxinar mellor o traballo coa vida familiar.

Trátase dun taller de manufactura téxtil centrado na costura. É dicir recibimos as pezas xa cortadas e só temos que coser para confeccionar a prenda. Por outra banda trátase dun taller especializado na confección de roupa de traballo, sobre todo en pantalóns e chaquetas aínda que en certas ocasións realizamos algún outro tipo de peza como poden ser batas.

Claves do éxito

Para alcanzar o éxito é necesario ter unha boa organización, porque senón é imposible. Debes de aportar moita dedicación ás diferentes actividades. Debes desenvolver o traballo do día a día cuns niveis de calidade adecuados. A flexibilidade tamén é un factor moi importante.

Perfil dos promotores

Carmen ten estudos en corte e confección e aporta coñecemento e experiencia no sector téxtil.

• Descargar datos da empresa

A idea

Eva María VarelaFernández ( 1967 )
Manuela LópezFernández ( 1953 ) Traballabamos cun deseñador nunha empresa téxtil, a cal por diversos motivos tivo que pechar. Nos decidimos continuar traballando en aquelo que máis nos gustaba e que mellor sabiamos facer, polo que creamos un negocio similar.

A nosa empresa baséase practicamente na confección de roupa a medida. Aínda que a confección do noso produto caracterízase por ter un gran valor engadido. Trátase dunha confección exclusiva, os produtos son orixinais e personalizados. Ademais están confeccionados con tecidos de primeira calidade, normalmente son tecidos italianos e franceses. Antes de confeccionar un modelo, analizamos e estudamos ao cliente en función do seu estilo e anatomía co fin de atopar e realizar un modelo que resulte feminino, agradable e adecuado..

En principio, o sistema máis xeralizado é o de produción integrada, que está baseado na loita biolóxica dunhas pragas contra outras, de forma que se evita o uso de substancias nocivas como pesticidas, funxicidas e herbicidas.

Claves do éxito

A principal clave de éxito está en realizar un bo traballo. Por outra banda, dedicarnos ao que nos gusta animounos a seguir nos momentos difíciles. Outro factor moi importante é a falta de competencia na zona.

Perfil dos promotores

Eva e Manuel estudaron deseño e patronaxe. Ademais de aportar unha experiencia no sector téxtil iniciada cando tiñan 17 anos. As súas familias tamén traballaban no sector téxtil, desde nenas recordan ás súas nais e avoas traballando na casa como costureiras.

• Descargar datos da empresa

A idea

Miguel Angel Mosquera Rey ( 1971 ) Tratábase dunha tradición familiar con 30 anos de antigüidade. Estaba a traballar cando me xurdiu a idea a raíz dunha conversación co meu pai e o meu irmán na que me manifestaban o súa ilusión por impulsar a empresa cara novos mercados. Identifiquei unha boa oportunidade no mercado e animeime a desenvolver o meu proxecto.

Trátase dun proxecto de elaboración e comercialización de produtos tradicionais de Allariz, elaborados con améndoa, ovo e azucre como ingredientes básicos, se ben algúns produtos conteñen ademais obleas, masa follada e chocolate negro.Todos os produtos son de elaboración artesanal e están orientados aos mercados de delicatessen.

Claves do éxito

 - Ter obxectivos moi concretos e coñecer as propias limitacións, que poden ser moitas.
- A calidade do produto
- A teimosía e a capacidade de traballo

Perfil dos promotores

Miguel Angel posúe estudios de enxeñería e desde pequeno está familiarizado co mundo da pastelería pola empresa dos seus pais. Tamén aporta experiencia profesional como pasteleiro durante 3 anos. Deixou o seu traballo por conta allea para retomar a empresa da súa familia, que funcionou durante 30 anos pero a nivel local, sen proxectar a súa produción a nivel nacional debido a problemas de conservación dos amendoados.

Miguel desenvolveu, en colaboración coa universidade da Coruña, un estudio de conservación e logrou deseñar un sistema que permite manter os amendoados en perfecto estado de frescura durante 6 meses. Na actualidade, segue investigando sobre o tema da conservación pero os logros dependen moitas veces da súa capacidade económica.
Aos vintesete anos decide encargarse dunha empresa de elaboración artesanal de almendrados, reorientando a traxectoria que mantivera a súa familia durante trinta anos.

• Descargar datos da empresa

A idea

Catalina Fernández de Ana Portela ( 1974 )  Cursando o último ano de carreira, realicei un proxecto de empresa para a asignatura de Microbioloxía Aplicada, baseándome nos estudios realizados no Centro de Investigacións Forestais de Lourizán sobre o cultivo de saprófitos. O traballo resultou ser máis interesante e novidoso do esperado e funcionou como catalizador para a creación da empresa.
Unha vez convencida de que debía tentalo, acudín ao IGAPE para tratar de conseguir formación do mundo dos negocios.

Empresa de medio ambiente especializada en micoloxía. Comezamos producindo sacos de compost inoculado para a produción de cogomelos e agora, tres anos despois realizamos cursos e conferencias de micoloxía de cultivo, micoloxía  silvestre, xestión de superficies forestais, asesoramento sobre a micorrización de plantacións privadas, montes comunais, e planta de viveiro (introdución de fungos comestíbeis nas raíces de plantas superiores para impulsar a produción de cogomelos silvestres e mellorar o crecemento da planta).

Claves do éxito

Por agora non podo falar de éxito, só de traballo e dedicación, espero que o éxito chegue algún día. De momento,seguimos investindo como cosacos.

Perfil dos promotores

Catalina Fernández Licenciada en CC. Biolóxicas e doutoranda.
Participou nunha empresa piloto de similares características a esta, onde se aplicaron os traballos de investigación realizados por un equipo, do que tamén formaba parte a promotora, pertencente ao Centro de Investigación Forestal de Lourizán (Pontevedra).
Con vintetrés anos, crea a súa empresa de produción de sacos de substrato inoculados co cogomelo Pleurotusostreatus.

• Descargar datos da empresa

A idea

Francisco Otero Pérez ( 1973 ) Meus pais tiñan un almacén no centro de Vilalba destinado á venda de embutidos e xamóns. Desde neno estiven familiarizado co sector e cheguei a coñecer en profundidade este mercado.

Por esixencias da demanda e para crear unha liña constante de calidade nos produtos (seleccionalos, elaboralos segundo os estándares demandados polo cliente, etc.) fíxose necesario realizar unha reforma no local que tiñan  meus pais. Tratábase dun local de 250 m2 e o espazo era insuficiente. Por iso decidín reconsiderar todo o proxecto, contemplar novos servizos e transformar por completo o concepto de negocio que desenvolvéramos ata o momento. Ese foi o xerme da actual fábrica.

Trátase dunha fábrica artesanal de embutidos e secadoiro de xamóns que conta ademais cun punto de venda na propia fábrica. Elaboramos de forma artesanal chourizo galego, chourizo vela, chourizo e salchichón cular, lombo e cabezada de lombo, lacóns, touciños, etc.

Claves do éxito

A traxectoria que describiu esta empresa débese sobre todo ao coñecemento profundo do mercado, ao traballo constante e a unha fe profunda neste proxecto. E por suposto, á calidade dos produtos e ao esmero no servizo.Tamén foi fundamental saberse financiar, planificar moi ben os prazos de cobros e pagos para que non xurdan tensións de tesourería.

Perfil dos promotores

Francisco carece de formación previa relacionada co sector, mais coñéceo en profundidade posto que seus pais tiñan un negocio de comercialización de embutidos.

• Descargar datos da empresa

A idea

Francisco Javier Fernández Besada ( 1974 ) ) Desde moi pequeno quería ser empresario, en realidade foi algo vocacional.
O feito de dedicarme ás artes gráficas foi unha casualidade.

Eu quería estudiar electrónica, pero como non quedaban prazas, recomendáronme que me matriculase noutra especialidade, neste caso, en artes gráficas para facer o primeiro ciclo de formación profesional e cambiar a electrónica no segundo ciclo. Comecei con artes gráficas e descubrín que era o que me gustaba de verdade.

Os traballos que realizo pódense enmarcar nas seguintes áreas: deseño, serigrafía, imprenta, rotulación, infografía e regalo publicitario.Algúns dos servizos máis demandados son a rotulación adhesiva e luminosa e os regalos promocionais de empresa. Tamén recibo moitos encargos de tarxetas, para o cal investín nunha imprenta rápida..

Claves do éxito

-  Traballo constante. Ser ademais moi positivo e non desesperarse.
- Un bo traballo comercial, que foi fundamental para loitar contra a competencia e conseguir unha boa carteira de  clientes que se vai ampliando constantemente.
- Ser positivo, non desesperarse nunca e traballar moitas horas.Ter constancia e ser cobizoso.Tratar sempre de mellorar e progresar e non conformarse nunca co que se vai conseguindo.

Perfil dos promotores

Francisco Javier aporta formación profesional de grao superior en Artes Gráficas, coa especialización en fotomecánica e fotocomposición. Ademais realizou varios cursos de serigrafía na Universidade Popular.

En canto á experiencia profesional, realizou prácticas nunha empresa de litografía, en montaxes e impresión e traballou nunha serigrafía. Aos vintecatro anos xa montara unha empresa de impresión de soporte publicitario.

• Descargar datos da empresa

A idea

Amador Turnes Núñez ( 1966 ) Traballaba nunha empresa de mecanizados na que se facían máquinas para subir redes. Era a época na que a Unión Europea daba subvencións para a reforma pesqueira, a mediados dos anos 80.

Traballaba moitas horas e reflexionaba sobre todo o que traballaba, pensaba que non me pagaban o suficiente e que non tiña probabilidades de promoción profesional. Así que me decidín a crear a miña propia empresa. Tiven un accidente laboral e durante o tempo da baixa e as miñas vacacións, dediqueime a madurar a miña idea e a materializala nunha realidade buscando local, maquinaria, etc.

Trátase dunha empresa de mecanizados. Ofrezo basicamente dous tipos de servizos:

- Mantemento de maquinaria, tanto preventivo como correctivo (reparación de máquinas de amasar, conformado, etc.)

- Deseño e fabricación de astilladoras de leña (máquinas de cortar leña, máquinas hidráulicas, etc.), estruturas metálicas, chorreadoras de area para gravar sobre materiais duros, etc.

Claves do éxito

A clave máis importante é ser capaz de dar solucións a un cliente que chega cun problema ou unha necesidade. E por suposto, o deseño, que é o valor engadido que ofrezo.

Tamén é necesario saber transmitir ao cliente como o teu deseño vai responder ás súas necesidades. E neste punto xogan un papel fundamental a honestidade na análise e o rigor no criterio.

Grazas a todo isto puidenme gañar a confianza dos meus clientes e beneficieime da publicidade que eles mesmos me fixeron. O que mellor funciona neste mercado e supoño que en case todos, é o boca oído. A mellor publicidade é o teu propio traballo.

Perfil dos promotores

Amador posúe o título de FP II na rama do metal, especialidade máquina-ferramenta. Ten ademais estudos de delineación.

Aporta experiencia profesional de varios anos no sector dos mecanizados e na única fábrica de anzuelos de España. Traballou asimesmo para a Administración Local.

• Descargar datos da empresa

A idea

Fco. Javier Viaño Lara ( 1970  ) A nosa avoa é de Madrid e sempre nos comentaba que  alí hai decenas de pequenas fábricas de patacas fritas e que era unha mágoa que existindo en Galicia unha especie de tan boa calidade, non se explotase o mercado.

Tomamos en serio a opinión da nosa avoa e elaboramos un estudio de viabilidade, no cal contrastamos que a nivel rexional, tiñamos un único competidor serio. Os nosos estudios de mercado prevían unhas perspectivas moi favorábeis e detectamos así un nicho de mercado.

Trátase dunha fábrica de patacas fritas artesanais. Garantimos que as materias primas son de primeira calidade: a pataca é galega e utilizamos aceite de xirasol.

Encanto ao proceso productivo, desenvolvemos un sistema de frito tradicional: frito artesanal en tixola (aínda que son tixolas de 450 litros de capacidade) e non engadimos conservantes nin branqueantes químicos.Desenvolvemos unha excelente xestión de stocks para que o produto chegue sempre fresco ao consumidor.

Claves do éxito

- A calidade no produto e no servizo.
- Ter identificado un oco no mercado que non estaba explotado.
- A imaxe. A nosa imaxe corporativa é a nosa mascota "Patatota" que é unha planta de pataca coas follas.Tentamos que teña a maior presencia posíbel (na furgoneta de reparto, nas bolsas, etc.). Coidamos os cores, o tipo de letra, a presentación do produto en papel aluminio, todos os detalles son importantes para lograr que o cliente perciba, a través da imaxe, a calidade do produto.

Perfil dos promotores

Fco. Javier traballara en varias empresas, tanto de administrativo como de comercial. A empresa conta con dous socios máis.
Os promotores crearon a súa empresa cando tiñan respectivamente vinteseis e trinta anos.

• Descargar datos da empresa

A idea

Anselmo CuíñasIglesias ( 1945 ): Trátase dun proxecto de comercialización de ferramentas de construción e bricolaxe.

O propietario da empresa na que traballaba en Suíza xubilóuse e pechou o seu negocio ; entón volvín a España coa idea de crear unha empresa semellante dentro da mesma actividade e sector, para poder aproveitar así a miña experiencia profesional.
Teño vocación empresarial e grandes aptitudes como emprendedor, polo que me decidín a poñer en práctica a miña idea.

Claves do éxito

- Ferramentas de moi boa calidade. É a única tenda en Ourense que vende a marca HILTI. Moita xente acode só a observar as ferramentas debido ao seu grande prestixio.
- Calidade no servizo.
- Ofrezo un servizo integral. Eu mesmo encárgome do servizo técnico (reparacións, etc.).

Perfil dos promotores

O promotor fixo varios cursos de especialización na empresa.
Aporta ademais experiencia profesional en Suíza no sector da maquinaria. Traballou 25 anos en Ochsner AG de Zurich como mecánico reparador de maquinaria de construción e xefe de taller.

• Descargar datos da empresa

A idea

Fina Soto García ( 1951 ): Tiña unha pequena tenda de artigos de mercería, e observei a obsolescencia do comercio en xeral na Mariña Occidental. O sector necesitaba modernizarse e reciclarse para reactivar así a demanda. Esta foi a base sobre a que decidín montar a primeira das tendas CATYCRIS.

Nun principio, mercamos un local de 120 m2 con entreplanta e tres escaparates ao fronte da rúa. A tenda ofrecía naquel momento moda e complementos de señora, cabaleiro e neno, ademais dunha zona de almacén e costura. Co tempo, deixamos de traballar o mercado de confección infantil debido á súa escasa rendibilidade.Cinco anos máis tarde, abrimos un local anexo de 80 m2 e comunicado co anterior, destinado a zapatería. E seis anos máis tarde abriuse unha tenda de noivas nun local de 100 m2 situado noutra rúa.Por último, en 1991, abrimos unha tenda de moda xoven nun local de 130 m2, comunicado co primeiro, ademais de  destinar 600 m2 a almacén e oficinas.

Claves do éxito

Neste momento é a mellor tenda de moda da zona.
- A calidade no servizo e a atención personalizada.
- Variedade de marcas e estilos para todas as idades.
- Servicio de amaños de prendas e control moi esixente da calidade nos amaños
- Moito gasto en publicidade. Presenza constante en radio, prensa, etc.

Perfil dos promotores

A promotora aporta experiencia empresarial nunha tenda de artigos de mercería.
A empresa conta con outro socio máis.

• Descargar datos da empresa

A idea

Bárbara Medal Brandariz ( 1973 )
Ana Karina Castro Pampín ( 1973 ): Esta libraría é a materialización dun antigo soño que tiñamos.
Todo comezou cando éramos estudiantes en Santiago. Encantábanos os libros e tiñamos a ilusión de chegar a montar algún día unha libraría, se nos tocase a lotería.

Cando rematamos os nosos estudios e volvemos a Sada, identificamos unha boa oportunidade de negocio porque en Sada non existía ningún lugar cun fondo de libros. Descuberto este nicho de mercado, nos decatamos de que nunca conseguiríamos facer realidade o noso soño se esperábamos a que nos tocase a lotería. Por eso en cinco meses desenvolvemos o noso proxecto, buscamos información e formación e adaptamos a nosa idea inicial ás posibilidades e á realidade do mercado.
Tiñamos a idea tan clara que en cinco meses transformámola nunha empresa.

Claves do éxito

Sobre todo, a nosa ilusión e constancia, superar os problemas que nos foron xurdindo, empezando polos económicos. Por suposto, tamén existen factores asociados ao mercado. No noso caso, aproveitamos un nicho de mercado xa que en Sada non existían librerías.

Perfil dos promotores

As promotoras posúen estudios de Historia do arte e Psicoloxía e aportan experiencia profesional previa no sector da hostalería..

• Descargar datos da empresa

A idea

Nonito Pereira Rey ( 1968 ): A idea xurdiume a raíz do meu obxectivo de traballar nun proxecto no que puidese aplicar os coñecementos adquiridos previamente.

Trátase dunha tenda de discos especializada con opción a desenvolver nun futuro próximo a creación dun selo discográfico independente que dea saída ás expresións artísticas de formacións musicais galegas..

Claves do éxito

- Un profundo coñecemento do sector.
- Dar servizo aos clientes desasistidos cun produto de difícil localización.
- O trato personalizado.
- Asesoramento en casos específicos.

Perfil dos promotores

O promotor desenvolveu seminarios sobre marketing de servizos e xestión de actividades artístico - culturais.
Tamén aporta experiencia como representante da compañía discográfica Polygram, técnico de comercio exterior e xerente dunha tenda Virgin.
Aos trinta anos abre a súa tenda de música..

• Descargar datos da empresa

A idea

Juan Carlos Pose Palleiro ( 1974 ): Tiñamos ganas de emprender e recompilamos ideas de negocio. Logramos identificar unha trintena de iniciativas e decantámonos por esta.
Antes de tomar a decisión, avaliamos diferentes aspectos coma o investimento necesario ou os requirimentos de persoal. Decatámonos de que a actividade non esixía contratar persoal e o investimento era relativamente baixo, así que nos pareceu unha boa idea.

As nosas inquietudes por emprender teñen o seu antecedente no ano 2002,  cando creamos unha asociación para fomentar as iniciativas emprendedoras. Os socios da Asociación Fundai dedicámonos a reunir capital para apoiar esas iniciativas, e funcionamos como un viveiro de empresas. Entre todos os proxectos que apoiamos, tamén figuraba un de vending.

Claves do éxito

Unha boa planificación inicial foi a clave no noso caso.Detivémonos para analizar o que íamos investir, os obxectivos que perseguíamos, planificamos futuros investimentos, e todo iso axudounos a acadar a nosa actual estabilidade.

Perfil dos promotores

Juan Carlos Pose é Enxeñeiro Industrial e achega experiencia profesional no sector da construción.
Manuel Soutiño é Enxeñeiro de Telecomunicacións e achega experiencia como comercial.
A empresa conta con tres socios máis.

• Descargar datos da empresa

A idea

Miguel Salas Bruquetas ( 1953 ): A idea xorde froito do coñecemento do sector do libro e do forte crecemento que estaba tendo a universidade nese momento. Pretendíase crear unha libraría universitaria, é dicir onde os clientes procedesen do mundo universitario, por iso apostouse por unha localización próxima ao campus universitario.

Nos inicios da empresa a libraría pretendía ser universitaria aínda que finalmente quedouse nunha libraría de barrio onde unicamente se venden libros, excepto libros de texto. Recentemente introduciuse a venda dunha serie de xoguetes de tipo educativo, de alta calidade e seguridade, que axudan aos nenos a desenvolver e mellorar as súas capacidades cognitivas e as súas habilidades motrices.

Claves do éxito

Neste momento non se pode considerar que a empresa teña éxito en función do nivel de beneficios xerados. A principal meta é manterse no mercado e intentar sobrevivir mediante a innovación, a introdución de novos produtos e novas técnicas de comercialización.

Perfil dos promotores

Miguel é licenciado en filosofía e letras, no itinerario de literatura. A súa experiencia profesional sempre estivo relacionada co sector do libro e da edición. Actualmente é presidente da Agrupación de Libreiros de Ferrol.
A empresa conta con outra socia máis.

• Descargar datos da empresa

A idea

Yolanda Rañales Mayobre ( 1981 ): "A idea xurdiulle en realidade aos meus irmáns porque o meu pai ten un barco. Somos unha familia con vocación polo mundo da pesca e coñecemos moi ben o produto.
Por outra parte, tíñamos en propiedade un baixo sen utilizar e queríamos rentabilizalo e buscar unha alternativa profesional para min.

Por todos estes motivos decidín montar este negocio, e tamén por ubicación, posto que nos atopamos nunha zona de marcada tradición pesqueira e unha forte demanda de peixe e marisco, tanto para consumo doméstico como para restaurantes.

Claves do éxito

A calidade. Nós traballamos en calidade, non en prezo. Aínda que ofrecemos prezos moi razoábeis, non se pode esquecer que estamos nun sector no que a calidade se consegue pagándoa.  E iso é precisamente o que os nosos clientes valoran.

A ubicación. Estamos nunha estrada que comunica Fene con Ares. Aínda que non é un núcleo urbano, é unha estrada moi transitada e neste aspecto radica grande parte das nosas vendas.

Perfil dos promotores

Yolanda aporta título medio de Comercio e esta constitúe a súa primeira experiencia laboral e empresarial.
A empresa conta con outra socia máis.

• Descargar datos da empresa

A idea

Xaquín Rodríguez Racedo ( 1968 ): "Coñeciámonos os tres socios porque estudamos en Santiago. En 1999, montamos un bar na casa de Chusa, e no ano 2000, presentamos un anteproxecto da nosa empresa actual para a realización dun máster de creación de empresas da Escola de Organización Industrial. Alí xurdiu a idea de converter un proxecto no que é hoxe a nosa cooperativa.
Os nosos obxectivos eran a busca do autoemprego e acadar unha alternativa aos cultivos tradicionais que incrementasen a rendibilidade da terra e mellorase a conservación da diversidade. Canto aos recursos, permitíanos rendibilizar a nosa formación e dispúñamos de terreos para desenvolver a actividade.
Posteriormente, a empresa foi declarada ILE do concello de Palas de Rei.

Claves do éxito

- Os produtos son eficaces, funcionan. E iso é resultado dun proceso de produción de calidade. Por exemplo, os nosos secadoiros manteñen os principios activos da planta, que con outro proceso de secado, perderíanse.
- A localización: estamos no Camiño de Santiago, por onde teñen que pasar todos os peregrinos que fan o Camiño Francés, e que nos piden catálogos dos nosos produtos. Estamos situados a unha hora e media de calquera lugar de Galicia. E tamén xusto a carón do Balneario do río Pambre, do cal somos provedores. Todo esto sérvenos de promoción, e de feito, recibimos unha oferta dunha tenda de Madrid para comercializar en exclusiva os nosos produtos.
- O apoxeo dos produtos econaturais en medicina, cosmética e alimentación.

Perfil dos promotores

Xaquín Rodríguez é licenciado en Ciencias Empresariais e achega experiencia profesional como formador (impartiu cursos e conferencias para emprendedores)
A empresa conta con dous socios máis.
Os tres promotores coñecíanse e teñen experiencia como emprendedores, xa que previamente a Milhulloa, tiñan un bar.

• Descargar datos da empresa

A idea

Antonio Martínez Riande ( 1940 ): Nautimar foi creada en 1978. Detectei unha necesidade que non estaba sendo cuberta polo resto de comercios de efectos navais existentes en Ferrol, posto que non había tendas que vendesen artigos de decoración náutica, nin artigos náuticos deportivos nin ferraxes de aceiro inoxidable. Vin nelo unha oportunidade de negocio e decidín comezar coa actividade.

E un comercio dedicado á venda de efectos navais en xeral. Principalmente, vendemos todo tipo de ferraxes en aceiro inoxidable - grilletes, tensores, cáncamos, etc. -, roupas mariñas, artigos de pesca, accesorios de náutica deportiva, cabullería especial - drizas, escotas, etc.- e artigos náuticos para agasallo..

Claves do éxito

É esencial que che guste o que fas. A min gústame o meu negocio, nunca me pesou o comezar nesta actividade. Por outra banda, é necesaria unha dedicación casi completa para sacar un negocio adiante.

Perfil dos promotores

Dende o ano 1967 ata 1976, rexentou un negocio de alimentación e hostalería. En 1976 emprendeu un novo negocio de hostalería que dirixiu ata 2005. Ao mesmo tempo, e dende 1978, compaxinou a xerencia do proxecto hostalero con Nautimar Efectos Navales.

• Descargar datos da empresa

A idea

Juan Alberto Batallán Silva ( 1956 ): "En realidade a idea xurdiulle á miña muller. Tras varios anos de traballo, quedeime en paro, e aos 45 anos esa situación é complicada. Eu tiña posibilidades como representante, xa que teño bastante experiencia e contactos no sector, pero á miña muller non lle gustaba a idea porque é un traballo que supón asumir certos riscos a nivel persoal polo feito de esixir moitas horas de viaxe por estrada. Así que foi ela quen me animou a pór en marcha un pequeno negocio.

Nun principio pensei nunha froitería, pero entón  estudamos a posibilidade dunha tenda de golosinas
posto que estamos ubicados nunha zona en crecemento cunha poboación infantil e xuvenil bastante importante.
Unha vez identificamos a nosa idea inicial de negocio, esta foise transformando e ampliando en función do pulso do mercado e da percepción de certas necesidades e demandas latentes que fomos captando. Deste modo convertemos unha idea inicial de venda de golosinas nunha "tenda de conveniencia" con despacho de pan, venda de golosinas, prensa e unha serie de artigos de alimentación que son moi demandados, sobre todo nas últimas horas do día, cando a xente chega tarde do traballo e necesita preparar algo para cear. Os produtos de alimentación máis demandados son empanadas e outros artigos de bollería, pasta, salsas e aceites.

Descoñecíamos este mercado, por iso tivemos que facer un esforzo importante para obter  información, en especial sobre o mercado das golosinas (porque non eramos consumidores).

Claves do éxito

Creo que a clave fundamental no meu caso é a ubicación. O baixo está situado entre o ambulatorio, a oficina de correos e o mercado. É unha zona moi transitada e sobre todo rexistra unha taxa de crecemento moi elevada. Estase construíndo moitísimo e o número de clientes potenciais amplíase constantemente debido ao grande número defamilias que veñen a vivir a esta zona do extrarradio da Coruña.

Por outra parte, os meus clientes están satisfeitos pola calidade do produto. Sobre todo en panadería teño moi bos  produtos, todos eles galegos e artesanais, pan de forno de leña, etc. Desta forma capto clientes que prefiren mercarme a min o pan e de paso mercan outros produtos que necesitan.

Perfil dos promotores

Juan Alberto aporta formación e experiencia como oficialía de automoción. Traballou ademais como representante en
moitos sectores (electrodomésticos, perruquería, móbel de baño, etc.).
Aos corenta e cinco anos, abre a súa propia "tenda de conveniencia"..

• Descargar datos da empresa

A idea

Maximino Blanco Taboada ( 1973 ): Traballaba como administrativo e a empresa da miña familia comezaba a formularse unha estratexia de crecemento que consistía basicamente en complementar a oferta cunha gama de produtos máis ampla. A  tenda que tíñamos ofrecía telas e lencería feminina, así que eu complementeina con fíos e botóns e lencería masculina. Como especialidade, incluín manualidades, labores, puntillas e guipures.

Antes de montar a nova tenda, funme a Portugal de vacacións e aproveitei para analizar o mercado e estudar como se levaban alí os negocios do sector. Logo visitei todas as feiras para contactar con potenciais provedores e obter un coñecemento máis profundo do mercado. Finalmente, fun a Barcelona para visitar as marcas, identificar as mellores e comprar directamente ás fábricas. Trouxen a Lalín a mellor marca que existe neste momento.

Claves do éxito

Creo que a clave máis importante é unha formulación clara e concisa do proxecto que se vai  desenvolver. E unha estratexia baseada na innovación, tanto na orientación do negocio como nos produtos que ofrezo. De feito, estou ao día nas últimas novidades e mesmo importo algúns produtos doutros países, maioritariamente de Estados Unidos.Tamén é importante a situación.

Este tipo de negocios necesitan un fluxo de xente moi elevado, e a situación xoga un papel fundamental no número de clientes, por iso deben estar situados en lugares comerciais, moi transitados, como por exemplo ao lado da panadería, da praza de abastos, etc.E por suposto a calidade no servizo e un profundo coñecemento do produto, o cal me permite un asesoramento especializado, que achega grande valor engadido ao meu servizo.

Perfil dos promotores

O  promotor ten formación profesional en Administrativo. Ademais, está familiarizado co sector posto que a súa familia  dedicouse á artesanía e tiña un negocio similar. Achega un profundo coñecemento do sector artesanal, e é profesor de manualidades..

• Descargar datos da empresa

A idea

Ángel Magdalena Boquete ( 1960 ), José Luis González González ( 1973 ), Ramón Torre Quintana ( 1976 )  Vendemos mobiliario de oficina e deseñamos o proxecto e o moble adaptado ás necesidades de cada cliente.Traballamos con primeiras firmas de mobles e evitamos os gastos de representación e intermediarios xa que vendemos directamente ao cliente final. Ademáis, non temos stock senón que traballamos baixo pedido.

."Basicamente, fartámonos de traballar para outras persoas, de ver sistemas de traballo que non eran eficientes e de non podelos cambiar. Tiñamos ideas e unha visión diferente da forma en que se debería levar o negocio, e non queriamos sobrevivir anclados no pasado senón medrar e ser competitivos.
Unímonos un equipo ideal, xa que un é especialista en autocad e deseño e dous somos comerciais con moitísima experiencia e contactos.
 

Claves do éxito

Consideramos que a clave principal é diferenciarnos dos demais, ofrecer bo produto a bo prezo e cun trato exquisito ao cliente, optimizando os recursos ao máximo. Case todo o mundo traballa igual neste mercado. Nós vendemos por catálogo en función do que o cliente necesita. E proporcionámoslle exactamente o que está buscando.

Se os nosos provedores non o teñen, buscámolo en internet e investigamos a forma de traelo.En realidade, aproveitamos un oco no mercado que non tiña ninguén. As grandes empresas de mobles están centradas nun segmento moi concreto, e o resto son papeleiras que teñen un oitavo departamento, que é o de moble, pero non dan o servizo de asesoramento, deseño e rapidez na execución do proxecto que conseguimos nós.

Cremos que a nosa maior innovación está na adaptación ao proxecto e a orientación para un segmento moi concreto.O moble de oficina ten basicamente dous mercados. A reposición e os polígonos industriais, que na actualidade están proliferando. Teñen a vantaxe de ser moi espaciosos e ofrecer moitas posibilidades para o deseño. Non existen moitos comerciais que traballen este mercado xa que da moito traballo, esixe moito tempo e moito seguimento ata que finalmente se consegue o contrato. Esta foi a razón pola que decidimos dar o salto e orientar gran parte do noso esforzo comercial cara ese segmento.

.

Perfil dos promotores

O noso perfil de cliente é moi variado. Desde naves comerciais, construtoras para divisións en biombo, falso teito, etc. ata pequenos locais.

• Descargar datos da empresa

A idea

Mª Carmen García Cabo, Carlos Aguado Gómez, Sonia Mª Pedrido Piñeiro : Trátase dunha tenda de moda especializada en tallas especiais. Traballamos desde a talla 46 en adiante, tendo en conta que a patronaxe de tallas especiais é especial, diferentes ás tallas normais.

Estábamos a vivir fóra e levaba dous anos en paro. A un dos meus socios  apetecíalle volver a Vigo e pensamos na posibilidade de volver e montar un negocio. Desde sempre gustoume moito o mundo da moda, e detectei unha oportunidade no mercado: as tallas especiais. Por outra parte, a súa familia  tiña varios negocios e el sentíase vinculado ao mundo da empresa pola súa familia. Iso levounos a deseñar o noso proxecto.
Recebemos moito apoio do noso entorno.

Claves do éxito

Unha das nosos claves é que traballamos con multifirma, é dicir, temos variedade de estilos e podemos vestir desde a unha moza rockeira a unha muller maior clásica.Outra das claves é a calidade no servizo. É moi importante personalizar o trato e facer que a xente se sinta a gusto. Esa é a forma en que se poden fidelizar clientes e captar clientes novos.

Perfil dos promotores

Mª Carmen García ten estudios de COU e FP2 na rama de perruquería e estética, e aporta experiencia profesional de cinco anos nun salón de perruquería e estética.
A empresa conta con dous socios máis. Con trinta anos abren unha tenda de roupa de tallas especiais.".

• Descargar datos da empresa

A idea

América Viqueira Golpe : Pensei en montar esta tenda como alternativa profesional. A idea inicial non foi unha tenda de alimentación senón unha tenda de roupa, pero nese momento tiven coñecemento de que un supermercado do barrio ía pechar porque os seus donos se xubilaban. Foi entón cando observei que ficaba un nicho de mercado sen cubrir e decidinme a satisfacelo , a dar servizo á zona.

Trátase dunha tenda de alimentación que ten "un pouco de todo". Tratamos de ofrecer sobre todo moita calidade, especialmente en froita e vexetais frescos. Temos ademais unha boa sección de charcutería, ultramarinos en xeral, pan e bollería, xeados e produtos de limpeza e menaxe..

Claves do éxito

- Ofrecer un produto de calidade esmerada e terme especializado en froitería e charcutería.

- Coidado esmerado na atención ao cliente.

Coido moito os aspectos formais na actitude cos meus clientes. Todos valoramos a educación, a amabilidade e o asesoramento. O meu obxectivo é que o cliente saia da tenda satisfeito e convencido de que fixo unha boa compra. En ocasións, cando se trata dunha compra voluminosa, tamén ofrezo servizo de entrega a domicilio.

Perfil dos promotores

A promotora non aporta experiencia profesional previa relacionada co sector, pero lle gusta o mercado da alimentación e coñéceo moi ben.
En todo caso, foi asesorada por un familiar empresario do sector.

• Descargar datos da empresa

A idea

Alberto Lorenzo Jiménez  :  A idea xurdiume sendo usuario. A partires dos Xogos Olímpicos, o negocio despegou e se convertiu nunha estupenda oportunidade de mercado. No ano 1988 existían 4.000 instalacións deportivas en España, e na actualidade, este número triplicouse. A principios dos anos 90, cando non existía a competencia dos grandes centros públicos, o negocio tiña unha enorme marxe de beneficio (arredor dun 30%), aínda que na actualidade, o panorama cambiou radicalmente.

A miña idea inicial era non arriscarme e buscar un traspaso ou un centro piloto, no que ofertar ao propietario dun ximnasio levarlle a xestión do mesmo e cobrar unha parte dos beneficios, é dicir; optimizar a empresa dun terceiro e cobrar por elo. E de feito, fixemos un proxecto que, por temas de distancia, non fructificou. Finalmente montamos un ximnasio en réxime de franquía e, posteriormente, nos independizamos.

Tratamos de flexibilizar ao máximo a nosa oferta, e de rendibilizar todas as franxas horarias do día. Abrimos a diario de 8 da mañá a 11 da noite, excepto os sábados, que temos un horario de 10 a 14 horas, e ofrecemos un total de 46 horas de entrenamiento personalizado á semana. Hai que ter en conta que se trata dun negocio marcado pola estacionalidade. En verán por exemplo, se reduce de forma sensible a afluencia de clientes e, polo tanto, adaptamos o noso horario.

Claves do éxito

Unha das chaves máis importantes é o entorno familiar e a axuda do meu pai, quen leva 45 anos exercendo como empresario, e do meu irmán. Eles me ofreceron un asesoramento empresarial rigoroso, sincero, e moi realista.Tamén ten xogado un papel fundamental a perseveranza. Todos os días tes problemas e dificultades, e só aprendes a dominalas có tempo.

Por último, temos traballado sempre buscando formación e información sobre as novas tendencias para ser os pioneiros na súa introducción. En todo caso, hai que ser prudentes e contrastar de antemán o valor engadido que aportan, xa que tan negativo é anticiparse e introducir unha nova actividade que non foi suficientemente probada, como quedarse atrás cunha oferta obsoleta.

Perfil dos promotores

O promotor ten estudios de maxisterio con especialidade en educación física. É ademais especialista universitario e máster en psicoloxía do deporte.
Aporta 10 anos de experiencia profesional no sector, en distintas áreas xeográficas e en mercados moi diferenciados.

• Descargar datos da empresa

A idea

Julio Vázquez Turnes :  Todos os afeccionados a este mundo  encontrabámonos sempre co mesmo problema: non tiñamos un lugar a onde acudir para xogar e atopar o que buscábamos. Teríamos que desprazarnos á Coruña e atopabámonos con problemas non só para mercar senón tamén para xogar (este tipo de xogos non é moi coñecido, e se vas a un lugar público coma un bar, a imaxe que proxectas pode resultar un pouco estraña).

Dinme conta que en Culleredo, Cambre e Oleiros móntanse poucos negocios. En xeral, cando xurde unha iniciativa, ábrese ao lado un negocio similar e a consecuencia máis común é que o mercado se satura para ámbolos dous. Eu quería aportar algo diferente.
 

Avalon é unha tenda de ocio alternativo. Ofrecemos unha serie de produtos orientados a xente nova, como cómics, warhammer (xogos de estratexia militar), que serían o equivalente aos tradicionais soldadiños de chumbo, xogos de cartas coleccionables, que en realidade serían como os xogos de estratexia pero en versión portátil, xogos de roll e merchandising (miniaturas, camisetas, etc.).

Claves do éxito

Creo que unha clave fundamental é un bo trato aos clientes. O “boca a boca” É a mellor publicidade, supón que  fidelizaches  un cliente e que este fará publicidade positiva no seu contorno.A organización e a planificación resultan fundamentais porque che permiten deseñar e orientar a empresa e saber cal é o enfoque adecuado. Por exemplo, á hora de planificar os investimentos, gastei bastante diñeiro en mobiliario e reforma do local, non obstante preferín facelo ben porque sabía que a imaxe do local repercutiría na boa saúde da empresa.

Grazas a unha boa planificación, souben con qué recursos contaría e como rendibilizaría  o meu negocio, datos necesarios para tomar unha decisión sobre o investimento.Outra das claves consiste en administrarse correctamente e desenvolver unha boa xestión de stocks, baseada nunha análise rigorosa da demanda, xa que normalmente a xente busca cousas novas e hai que manterse constantemente actualizado e traer material novo.

Perfil dos promotores

O promotor realizou o ciclo superior de Administración de Sistemas Informáticos.

Achega experiencia profesional como encargado dun ciber, profesor de informática e administrador de sistemas nunha empresa de informática.

• Descargar datos da empresa

A idea

María Teresa Rodríguez Ferreiro : A empresa comezou con dúas promotoras. Buscábamos unha idea para levar a cabo un proxecto de fin de carreira, e ocorréusenos unha empresa de organización de casamentos. Despois démonos conta de que xa existían empresas deste tipo noutras cidades, pero non en Ourense.

Tratase de unha axencia encargada da organización de calquera evento ou celebración que se lle confíe.

Claves do éxito

Dar co punto fraco da xente de hoxe en día: a falta de tempo. E darlle a solución a través dun asesoramento gratuíto.

Perfil dos promotores

Os nosos clientes acostuman ser persoas novas traballadoras, nais que queren organizar aos seus fillos un casamento diferente, etc.

• Descargar datos da empresa

A idea

Francisca Álvarez González : "A idea xurdiu a raíz dun posgrao de xestión de PYMES e cooperativas que realizou o meu marido a través do IGAPE. Ademais, consideramos que cun negocio deste tipo poderiamos proporcionar traballo ós nosos fillos mentres estivesen estudando.

A empresa desenvolve a actividade de café-teatro. Basicamente, brindamos os mesmos servizos que nun café-bar, co valor engadido que supón para os nosos clientes poder gozar dunha programación estable de espectáculos de todo tipo.

Claves do éxito

A principal clave do éxito radica na calidade do noso servizo, así como en que mantivemos estables os prezos das consumicións ante a entrada en funcionamento do euro, o que nos aportou un alto grado de fidelización dos nosos clientes.

Por outra banda, cabe destacar que o local aparece recoñecido na guía Gourmet.

Perfil dos promotores

Contamos con clientes de todas as idades. Ademais dos nosos habituais, acode moita xente procedente dos hoteis situados ó redor. O maior incremento da clientela prodúcese na época estival.

• Descargar datos da empresa

A idea

Ángela López Hidalgo :  A idea xurdiu fai máis de 10 anos a través dunha solicitude que fixo unha profesora amiga da familia de levar aos seus alumnos a ver como se traballaba nunha granxa, as plantacións que había, o establo, ect. Entón xurdiu a idea de crear un zoo de animais domésticos, ademais de desenvolver múltiples e variadas actividades relacionadas coa agricultura, a gandería e a natureza. Cando tivemos os recursos necesarios e a explotación apropiada encamiñámonos a levar adiante o noso proxecto.

A nosa granxa escola concíbese como un proxecto que resulta complementario á escola. Trátase dun programa de educación medioambiental nun entorno rural e en plena natureza onde os nenos poden manter un contacto directo coa natureza, a agricultura, a gandería e a artesanía. Na actualidade A Casa do Queixo é un complexo turístico en plena natureza. Ademais da granxa escola, conta cun zoo de animais domésticos, un albergue, un museo - tenda e un restaurante..

Claves do éxito

Factor humano.
Actualmente o sector rural está de “moda”.

Perfil dos promotores

Non dispoñible.

• Descargar datos da empresa

A idea

Marcos Deus Trullos :  Hai un par de anos acudimos a unha partida de paintball organizada pola Universidade de Coruña cos compañeiros de traballo, por aquilo de probar novas actividades. Gustounos e vímoslle potencia, así que comezamos a buscar información. Tiñamos espírito emprendedor e barallamos a posibilidade de converter esta actividade de ocio nun negocio. Identificamos falta de oferta especializada en Coruña e a súa área metropolitana. E así, aos poucos, foi evoluindo a idea como negocio, sempre compaxinando esta actividade co traballo por conta allea que temos noutro sector de actividade e que na actualidade seguimos mantendo.

Adicámonos fundamentalmente ao aluguer e venda de material deportivo, á organización de eventos deportivos e ao turismo activo. En principio especializámonos con dedicación exclusiva no relacionado co paintball. Ofrecemos todo o necesario para a súa posta en práctica: aluguer de material, aluguer de campos, organización da actividade e outros servizos engadidos como poden ser reserva en restaurantes, aluguer de limusinas, despedidas de solteiros, etc.

Claves do éxito

Consideramos que a clave fundamental é a oferta dun servizo especializado, que supón darlle ao cliente un produto “diferenciado” no que fai a instalacións, equipamentos, trato persoal, etc. E por suposto, toda esta calidade no servizo, acompañámola dun esforzo na creación e mantemento dunha boa imaxe comercial.

E canto a elementos innovadores, ofrecemos un servizo único na cidade de Coruña, e estamos situados nunha contorna que permite gozar desta actividade sen realizar grandes desprazamentos.

Perfil dos promotores

Marcos Deus é licenciado en bioloxía.
A empresa conta con dous socios máis.
Os promotores non tiñan relación empresarial algunha co sector de actividade desta empresa, non obstante eran afeccionados a esta actividade e similares.

• Descargar datos da empresa

A idea

Diego Rodríguez Martinez :  Tras varios anos traballando no sector do tempo libre, coordinando rutas de sendeirismo por conta allea, decidín que non necesitaba traballar para outras empresas posto que podía executar o traballo pola miña conta. De aí xurdiu a idea de crear a miña propia empresa, podendo así realizar as actividades do modo que a min me gusta.

Na empresa desenvólvense as seguintes áreas de actividade:
- Organización de actividades lúdico
- culturais.
- Organización de actividades de lecer e lúdico
- educativas.
- Organización de rutas de sendeirismo.
- Travesías de montaña.
- Animación de festas infantís.
- Organización de actividades xuvenís.
- Campamentos e campamentos urbanos.

Claves do éxito

A correcta prestación dos servizos.Profesionalidade, cada vez a xente é máis esixente.
Capacidade organizativa.
Coñecemento do sector o cal che deixa moitas portas abertas.

Perfil dos promotores

Confianza nun mesmo.
Compromiso.
Profesionalidade.
Continuidade, non deixar pasar as oportunidades.

• Descargar datos da empresa

A idea

Marcelino González Maneiro :  Despois de traballar moitos anos como buceador profesional, quería establecerme nun lugar concreto.. Sabía que podía funcionar a venda de material de buceo e pesca submarina. Ademais, como facía moito tempo que  tiña esta idea, fíxenme instrutor.
O  meu actual socio apoioume e,...adiante!

Os servizos que ofrecemos son os seguintes:Temos unha tenda que ofrece todo tipo de material de buceo e pesca submarina.En canto á escola de buceo, ofrecemos cursos para todas as idades e niveis. Tamén organizamos saídas ao mar para buceadores, alugamos equipos e ofrecemos servizo técnico de reparacións..

Claves do éxito

- Empeño e traballo constante.
- O apoio do meu socio.
- Boa situación da economía, en xeral.
- Novas tendencias do ocio. Téndese cada vez máis a desfrutar de actividades diferentes (diversificación da demanda de actividades de ocio).

Perfil dos promotores

Marcelino González é instrutor de buceo profesional e deportivo e aporta experiencia de 20 anos como buceador profesional e tres anos como instrutor.
A empresa conta cun socio máis.

• Descargar datos da empresa

A idea

José Sánchez del Valle Fernández : "Observamos carencias a nivel de eventos deportivos en Galicia e detectamos unha oportunidade de negocio que estaba implantado noutras Comunidades Autónomas. Como practicante de tríatlon e carreiras populares, vía que á hora de organizar probas, faltaba un toque profesional e un servizo de calidade. Ademais, ao participar en eventos fóra de Galicia, coñecín empresas que ofrecían unha serie de servizos para este tipo de probas.

Comecei a buscar ideas e sobre todo importalas doutros mercados onde se estaban  a ofrecer servizos innovadores (como o caso da cronometraxe).  Despois analizamos os servizos que necesitabamos para organizar un evento deportivo e tratamos de prestar un servizo integral. E todos aqueles servizos que non podemos prestar directamente, subcontratámolos.

Trátase dunha empresa de servizos deportivos especializada en promover, comercializar e organizar eventos deportivos ao aire libre. Tamén canalizamos patrocinadores e publicidade para o deporte.

Claves do éxito

Sobre todo, a calidade do servizo que ofrecemos. Non nos preocupamos dos nosos competidores senón de prestar o mellor servizo posible, e por suposto, non competimos en prezo porque consideramos que é unha práctica daniña para todos.Tamén supón unha clave fundamental ofrecer un servizo integral. Non nos limitamos a prestar a mellor cronometraxe que existe neste momento senón que facemos a montaxe completa (instalación de placas de patrocinio, publicidade, etc.)

Incorporamos aos nosos servizos todas as innovacións potenciais, por exemplo, cando un corredor chega á meta, envíaselle automaticamente un sms coa súa marca, tickets e resultados, que se publican en Internet no momento, etc. En definitiva, tratamos de nos diferenciar dos demais ofrecendo un valor engadido, e esa é a forma en que fidelizamos os nosos clientes e logramos ampliar o noso mercado sen necesidade de desenvolver un labor puramente comercial.

Perfil dos promotores

José Sánchez del Valle é diplomado en Educación Física e traballou en empresas de servizos deportivos.
A empresa ten dous socios máis.

• Descargar datos da empresa

A idea

Carlos Neira Noya, César Abella Vázquez :  Os dous facemos unha boa conxunción. Un de nós aporta experiencia previa no sector das artes escénicas, e o outro, posúe experiencia empresarial na dirección dunha empresa de xestión cultural e turismo.

A empresa consiste na produción e distribución de espectáculos teatrais. Temos que deseñar, conceptualizar, producir e distribuír os nosos proxectos culturais sendo innovadores e competitivos dentro da industria teatral e escénica.

Claves do éxito

Consideramos que lanzamos o noso produto no momento adecuado. É un produto que funciona no mercado contemporáneo, a sociedade é máis aberta, hai cambios políticos.

Temos a posibilidade de cubrir certas necesidades no mercado do teatro. Aproveitamos unha porta aberta.

Perfil dos promotores

Os nosos principais clientes son as administracións públicas, principalmente a través dos concellos e de la “Rede Galega de Teatros e Auditorios”.

• Descargar datos da empresa

A idea

Domingo Sampedro Sampedro :  Primeiro pola experiencia no sector e a posibilidade que a miña profesión me deu para realizar todo tipo de actividades relacionadas coa natureza. En segundo lugar polas condicións que reúne o lugar (Barbanza) para o desenvolvemento deste tipo de actividades. En terceiro lugar por outras empresas coas que tiven contacto. Pero sobre todo por me establecer por min mesmo, a inquedanza á hora de desenvolver iniciativas, a motivación cara ás actividades na natureza, e polo afán de facer cousas novas.

Trátase dunha empresa de actividades de lecer e tempo libre, enfocada sobre toda ás actividades na natureza durante o verán, e cara ás actividades na natureza e actividades extraescolares durante o curso escolar..

Claves do éxito

- Carácter innovador.
- Novos viveiros de emprego.
- Actividades non suficientemente desenvolvidas en GaliciaCoñecemento
- Efecto dinamizador na zona.

Perfil dos promotores

O promotor posúe estudios universitarios superiores en Educación Física. Ademais aporta a seguinte experiencia profesional:
- Monitor especialista no Servizo de deportes do Concello da Coruña durante 2 anos.
- Director da Escola Náutica (Windsurf) da Agrupación Deportiva Rías Altas durante 3 anos.
- Monitor de vela nos Campamentos de Verán da Xunta de Galicia durante 2 anos.
- Director da Escola Náutica do C.N. Ribeira durante 1 ano.
- P.E.S. Educación Física, Xunta de Galicia durante 8 anos.
Aos trinta e catro anos crea unha empresa de actividades de lecer e tempo libre.

• Descargar datos da empresa

A idea

Juan Manuel Santos Chouza:  Comecei nun taller familiar de reparación de calzado e formándome na fabricación de calzado a través de diferentes cursos (modelista, deseñador, etc.) e traballos en fábricas.

Posteriormente, en 1995, obtiven o título de técnico ortopédico pola facultade de Medicina da Universidade de Barcelona e decidín desenvolver este proxecto.

Ao dedicarme a este sector tan concreto, fun derivando ata o calzado ortopédico. Comecei con fabricación de todo tipo de calzado e detectei unha necesidade de profesionais neste campo.

Claves do éxito

- A exclusividade do produto é unha das claves do éxito. Practicamente non existe competencia. Ademais existe na actualidade un enorme mercado potencial.

- A calidade no produto. Ofrécese exactamente o que busca o cliente, que é comodidade. Un bo deseño e o esmero na fabricación fan posíbel que o cliente quede satisfeito.

- A experiencia aporta soltura en todo. A aprendizaxe e a reciclaxe en todo momento resultan fundamentais para estar ao día..

Perfil dos promotores

Confianza nun mesmo.
Compromiso.
Profesionalidade.
Continuidade, non deixar pasar as oportunidades.

• Descargar datos da empresa

A idea

María Amalia Silveira Vega:  A nosa principal liña de negocio é a atención odontológica integral; especializados en pacientes con minusvalías (físicas, síquicas e sensoriais), ofrecéndo todas as posíbeis ramas de asistencia odontolóxica e sen deixar por iso de atender a pacientes que non  pertenzan a este colectivo..

Claves do éxito

Alta capacitación profesional tanto do equipo médico como do persoal auxiliar, incorporación constante dos últimos avances en tecnoloxía do sector, tratamentos innovadores e últimas novidades en materiais e técnicas e trato moi personalizado ao paciente.

A vontade e implicación do equipo promotor, porque cremos firmemente na culminación do proxecto, avalando co noso patrimonio persoal a materialización do mesmo. Cada día temos a ilusión renovada e ganas de facer cousas novas, innovar, introducir cambios para mellorar a nosa xestión e a nosa calidade de servizo.

Perfil dos promotores

Doutora en Odontoloxía, 28 anos de exercicio profesional como odontóloga, dos cais 23 deles en España. Formación e experiencia específica no tratamento odontológico a pacientes con minusvalías de todo tipo. Formación en xestión e dirección de empresas.

• Descargar datos da empresa

A idea

Adolfo Zúñiga García :  Temos pacientes de todos os tipos. Desde persoas con poder adquisitivo limitado, que acoden á nosa clínica con bonos , a pacientes con poder adquisitivo moi alto.

En canto ás patoloxías que se nos presentan, as máis comúns están relacionadas con dores de lombo e cervicais provocados na súa maioría por malas posturas e esforzos físicos no traballo (mariñeiros, traballo en cadea, etc.) e tamén lesións deportivas.

Claves do éxito

- Formación continua e innovación. Este traballo obriga á reciclaxe continua e a ofrecer un servizo da maior calidade posíbel.

- Atención ao público axeitada: os nosos pacientes teñen que sentirse relaxados, normalmente gústalles que os escoites. Tes que ofrecer un trato humano pero á vez ser moi discretos.

- Movémonos moito. Ofrecemos os nosos servizos nos hoteis de Baiona, no club de iates, en diferentes asociacións, etc.

- O boca - ouviso. A experiencia dun cliente satisfeito é a nosa mellor publicidade.

Perfil dos promotores

Adolfo Zúñiga é diplomado en Fisioterapia e Técnico Superior en Educación de Diminuídos Psíquicos. Posúe ademais varios cursos de especialización dentro do campo da fisioterapia e experiencia profesional en clínicas e no sector comercial.
A empresa conta con outro socio máis.

• Descargar datos da empresa

A idea

Rubén Pousada Calvar :  Foi unha cuestión vocacional. Gustábame o mundo da masaxe e a quiropraxia. Moita xente pedíame que lle solucionase problemas e eu desprazábame ata os seus domicilios para atendelos. Como non me gustaba atender á xente na miña casa, comecei a buscar un local onde poder desenvolver esta actividade e instalarme como quiropráctico.

En vez dun local baleiro, atopamos unha herboristería que o seu dono quería vender, e semellounos unha boa forma de complementar a nosa oferta, así que nos puxemos ao tanto do mercado e dedicámonos a ambas cousas.

Claves do éxito

A clave máis importante consiste en ser a única persoa que está nunha herboristería e que se preocupa por saber o que ten entre mans, porque normalmente as persoas que están nunha herboristería son dependentes que traballan por conta allea, carecen de formación e información e polo tanto non saben asesorar ben ou non están incentivados para prestar un bo servizo ao cliente.

Outra das claves do éxito consiste en ofrecer un servizo integral. As empresas provedoras de productos naturais ofrecen médicos e dietistas que se desprazan de forma regular aos herbolarios e realizan consultas dos pacientes. A min non me custa nada ofrecer consultas dun médico e unha dietista aos pacientes que eu atendo e que o necesitan como complemento ou control dos seus programas de adelgazamento, ceras, masaxes e quiropraxia para todo tipo de problemas. Ademais isto axúdame a comercializar os meus produtos e a que a xente os coñeza. E ás empresas provedoras compénsalles enviar a un médico unha vez á semana porque é unha forma de dar saída aos seus produtos e promocionar as súas marcas.

Perfil dos promotores

Rubén Pousada ten os títulos de formación profesional I e II en Administrativo. Ademais é masaxista e quiropráctico. Como experiencia profesional aporta experiencia como soldado profesional durante cinco anos e medio no Golfo Pérsico e Bosnia.
A empresa conta cun socio máis.
Con vinteseis anos, crean a súa propia empresa de masaxes, quiroplastia e herboristería..

• Descargar datos da empresa

A idea

Fernando Salgado Blanco :  Cando estudiaba Medicina en Santiago xa tiña un interese moi claro nas medicinas orientais. Xa dende o principio consideraba que un médico debería ter capacidade suficiente para, nun momento dado no que non dispoña de equipamento específico, poder resolver un problema de saúde coas súas mans e o seu coñecemento. As medicinas orientais traballan cunha visión e unhas técnicas que o permiten.

En 1990 fun a China cunha beca do Ministerio de Asuntos Exteriores para facer a especialidade de Acupuntura e Medicina Tradicional Chinesa na Facultade de Medicina Tradicional Chinesa de Pekín. Vivín alí cinco anos, nos que me formei e apliquei os coñecementos que tiña adquirido. Volvín a España e montei unha consulta.

Claves do éxito

A formación é fundamental, pero é máis importante aínda a actitude ao tratar aos teus pacientes, posto que se trata dun tipo de medicina na que existe un fluxo de intercambio de enerxía e de comunicación entre médico e paciente.

O enfoque das novas medicinas orientase a facer as cousas de corazón para conseguir un efecto. Para elo é necesaria unha vocación de servizo e de vontade, para lograr no paciente as condicións necesarias que o convertan nun campo de cultivo propicio para a súa propia curación.

Outra das claves é ter unha boa publicidade ao principio, saber dar a coñecer ben o que realmente podes aportar.

Perfil dos promotores

Fernando Salgado é Licenciado en Medicina pola Universidade de Santiago de Compostela e Especialista en Acupuntura e Medicina Tradicional Chinesa pola Facultade de Medicina Tradicional Chinesa de Pekín. Coordinador do Máster de Acupuntura da Universidade de Santiago de Compostela.

Exerceu a medicina en varios hospitais en Finlandia e, tras especializarse en Medicina Tradicional Chinesa, perfeccionou coñecementos en centros coma o Hospital Guang-An Men, o Hospital Chino-Xaponés e o Hospital de Masaxe de Pekín.
A empresa conta con dous socios máis.

• Descargar datos da empresa

A idea

Xiana Sanchez Pita :  En principio, non tiña idea de montar unha clínica. Foi o meu xefe da Coruña quen me animou.

En xeral, resulta moi complicado atopar un traballo por conta allea para un podólogo. Por unha parte, os servizos de podoloxía non están incluídos na Seguridade Social. Só se prestan estes servizos nalgunhas clínicas xeriátricas, mesmo en locais sociais dos concellos; pero neses casos acostuman facer contratos dun día a semana, co que se fai necesario compaxinar esta actividade con outras fontes de ingresos.

Outra opción sería traballar por conta allea nunha clínica podolóxica, pero na inmensa maioría dos casos, nas clínicas abonda cun só podólogo. Por último, dedicarase á docencia na Escola de Podoloxía é moi difícil posto que só xorden oportunidades de forma moi esporádica. Descartando pois estas tres posibilidades, a única saída profesional para un podólogo é crear a súa propia clínica.

Claves do éxito

A ubicación (está ubicada en plena Praza de España)A atención e a calidade tanto no traballo como na relación co paciente. Moitos clientes son xente maior e hai que tratar de que se sintan cómodos conversando con eles e ofrecendo un trato humano.

Ter creado un ambiente cómodo e relaxado a través das cores das paredes, a música de fondo, a luz, etc. A innovación no mobiliario e o equipamento clínico. Supón un cambio en relación ás clínicas convencionais,  que acostuman ter un sillón negro e material moi frío. Preocupeime por mercar equipamento e mobiliario podolóxico de deseño, en cores diferentes e formas máis suavizadas. Iso reverte positivamente na experiencia do paciente, que se sinte máis relaxado. Creo que todos estes detalles (cores, sons, limpeza, imaxe) son moi importantes, porque son factores que se perciben a través dos sentidos e teñen a capacidade de transmitir ao paciente tranquilidade, comodidade e confianza.

Perfil dos promotores

Xiana é diplomada en podoloxía e aporta experiencia profesional de traballo por conta allea nunha clínica de A Coruña durante catro meses.
A continuación, abre a súa propia clínica.

• Descargar datos da empresa

A idea

Maika López Álvarez :  A idea xurdiume cando traballaba como dietista nunha clínica médica. A experiencia como nutricionista resultou ser persoal e profesionalmente máis produtiva do esperado así que me decidín a crear a miña propia consulta de nutrición en Vigo.

O objectivo de NutriSalud é solucionar as alteracións da alimentación, previr enfermidades, obesidade, diabetes, hipertensión, e orientar nutricionalmente nas distintas etapas da vida, (xestación, lactación, infancia e adolescencia, menopausa, vellez e deporte)..

Claves do éxito

- Ser honesto co paciente 
- Crer no teu traballo
- Formarche e innovar de forma continua.

Perfil dos promotores

Son diplomada en Nutrición Humana e Dietética pola Universidade de Navarra e licenciada en farmacia pola Universidade de Santiago de Compostela (col. nº 2057).
Nos meus inicios profesionais formo parte dos equipos hospitalarios de alimentación en prácticas de distintos centros de Barcelona e Vigo, andaina que continuou cando finalice os meus estudos de Farmacia en Santiago.

En 2001 abro unha consulta de asesoramento nutricional e dietético en Vigo, desdobrando a miña actividade, ofrecendo por unha banda asistencia clínica de educación, reeducación e plans dietéticos; e por outra, desenvolvendo unha actividade de formación e difusión de contidos relativos á alimentación e nutrición da comunidade, empresas, asociacións e AMPAS.

No capítulo da educación nutricional destaca a autoría en programas como “Comer ben para vivir mellor” para o Concello de Vigo ou o “Curso en patoloxías nutricionais” impartido no Colexio Oficial de Farmacéuticos de Pontevedra. 

Realicei estudo e revisión de plans nutricionais e de menús de diferentes comedores colectivos en centros privados e públicos, centros de maiores e de menores pertencentes á Xunta de Galicia.

Colaboro desde hai dous anos co Concello de Vigo en proxectos de dinamización dos mercados de abastos e nos talleres infantís sobre os alimentos.

Na actualidade compatibilizo dita colaboración coa miña actividade na consulta privada, a realización do Master de Nutrición impartido pola Universidade de Vigo e diferentes actividades nutricionais no Colexio Oficial de Farmacéuticos da provincia de Pontevedra.
.

• Descargar datos da empresa

A idea

Mª Amalia Silveira Vega :  Este negocio xurde como complemento do proxecto de policlínica dental de atención a pacientes discapacitados, co fin de realizar os traballos encargados polo centro asistencial e á súa vez formar a persoal discapacitado na área das próteses dentais.

Nun principio esta parte de negocio foi deseñada como un departamento máis da policlínica, o persoal estaría formado por persoas con algún tipo de minusvalía. Pero a obtención para o laboratorio da calificación de Centro Especial de Emprego requiriu dotala dunha personalidade independente.

Claves do éxito

Ofrecemos unha gama de produtos (prótesis de precisión, implanto soportadas, cerámica sen metal) de moi boa calidade. Para a súa obtención na maioría dos casos hai que recurrir a laboratorios de fora da provincia.

Dende o primeiro momento contamos cun cliente fixo (a  policlínica) cun gran volume de pedidos, que agora se multiplicoo por tres,  pois Eurodental clínicas ten crecido. De feito, é o noso mellor cliente, o que máis factura.Canto ás vantaxes de ser centro Especial de Emprego, estas foron relativas.  Contamos todos os meses cunha importante bonificación da cuota empresarial da seguridade social e unha subvención a fondo perdido nos salarios, pero sempre se cobra con moitísimo retraso (tivemos épocas dun ano de retraso no cobro).

Por outra banda, en traballos tan especializados coma o que se realiza no laboratorio, o persoal discapacitado- dependendo da minusvalía que padeza- esixe moito esforzo en tempo e diñeiro para poderlle ensinar as labores a realizar.  Quizáis noutro tipo de empresas e noutro tipo de traballo funcione mellor a contratación deste persoal.

Perfil dos promotores

Doutora en odontoloxía, 28 anos de exercicio profesional como odontóloga, dos cais 23 de eles en España.  Casada cun protésico dental, coñece perfectamente o funcionamiento dun laboratorio de prótesis dental.  Formación en xestión e dirección de empresas.

• Descargar datos da empresa

A idea

Ana Celia Golpe González :  Sempre quixen traballar como dietista. De feito, dentro da enorme cantidade de produtos e servizos que se ofrecen en Hipersalud, as dietas son o produto estrela.

Nun principio tratábase dunha franquicia catalana. Estiven en Barcelona, alá formáronme e asinei o contrato de franquicia, pero entón xurdiron problemas legales posto que se trataba dunha concesión.Debido a estes problemas, decidín desvincularme da franquicia e independizarme.

Claves do éxito

A clave fundamental é tratar á xente como me gustaría que me tratasen a min mesma. Hai que pensar que o que a un lle gusta, tamén lle gusta aos demais, e desde logo, cando fidelizas un cliente repórtache un beneficio.

Outras claves radican na diversificación, na variedade da oferta e na actividade de publicidade en radio, prensa e a través de mailing.

En canto ás aptitudes persoais, creo que é importante ter moita iniciativa e vontade de traballar. Ser moi teimudo e loitar por todo, desde o principio, en que tes que convencer aos teus pais e convencerte a ti mesma de que vai funcionar. Para iso necesitas moita seguridade e autoconfianza.Por outra parte, é importante manter unha relación moi boa cos provedores e cos bancos.

Perfil dos promotores

A promotora é técnico especialista en dietética e nutrición e auxiliar de clínica.
Aporta ademais experiencia profesional como administrativa.
Aos vinteoito anos crea o seu propio herbolario con gabinete de estética e masaxes.

• Descargar datos da empresa

A idea

Mª Luisa Pérez Álvarez :  En realidade foi todo resultado da casualidade. Eu quería estudiar puericultura, pero non quedaban prazas e me matriculei en estética.

Os meus primeiros clientes foron amigas miñas e pouco a pouco descubrín que, a evolución natural da miña carreira profesional pasaba por converter a actividade que estaba desenvolvendo en casa, nunha actividade organizada e con dimensión empresarial.

Comecei có mínimo, a camilla que comprei de estudiante para facer as prácticas, e material que me regalaron ou me prestaron compañeiras de estudios. Pouco a pouco fun construíndo o que é hoxe o meu centro de estética, con moito traballo e reinvestindo os beneficios..

Claves do éxito

Penso que a clave máis importante é a profesionalidade, e iso se consegue coa experiencia. Levo 23 anos traballando e aprendín moito da experiencia. É fundamental seguir medrando día a día e non deixar nunca de evolucionar no plano profesional. Eu sempre compatibilicei estudos con traballo, e no propio centro onde cursei o ciclo de estética, os meus profesores sempre nos recalcaron que é fundamental formarse continuamente, e non só en temas directamente relacionados coa nosa profesión, como as novas técnicas e produtos (para ir incorporándoos á túa oferta, e ser máis competitiva a través da innovación e da calidade no servizo) senón tamén adquirir unha formación integral e saber falar de calquera tema. Isto é importante debido a que o traballo de esteticista require unha relación moi próximo con clientes moi diferentes.

E neste respecto, trátase dun traballo no que o trato persoal e humano hai que coidalo con esmero. Cando unha persoa vense dar unha masaxe, por exemplo, entran en xogo aspectos da súa intimidade, e non só se traballa o físico senón tamén o emocional. O profesional entra nunha relación na que existe un elevado grao de implicación có cliente e por iso hai que coidar ao máximo aspectos como a discreción e o trato humán.

Tamén axuda o saber o que necesitas, e ter firmeza e unha boa dose de prudencia no trato cos provedores de produtos e maquinaria. Non podes comprar todo o que te ofrecen porque hai produtos aos que duramente se lles da saída ou maquinaria difícil de rendibilizar.

Por último, trátase dunha actividade na que existe sempre incertidume sobre o que vas gañar cada mes e os gastos aos que terás que facer fronte, por iso faise necesario tamén un exercicio constante de previsión.

Perfil dos promotores

Mª Luisa Pérez aporta formación profesional como Auxiliar e Técnico Especialista en Estética e leva 25 anos traballando no sector. Tamén exerce como profesora de estética en centros de formación profesional e na actualidade estudia a carreira de Psicoloxía.

• Descargar datos da empresa

A idea

Carmen Piedra Urigüen, María del Carmen Urigüen Riaurgui :  Tras ter realizado uns cursos de especialización en dous temas concretos: redución da miopía mediante lentes de contacto (ortoqueratoloxía) e exame visual en discapacitados psíquicos, cheguei á conclusión de que a única maneira de exercer  estas dúas  disciplinas era montando o meu propio centro óptico. Isto débese a que se necesita certo material específico e tempo para atender aos pacientes, algo que é moi difícil de obter cando se traballa por conta allea.

Claves do éxito

- Meticulosidade no plano profesional; temos marcado como obxectivo reducir a cero os erros de diagnóstico.
- Coidar o trato co cliente, mimándoo como nos vellos tempos.
- Desde o principio tívose claro que se o local ten unha imaxe atractiva ao igual que os escaparates, os clientes entrarían a pesar de ser un máis.

Perfil dos promotores

Carmen Piedra é diplomada en óptica e optometría, en Madrid. Realizou cursos de saúde visual en discapacitados psíquicos, tratamento de redución de miopía e ortoqueratoloxía.
A empresa conta cun socio máis.

• Descargar datos da empresa

A idea

Mª Carmen Alonso Rodríguez :  A idea xurdiume a raíz da inestabilidade do traballo por conta allea. As condicións eran bastante deficientes e pensei que contaba xa con experiencia suficiente para desenvolver ese traballo pola miña conta.

Trátase dunha perruquería que ofrece os seguintes servizos:

Trátase dunha perruquería que ofrece os seguintes servizos:
A) Perruquería de señora, cabaleiro, nena e neno: lavados, peiteados, cortes, tintes, baños de cor, mechas, reflexos, permanentes, mascarillas, etc. Os prezos que se ofrecen ao público xa inclúen champú de tratamento e produtos de tocador.
B) Servizos de estética: manicuras, pedicuras, hixiene facial, maquillaxes, masaxes, peeling corporal, tratamentos corporais e tratamentos faciais.
C) Depilacións.
D) Decoloracións.

Claves do éxito

- Marcar unha diferencia: trato de crear un ambiente acolledor, ser amábel e tentar que os clientes se sintan cómodos e relaxados. Ademais son sincera cos clientes e xamais me aproveito deles. Aplico prezos máis que razoábeis e teño unha política de total transparencia nos prezos dos servizos. Saben de antemán canto lles vai custar o que demandan.
- Saber o que fas e ter moi claros os teus obxectivos.
- Ter moito valor, atreverse a seguir adiante en condicións adversas.

Perfil dos promotores

A promotora aporta formación profesional nas ramas de perruquería, estética e informática.
Ademais, traballou nunha perruquería.
Aos vintecatro anos monta a súa propia perruquería..

• Descargar datos da empresa

A idea

Miguel CoutoCotelo, Iria Rodríguez, Beatriz Salcedo :  A idea xurdiu a partires dun regalo persoal, para o que realizamos unha escultura a medida. Comezamos entonces a madurar a idea de traballar en escultura personalizada e identificamos un nicho de mercado nas pezas de regalo de gama alta para empresas.

Temos un taller de escultura e fundición de bronce.  Fundimos bronce para artistas e estamos dando o salto a obras de formato grande, é dicir, monumentos.Comezamos traballando o mercado do regalo corporativo, pero pouco a pouco fomos evoluindo cara ao ámbito artístico, celebramos exposicións e nos orientamos á obra de gran formato para concellos, empresas, etc.Vendemos un producto que se sitúa entre a arte e a comunicación. A nosa escultura convértese nun instrumento para transmitir, dun xeito artístico, un concepto ou unha mensaxe..

Claves do éxito

Penso que a clave do noso pequeno éxito é a dedicación que empregamos no día a día, a política constante de investimento e innovación e o bo ambiente de traballo.

Perfil dos promotores

Iria Rodríguez e Beatriz Salcedo aportan formación na Escola de Artes e Oficios da Coruña.
Miguel Couto aporta formación en marketing e comercio exterior..

• Descargar datos da empresa

A idea

Susana Lata Barbeito, Laura Gumiel Casas :  Cando vivimos en Dublín coñecemos a súa cultura do chocolate. Queriamos volver a Coruña pero o sector turístico non ofrecía posibilidades profesionais que nos interesasen. Por iso decidímonos a crear a nosa propia empresa. Tiñamos ademais unha idea moi clara do concepto de negocio

Claves do éxito

A calidade do noso produto.
A orixinalidade da idea.
A innovación constante.
Un dos maiores riscos de calquera negocio é o estancamento, por iso buscamos constantemente a innovación en todo: investigamos novas tendencias, outros mercados, copiamos e nos atrevemos con novos produtos. Os nosos provedores sábeno e ofrécennos mercancía que só nós compramos, como por exemplo caixas de bombóns que se reempregan como xoieiros.
A compenetración entre as socias. Separamos moi ben a amizade e os negocios. Dentro do negocio somos socias e fóra somos amigas. Se xorde un desacordo, solucionámolo de forma totalmente profesional. E sobre todo, complementámonos moi ben nas nosas habilidades.

Perfil dos promotores

As promotoras son diplomadas en Turismo e viviron en Dublín, onde coñeceron a súa grande cultura do chocolate.
Ademais, estaban familiarizadas con este mercado xa que o pai dunha das socias ten unha pastelería bombonería.

• Descargar datos da empresa

A idea

Antía Lence Reija, Raffaele Cugini :  A idea xurdiunos porque viñamos de vacacións a Lugo e non atopabamos ningunha xeladería boa. E por suposto, porque tiñamos ganas de crear a nosa propia empresa e eu quería volver a Galicia. Raffaele tiña moita experiencia no sector da hostalería e pensamos en varias opcións. Descartamos o proxecto dunha cafetería porque hai moitas, no entanto botábase de menos unha boa xeladería.

Sabiamos que antigamente existían xeladerías artesanais e buscamos información para coñecer a razón da súa desaparición. Falamos cun antigo xeladeiro artesán de Lugo, moi coñecido na cidade polos seus míticos carritos repartidos pola zona vella. Pechara porque non tiña fillos e o negocio precisaba dunha renovación e dun laboratorio para cumprir coas esixencias das novas normativas.

En todo caso, os seus xelados tiñan moito éxito. De feito, moitos dos nosos clientes actuais son persoas maiores que eran clientes deste antigo xeladeiro. Desde logo, apostamos pola xeladería artesanal e puxemos mans á obra. Antes de abrir, Raffaele traballou cun amigo xeladeiro durante un ano en Roma.

Claves do éxito

Unha das claves é que non existían xelados artesáns en Lugo. Nós ademais diferenciamonos pola calidade, tanto na atención ao noso cliente como nas materias primas que utilizamos. Somos conscientes de que o noso mercado non son turistas que se van e non volven, senón clientes locais que veñen todos os días e valoran o que lles ofrecemos. O noso xelado de pistacho por exemplo, está feito con este froito ao 100%, e resúltanos carísimo, pero podemos dicir que non hai outro mellor.Outra das claves é a ubicación.

Estamos nunha rúa peonil, ao lado dunha das portas da muralla pola que obrigatoriamente hai que acceder para entrar ao núcleo histórico. No noso estudo de mercado, calculamos que unhas 10.000 persoas pasan ao día por diante da nosa xeladería. Esta ubicación inmellorable vese apoiada pola nosa imaxe corporativa e polo deseño do local.E por suposto, innovamos en todo. E isto é fundamental porque nos movemos nun mercado estacional e temos que estimular a demanda constantemente. Adaptamos os produtos aos nosos clientes e ás épocas do ano.

Vendemos xelado quente, xelado con biscoito, chocolate quente, lanzamos ofertas para os almorzos e ofrecemos xelados especiais para os nosos clientes con intolerancias alimentarias ou problemas de saúde. Temos máis de 60 sabores, aínda que producimos diariamente 24, en función da froita da época.

Perfil dos promotores

Antía Lence é licenciada en Bioloxía e especializada en análises de alimentos. Despois dunha etapa cunha bolsa Erasmus, traballou en Italia en laboratorios de análise de augas e alimentos e posteriormente nunha empresa láctea galega. No ano 2006 decidiu crear a súa propia empresa.

Raffaele Cugini aporta unha ampla experiencia en xestión de empresas dentro do sector da hostalería e como director dun gran supermercado en Italia..

• Descargar datos da empresa

A idea

Jorge Orosa Valella :  No ano 1991, cando comezamos os nosos estudios de xoiería, xa tíñamos pensado crear a nosa empresa. Ao finalizar os estudios retomamos a idea con máis ilusión e dunha maneira xa definitiva.

Coñecémonos cando veraneábamos coas nosas respectivas familias en Viveiro e ao compartir estudios e cobizas decidimos crear Kessarys.

Fixemos un estudio de mercado e decidimos que a zona xeográfica máis axeitada da Mariña para crear un taller de xoiería era Burela. Este proceso de estudiar a zona, buscar un local e realizar as xestións necesarias do proceso de apertura durou aproximadamente un ano e medio.

Claves do éxito

1. Estar formados e ofrecer aos nosos clientes seriedade no trato. Distinguímonos das xoierías porque nós non nos dedicamos á venda e amaños, senón que tamén deseñamos e fabricamos xoias.
2. Atención ao cliente exquisita.
3. Localización xeográfica en Burela, centro neurálxico da Mariña lucense.
4. Moi importante para nós é estar en contacto coa xente da aldea e coñecelos, por este motivo patrocinamos eventos deportivos, realizamos desfiles, etc.5. Traballar con moita profesionalidade e humildade nunha aldea pequena, a xoiería ten un impacto social importante. Nos evitamos proxectar unha imaxe de ostentación porque cremos que esa imaxe disuade aos potenciais clientes de entrar na nosa tenda. Algo tan simple como que as empregadas que atenden aos clientes no mostrador leven unha bata branca co seu nome, axúdanos a gañar unha imaxe de profesionalidade e seriedade e a facernos coa confianza dos nosos clientes. Mesmo nos axudou a captar novos clientes, posto que a bata branca induce a intuír a existencia dun taller.

Perfil dos promotores

O promotor Jorge Orosa é xemólogo, deseñador, taxador, reloxeiro e xoieiro.
A empresa conta con outro socio máis.
Aos vinteseis anos crean a súa empresa de deseño, fábrica artesanal e venda de xoiería.

• Descargar datos da empresa

A idea

José Ignacio Rodríguez Morais :  Tíñamos vontades de ser independentes e traballar para nós mesmos.

Dedicámonos á elaboración e serrado de pedra bruta (granito e mármore)..

Claves do éxito

- Rapidez e eficacia.
- Calidade no servizo.
- Moita seriedade no cumprimento dos contratos.

Perfil dos promotores

O promotor José Ignacio Rodríguez Morais aporta formación profesional nas áreas de delineación.
A empresa conta con dous socios máis.

• Descargar datos da empresa

A idea

Barca Cereijo Ruiz :  Gustábame a restauración e fun estudiar a Madrid. En Pontevedra existen case todas as especialidades de restauración (arqueoloxía, pintura e escultura) pero non a especialidade de documento gráfico. Comecei traballar en Madrid e, ao cabo de dous anos, decidín volver a Galicia. Asistín a un curso sobre creación de empresas impartido pola Escola de Organización Industrial e decidín desenvolver o meu proxecto de empresa.

Claves do éxito

Penso que a clave principal radica en ter identificada unha demanda insatisfeita, un sector que non estaba representado no noso entorno e para o que existían unha serie de necesidades. O mercado potencial é enorme nunha cidade coma Santiago de Compostela debido ao importante patrimonio artístico que alberga.Outra clave importante é a calidade dos traballos. Se un cliente queda satisfeito, fará novos encargos e te recomendará a outros clientes.

Perfil dos promotores

Barca Cereijo é diplomada en Conservación e Restauración de Bens Culturais, especialidade Documento Gráfico. Posúe ademais a diplomatura de Maxisterio e traballou no Arquivo Histórico Nacional de Madrid, en bibliotecas oficiais e imprentas artesanais.

• Descargar datos da empresa

A idea

Alfonso Portas Pérez ( 1975 ) :  Son músico e un amante dos instrumentos musicais. Antes de soñar con ter unha tenda, xa era un estudoso da historia dos instrumentos, dende clásicos ata modernos. Unha das carencias que identifiquei no mercado é que as tendas tradicionais de instrumentos de música, se limitan ao mercado de música clásica e, sobre todo, bótase en falta a actualización e a incorporación das vangardas que van xurdindo.

Outra das carencias é que hay moitos produtos que non podes ver nas tendas. Cando vas a realizar unha compra, necesitas ver o que estás comprando, probalo e recibir un asesoramento profesional. E despois de compralo, un servizo postvenda.

Claves do éxito

A clave máis importante é moitísimo amor polo que estás facendo, crer no teu traballo. Ser un máis e falar o mesmo idioma, ter tocado sobre un escenario e haber experimentado as mesmas necesidades que os teus clientes. É fundamental ademais saber moi ben o que non debes vender e diferenciar entre o importante e o accesorio.Cómpre saber transmitir moi ben e saber escoitar.

En canto a elementos innovadores, presto servizos que non existían e achegamos ao mercado produtos totalmente novos en España que importamos directamente de Estados Unidos e doutros países de Europa.

Facilitamos aos nosos clientes instalacións onde poder probar os equipos. De feito, temos un soto xusto debaixo da tenda onde se pode o cliente proba o que quere comprar.Todos estes aspectos fan que, entrando nun sector con moitísima competencia en Vigo, cada día teña máis clientes.

Perfil dos promotores

Alfonso Portas é licenciado en Empresariales e músico.

• Descargar datos da empresa

A idea

Margarita Paulos Rey ( 1955 ) :  Durante os últimos 5 anos desenvolvín traballos de maquetación e edición contando coa colaboración fixa dun equipo de profesionais (redactor, fotógrafo, deseñador gráfico, etc.) con experiencia en artes gráficas e turismo verde.

Froito desta colaboración xurdiu a posibilidade de crear unha empresa de comunicación con produtos e servizos editoriais que estivesen orientados ao turismo verde: folletos, guías, libros, etc.

Sen embargo os meus primeiros contactos co mundo editorial permitíronme constatar que tanto en editoriais como en axencias de publicidade existía demanda de servizos profesionais máis que de produtos. Isto supuxo un reformulamento na estratexia comercial e empresarial, pasando a ofrecer servizos específicos de deseño e maquetación, máis que produtos completos. Ademais as circunstancias profesionais e persoais dos outros posíbeis socios, fixeron aconsellábel a constitución da sociedade de forma unipersoal (autónoma), sen descartar a posibilidade de subcontratar os servizos dos anteriores socios.

Claves do éxito

- Unha acción comercial intensiva baseada en visitas persoais e entrega de dossier de traballos, ademais da profesionalidade.
- A constancia á hora de entregar orzamentos  é importante xa que os encargos acostuman demorarse varios meses.
- A localización da empresa en Vigo permíteme ofertar os meus servizos nunha zona, Rías Baixas, onde a concentración de empresas editoriais, imprentas e axencias de publicidade é alta.

Perfil dos promotores

Licenciada en Ciencias Biolóxicas; Especialidade de Zooloxía.

• Descargar datos da empresa

A idea

José Alberto Novo Eiris ( 1973 ) :  Todos os socios coincidimos nunha época traballando para Estudio Voz. O estudio ía pechar e, de mutuo acordo coa empresa, nos levamos aos clientes e nos limitamos a continuar co noso traballo, practicamente có mesmo equipo.

Temos unha empresa de postproducción de audio e traballamos en todos os campos do sector audiovisual, excepto a dobraxe de películas, é dicir; publicidade en radio e tv, documentais, curtametraxes, vídeos corporativos, programas de tv, etc.

De forma simplificada o noso traballo comeza cando unha productora, unha axencia ou un cliente directo nos envía un proxecto. Nós facemos todo o traballo de postproducción de audio, é dicir: gravamos as locucións, engadimos os efectos de son necesarios, editamos a música e realizamos a mestura final. Dispoñemos de liña RDSI para conectar con calquera estudio nacional ou estranxeiro en tempo real coa maior calidade, o que nos permite gravar no idioma que sexa necesario e cos locutores nacionais máis importantes.

Claves do éxito

Alberto Novo Eiris é técnico superior de Imaxe e Son, aporta experiencia profesional en varios estudios e como freelancer.
A empresa conta con tres socios máis.

Perfil dos promotores

Confianza nun mesmo.
Compromiso.
Profesionalidade.
Continuidade, non deixar pasar as oportunidades.

• Descargar datos da empresa

A idea

Sergio Lago Varela ( 1979 ) :  A idea xurdiunos por experiencias con xente que coñecíamos, basicamente grupos musicais que tiñan unha serie de necesidades insatisfeitas. Descubrimos unha oportunidade e decidimos ocupar o nicho de mercado dos grupos de música amateur, que ata o de agora, atopaban moitos problemas para editar a súa música (prezos moi elevados, prazos de entrega moi longos, servizos dispersos, etc.). Nos ofrecémoslles todos os servizos dun xeito integral.

Claves do éxito

Aínda que levamos pouco tempo, consideramos que un dos factores importantes foi descubrir o nicho de mercado formado polos grupos musicais amateur, que atopaban múltiples barreiras para editar a súa música.

Outro aspecto fundamental foi a nosa capacidade de adaptación á evolución do mercado discográfico. Na actualidade existen grupos que precisan autoeditarse e sacar adiante os seus propios traballos, e non existen selos discográficos que aposten por grupos amateur. Pero hoxe en día, xa non é preciso un selo para editar e comercializar música.

Perfil dos promotores

Sergio Lago é licenciado en Veterinaria.Tamén e Técnico Especialista Superior en Gráfica Publicitaria e Fotografía Artística.

• Descargar datos da empresa

A idea

Rubén López Ferreiro ( 1977 ):  Cando traballábamos en REDINC, xurdiu a necesidade de desenvolver un sistema de publicidade para un cliente. Tratábase dunha tecnoloxía moi concreta que permitise anunciar en formato flash. En 1999, non existía esta tecnoloxía, así que a desenvolvimos e vendimos unha ferramenta que o facía posible. Foi entón cando vimos unha oportunidade no mercado e decidimos ofrecer a nosa ferramenta a outros clientes. Conseguimos acordos con xestores de portais galegos para ser os provedores desta tecnoloxía. Logo xurdiu a posibilidade de comercializalo de forma agregada, é dicir, convertémonos nunha central de compras para anunciantes. En vez de cobrar unha prima por proporcionar a tecnoloxía, instalámola e buscamos anunciantes que nos pagan por ela.

Chegou o momento no que xurdiu a necesidade de crear unha empresa só para esta liña de negocio e comezou a fase de busca de capital. Contactamos con empresas do sector (moitas delas empresarios de portais en Internet que estaban interesados en participar na nosa sociedade porque comercializábamos os seus espazos) e con UNIRISCO.
Desde o ano 2000 traballouse de forma especializada na planificación de medios dixitais. No verán de 2007, Galiciabanner incorporouse ao grupo de marketing internacional Eloxia e converteuse na súa división de medios: Eloxia Media. Este grupo é unha axencia de marketing 360º, centrado na filosofía do marketing singular e que conta con presenza en España, Portugal, México, a Arxentina e Brasil.

Eloxia Media mantén en Galicia como produto diferenciado a rede de soportes exclusivistas Galiciabanner, coa que distribúe publicidade a máis de 20 soportes galegos entre os que se atopan as principais cabeceras de información online e os sites independentes con maior cobertura da Comunidade.

Claves do éxito

Cremos que a clave principal consistiu en saber adaptarnos ao mercado. Inicialmente dedicámonos a comercializar publicidade para unha serie de portais galegos. Hoxe somos unha consultora de publicidade en Internet, ofrecemos ao cliente un servizo de asesoramento e executamos campañas comerciais en calquera sitio (aquí ou en Moscú).

Perfil dos promotores

Rubén López é licenciado en Económicas e Master en Comercio Electrónico. Realizou ademais un programa de Dirección de Empresas e traballou na empresa REDINC da que foi promotor Javier Represas.
A empresa conta con outro socio máis.

• Descargar datos da empresa

A idea

Juan Fernández Vilaboa ( 1969 ), COGAMI ( ) :  No ano 1998, e como parte dun proxecto europeo, COGAMI (Confederación Galega de Minusválidos) promove unha iniciativa de crear unha empresa de publicidade e imaxe cun equipo de traballadores con discapacidades.

A misión era a creación dun centro especial de emprego para lograr a incorporación de traballadores discapacitados á vida laboral, ante as dificultades de inserción na empresa ordinaria. Tras unha enorme dose de ilusión (e non menos dificultades) nace GRAFINCO como unha empresa de artes gráficas que da traballo a un grupo de excelentes profesionais capaces de imprimir traballos dunha elevada calidade e lograr que compitan nun mercado caracterizado por uns niveis altísimos de esixencia.

Comezamos cunha máquina impresora, unha guillotina e pouco máis. Pouco a pouco fomos incorporando máis máquinas, novas tecnoloxías, pero sobre todo máis equipos de persoas. Ao principio traballamos no mercado local, logo medramos ata dar servizo no mercado rexional e hoxe chegamos ao mercado internacional, aínda que de forma minoritaria posto que a maior parte do noso traballo (o 90% aproximadamente) céntrase no mercado rexional.

A misión de GRAFINCO é a de ser centro especial de emprego no que os traballadores expertos van formando a novos grupos de traballadores para que, nun futuro, poidan incorporarse á industria das artes gráficas mediante os cauces ordinarios.

Claves do éxito

O feito de coidar a calidade é fundamental, pero creo que é imposible sen unha loxística axeitada.Outra das claves é que contamos cun departamento de deseño formado por catro profesionais internos e varios colaboradores por toda Galicia que moven o taller durante todo o ano. Grazas a eles mantemos un fluxo constante de traballo que impide ter que parar a cadea de produción (o cal sería moi custoso).Por suposto, unha importante clave é o traballo en equipo.

E aí xogan un papel fundamental a cohesión do grupo humán e a súa implicación nos obxectivos da empresa, así coma a súa reciclaxe constante a través de formación continua.E por suposto, o seguimento do mercado a través da observación, da asistencia a feiras para identificar novos produtos, novos mercados, posibles melloras, etc.

Canto a aspectos innovadores, incorporamos ao noso taller tecnoloxía de última xeración e os mellores sistemas informáticos.Neste mercado non hai nada por inventar, pero nós centramos a nosa actividade nunha relación provedor – cliente – empresa, na que desenvolvemos unha rede moi consolidada que nos permite facer todo o que un cliente nos poida demandar.

Perfil dos promotores

O promotor aporta formación profesional en Administrativo e experiencia de 22 anos dirixindo talleres de artes gráficas por toda Galicia. É ademais fillo de empresario e sempre estivo vinculado ás tarefas de xestión orzamentaria das empresas da súa familia..

• Descargar datos da empresa

A idea

Ana Rumbao Serrano ( 1981 ), Soledad Arenaza Gomory ( 1980 ) :  Apetecíanos volver e decatámonos de que en Galicia, e en particular en Vigo, o mercado estaba virxe para o posicionamento que nós buscabamos. É verdade que existen axencias, pero cada día nacen novas empresas, a economía de Vigo está en expansión e existen múltiples oportunidades de negocio para o que nós ofrecemos.

Aproveitamos a experiencia das axencias multinacionais nas que traballamos pero nos orientamo a clientes máis pequenos.

Claves do éxito

Sobre todo a ilusión, o feito de crer no noso proxecto.Outro factor clave é o desenvolvemento de estratexias a longo prazo para os nosos clientes. Non nos centramos no deseño da campaña de comunicación senón na súa implicación na filosofía da empresa e nas súas oportunidades de negocio. A maioría das axencias teñen moitos deseñadores, pero non analistas que desenvolvan unha estratexia coherente co concepto e o patrón de evolución da empresa.

Por outra parte, somos dúas pero temos moitos colaboradores. Profesionais especializados en diferentes áreas da comunicación (marketing directo, televisión, etc.), con quenes traballamos en Madrid. Creamos a partir deles unha rede de contactos moi completa.Deste xeito, facemos posible que pequenas empresas accedan a creativos consagrados a un prezo moi competitivo, e que sería imposible se estivesen contratados en plantilla.

Perfil dos promotores

As promotoras son licenciadas en publicidade e relacións públicas e aportan o diploma de especialización internacional.
Traballaron cinco anos en Madrid en axencias multinacionais, en grandes contas como Motorola, Mcdonald's, Gillette, BMW ou Movistar..

• Descargar datos da empresa

A idea

Mauro Vigiano ( 1970 )  :  A idea xurdiu a raíz da nosa situación. Tíñamos un historial académico e profesional que nos permitía desenvolver este proxecto. Por outra parte, existía mercado insatisfeito, e decidimos que íamos a cubrir esa demanda ofrecendo un servizo rigoroso e de calidade.

Deseñamos entón un proxecto empresarial co obxectivo de nos converter nunha empresa de comunicación virtual orientada principalmente á divulgación multilingüe no dominio de Internet e on-line, cuxo obxectivo estratéxico fose ofrecer os seus produtos nas autoestradas da comunicación. A nosa meta traduciríase en ser empresa de referencia en España, por calidade, relación personalizada co cliente e innovación nos seus servizos de tradución e interpretación.

Claves do éxito

Ao ter unha estrutura pequena, creo que podemos fidelizar ao cliente a través dun trato personalizado. Ademais, cumprimos sempre os prazos de entrega e coidamos a calidade no servizo. A seriedade é unha clave importante.Tamén nos axudou o feito de ser curiosos e innovadores e buscar ferramentas e técnicas novas que apoiasen o noso traballo, como por exemplo asistentes de tradución que apoian o traballo humano.

Perfil dos promotores

Mauro Vigiano, natural de Brasil, é enxeñeiro e viviu en Alemania e EE.UU. durante varios anos. En São Paulo, Brasil, traballou nunha multinacional norteamericana no sector da agroindustria.
A empresa conta con outra socia máis..

• Descargar datos da empresa

A idea

Javier Castillo Bermúdez ( 1976 ) :  Moita xente nova non ve unha saída cando finaliza os seus estudos e vaise fóra a traballar por conta allea. Nós críamos nas posibilidades dunha cidade como Ourense, detectamos un mercado potencial para o que nós podíamos ofrecer e decidimos desenvolver o noso proxecto.

Claves do éxito

Creemos que o máis importante é o valor engadido que ofrecemos a través do deseño e a innovación, e por suposto, moitísimo traballo.Outra das claves consiste en que nós adaptámonos ás necesidades do noso clientes, as identificamos e logo lles prestamos un asesoramento moi completo e conseguimos colaborar estreitamente co cliente para garantir a súa satisfacción e lograr o mellor resultado.É fundamental ademais afrontar cada proxecto con moita ilusión e non só ser innovadores senón tratar de mellorar en todo o posible e superar o que o mercado ofrece en cada momento.

Perfil dos promotores

Os promotores achegan formación en deseño gráfico e publicidade e experiencia profesional en axencias de publicidade..

• Descargar datos da empresa

A idea

Natalia CrecenteGarcía ( 1976 ), Diego VilariñoPenedo ( 1979 ), Segundo FernándezGonzález ( 1974 ) :  Identificamos unha oportunidade no mercado, a de ofrecer un servizo integral de comunicación para a empresa, integrando varios sectores que no mercado actual están moi diferenciados: o deseño gráfico, o desenvolvemento multimedia e o desenvolvemento web reintegrados nunha estratexia conxunta de comunicación.

Claves do éxito

Sobre todo cando a empresa é nova e os promotores mozos, hai que demostrar con moita máis intensidade que se pode confiar na túa empresa, que es serio e rigoroso. Xa que logo cremos que a profesionalidade e o bo facer son as claves máis importantes.

Unha vez que nos contratan un traballo, dannos moita liberdade para aplicar os nosos criterios, pero valórase moitísimo o respecto dos prazos de entrega, a seriedade e a organización.A nosa innovación é a fusión entre o deseño e a parte de desenvolvemento da web.

De feito, hai moitos estudos de deseño que nos contratan o desenvolvemento da web. E ao contrario , moitas empresas de desenvolvemento web que nos encargan a parte do deseño.En realidade, non existían empresas que integrasen ambos aspectos.

Perfil dos promotores

Natalia Crecente García (1976) é licenciada en Belas Artes, especializándose en deseño e produción audiovisual. Entusiasmada pola tipografía decide realizar o Doutoramento sobre o mesmo tema na Universidade de Barcelona.
Inicia a súa experiencia profesional no prestixioso estudo do grupo REVISIÓN (A Coruña), dirixido por Pepe Barro, Xosé Salgado e Lía Santana. O seu seguinte paso foi a Aula de Produtos Lácteos, pertencente á Universidade de Santiago de Compostela.
Esta experiencia profesional aportoulle altos coñecementos en deseño gráfico, web e multimedia.
 

Diego Vilariño Penelo (1979) é diplomado en Relacións Laborais, Técnico Superior en Administración de Sistemas Informáticos e Experto en Infraestrutura de Redes de Internet (CCNA).Profesionalmente está centrado tanto no desenvolvemento de aplicacións on-line e multimedia como na administración de redes e servidores empresariais. O seu traballo en empresas tan importantes como a empresa de transportes MONBUS, aportoulle altos coñecementos tanto en programación como en xestión informática.
 

Segundo Fernández González (1974) Deseñador Gráfico e Multimedia, especialízase en administración de cor, retoque dixital, infografía e deseño web. Despois do seu paso pola Aula de Produtos Lácteos deseñando portais para internet, a súa actividade laboral céntrase na comunicación integral e o deseño no recoñecido estudo lucense TATATA. A maiores, desenvolveu proxectos para a XUNTA DE GALICIA e a USC (Universidade de Santiago de Compostela) entre outros.
.

• Descargar datos da empresa

A idea

Paula Carrera Álvarez ( 1969 )  :   Despois de oito anos traballando no sector nas principais multinacionais da comunicación, pensamos que podiamos abordar o noso propio proxecto empresarial. Ademais, entendemos que Galicia era un mercado potencial moi interesante. Sabíamos que tiñamos moito que achegar ás empresas e industrias do noso contorno; un amplo coñecemento do sector e as ideas inspiradas polas nosas experiencias nas mellores multinacionais do sector.

Somos unha Consultoría en Comunicación. Desde un punto de vista conceptual, o noso negocio é a xestión da percepción entre a empresa e o contorno, e para lograr os nosos obxectivos, empregamos desde a básica relación cos medios ata os máis sofisticados sistemas de prospección. .

Claves do éxito

Achamos que unha das claves fundamentais foi atopar cun mercado practicamente virxe, no que moi poucas empresas estaban incorporando a xestión da comunicación, e se o facían, estaban nun estadio aínda moi incipiente.

Outra das claves foi o coñecemento profundo do sector: proporcionamos aos nosos clientes e ao ámbito empresarial galego o know-how das grandes compañías de relacións públicas a nivel internacional. Podemos atribuír ademais o éxito á formación continua, as sinerxías xeradas por un auténtico traballo en equipo, a reciclaxe constante e a incorporación das últimas técnicas en materia de comunicación.

Perfil dos promotores

Paula Carrea é licenciada en Ciencias da Información (rama Xornalismo) e posúe formación complementaria en Relacións Públicas e Comunicación.
Achega máis de oito anos de experiencia profesional nas principais multinacionais do sector.
A empresa conta con outro socio máis.

• Descargar datos da empresa

A idea

Luis Angel Díaz-Faes Santiago ( 1973 ) :  Levaba anos traballando e quería montar un negocio propio. Estaba en Madrid e quería vivir en Galicia. Encanto a formación académica, teño estudios de artes visuais e de comunicación enfocadas á empresa. Os meus estudios incluían materias como dirección empresarial, marketing e organización.

Polo demais, atopei un bo oco no mercado, xa que a demanda neste sector é moi superior á oferta, e posuía unha ampla experiencia que me proporcionaba seguridade e evitaba riscos.

Claves do éxito

A experiencia, que en moitas ocasións evita riscos potenciais.Os coñecementos, unidos á experiencia, permiten afrontar calquera proxecto sen problemas.

Perfil dos promotores

O promotor presenta 8 anos de experiencia no sector.
Aos vinteseis anos crea a súa empresa de produción multimedia.

• Descargar datos da empresa

A idea

José Ramón González Pérez ( 1973 ) :  A idea xurdiu polo coñecemento e a afinidade có sector como consecuencia das miñas experiencias profesionais. Eu e máis os meus socios detectamos que os servizos que se estaban ofrecendo, carecían dunha calidade mínima, e que fundamentalmente iso era debido á escaseza de persoal cualificado.

Esta foi a razón pola que decidimos crear esta empresa; podiamos ofrecer unha boa calidade no servizo, aportar os nosos coñecementos na materia e garantir un traballo serio, un compromiso de finalización de obras nun tempo reducido e un trato esmerado ao cliente. O noso obxectivo é introducir na sociedade a cultura da xardinería artística e floral, porque mellora a calidade paisaxística do noso entorno, especialmente en zonas con carencias de luz, como é o caso de Galicia e o norte de España.

Claves do éxito

Penso que unha das claves fundamentais é que o cliente quede sempre satisfeito có resultado do noso traballo. É a mellor ferramenta de publicidade e a única fórmula para fidelizalo. Por outra banda, na maioría dos casos, cunha pequena dose de esforzo adicional, pódese pasar de acadar un resultado mediocre a un traballo de calidade.Outra clave importante é a demanda, que describe unha traxectoria cada vez máis positiva.

Perfil dos promotores

José Ramón González é  técnico en Hortofruiticultura e Xardinería e desenvolveu diversos traballos de investigación na materia a través da Universidade de Santiago de Compostela.
A empresa conta con outro socio máis..

• Descargar datos da empresa

A idea

Víctor Manuel Mora Solórzano ( 1968 ) :  É o que sempre quixen facer. Foi unha cuestión de vocación: quería traballar con cans.
Estudiei Veterinaria na Universidade Complutense. Os últimos anos da carreira ía facer prácticas a unha clínica de pequenos animais. E ao cabo duns anos montei a miña primeira clínica en Zamora.

Creo que é do que máis gosto porque che permite aprender continuamente. Podes aplicar todas as disciplinas (traumatoloxía, dermatoloxía, endocrinoloxía, ...) e ademais o abano de pequenos animais é cada vez maior. Atópaste con mamíferos de todas clases, anfibios e reptis tropicais, e animais de todas as especies e procedencias, polo que che obriga a buscar información e aprender algo novo todos os días.

Claves do éxito

- Encántame o que fago. Iso implica poñerlle ilusión, formarme, reciclarme, sintonizo cos meus clientes e chegan a converterse en persoas moi cercanas, case como da familia (tanto o animal como o propietario), e consigo así que ambos se sintan agusto. Como contrapartida, é un traballo no que te implicas moito e é difícil desconectar.

- O uso de técnicas alternativas. Aínda que na actualidade non supoña unha porcentaxe alta da nosa facturación, creo que imos creando un pouso e que no futuro a medicina alternativa será rendíbel.

Perfil dos promotores

Víctor Manuel é licenciado en Veterinaria, acupuntor e homeópata. Foi responsábel de matadoiros da Junta de Castilla y León e responsábel de ADS (Asociación de Defensa Sanitaria), tanto en gandería bovina como porcina.
Tamén traballou en circuítos de inseminación de vacún e porcino e foi xerente dunha cooperativa de comercialización de leitóns.
Aos trinta e dous anos crea a súa propia clínica veterinaria.

• Descargar datos da empresa

A idea

Román Díaz Señor ( 1948 ) :  O laboratorio no que traballábamos pechou e quedamos todos sen emprego , por iso non nos quedou outro remedio que buscar unha saída profesional.

Coñecía ao meu socio e propúxenlle montar esta empresa porque os dous tiñamos experiencia neste sector e ganas de emprender algo e progresar económica e profesionalmente.

Tiñamos contacto directo co mercado e vimos unha oportunidade, aínda que non escollemos ben o momento porque cadrou coa crise do sector agrícola-gandeiro. En Lugo, os efectos desta crise fanse notar con grande virulencia. Cando o sector vai mal, contaxia ao resto dos sectores (construción, maquinaria, vehículos, etc.).

Claves do éxito

- O coñecemento profundo do mercado (tíñamos unha extensa experiencia no sector).

- A experiencia comercial. Os contactos son moi importantes, e nos cultivámolos durante moitos anos, polo que grande parte do camiño xa o tiñamos andado.

Perfil dos promotores

Román Díaz ten formación básica e aporta experiencia de 28 anos no laboratorio farmacéutico HOECHST como comercial.
A empresa conta con dous socios máis.

• Descargar datos da empresa

A idea

Miguel Ángel López Vázquez ( 1973 ) :  Fun secretario durante dez anos dun TECOR e observei os problemas derivados da baixa densidade de especies cinexéticas de caza menor, como coello, perdiz e lebre. Isto era debido basicamente ao abandono das terras de cultivo, a proliferación de monte alto e a mala xestión das repoboacións forestais. A adaptación da nova Lei de caza abriu unha posibilidade de desenvolver un sector que, noutras partes de España, xera importantes beneficios.

Claves do éxito

Unha das claves fundamentais consiste en investir moitas horas de traballo para falar coas xentes do medio rural e explicarlles o proxecto.Tamén a decisión persoal e a tenacidade de desenvolver unha idea, en principio bastante complexa.

Perfil dos promotores

O promotor ten formación profesional de segundo grao en Mestría Industrial e é estudante do último curso de Enxeñería Técnica Forestal e Agrícola. É ademais técnico auxiliar forestal, garda de caza e monitor deportivo e realizou diversos cursos sobre conservación e recursos, caza, cooperativismo agrario, tratamento da madeira e ordenación e xestión cinexética.
No ano 2003 crea a empresa GESTEGA (Gestión y Ordenación del Territorio), catalogada como ILE e finalista entre os proxectos UNIEMPRENDE.Colaborou co dpto. de urbanismo en regulacións e normativas para cortes, granxas, etc.
 

Na actualidade, é propietario dos dereitos cinexéticos de 2000 ha. no concello de Sarria, que se transformarán nunha explotación cinexética mixta para a venda de xornadas de caza.
Ten ademais un proxecto de creación dun tobo de cría de coellos en semiliberdade e un parque de voo para perdiz.

• Descargar datos da empresa

A idea

Juan Carlos Vazquez Gomez ( 1974 ), Roberto Rodríguez Vázquez ( 1977 ), Rafael Fernández Rodríguez ( 1974 ) :  A idea xurdiu a partires dun proceso de investigación do mercado. Comprobamos que se estaba importando unha grande cantidade de producto e que este mercado tiña un gran potencial. Continuamos analizando o proxecto e nos decatamos de que a actividade podía ser rendible se conseguíamos producir a un custo razoable.

Claves do éxito

O éxito desta empresa está condicionado a conseguir que o proceso de reproducción finalice antes do final da campaña, no mes de abril. A rendibilidade da explotación redúcese moito se non se logra facer o ciclo completo nunha campaña. A situación ideal é que en inverno non quede caracol en fase de engorde, porque o caracol hiberna durante os tres ou catro meses máis fríos (cando as temperaturas se reducen por debaixo dos 8-10ºC). Nesta época se dispara a mortalidade e, mesmo no caso de que o animal se manteña vivo, deixa de engordar. Por este motivo dedicamos esta época á reproducción controlada, baixo condicións climáticas creadas artificialmente, xa que este proceso non acontecería de forma espontánea en condicións tan frías. Despois de 5 ou 6 meses, o período que os caracois necesitan para crecer e engordar, chegamos ao mes de abril, que coincide coa campaña de venda do caracol.

Perfil dos promotores

Juan Carlos Vázquez é enxeñeiro. A empresa conta con dous socios máis e o equipo aporta formación e experiencia no ámbito da enxeñería técnica.

• Descargar datos da empresa

A idea

José Manuel Valado Fernández ( 1973 ) :  En realidade non coñecía o sector nin tiña experiencia na horticultura e a floricultura. Meu pai dedicábase á construción e quería xubilarse por problemas de costas. Eu traballaba con el para axudarlle, e desta forma ningún dos dous o deixaba por axudar ao outro.

Ao principio eu e máis a miña socia pensamos nunha explotación gandeira e fixemos unha prospección do mercado, pensamos traballar con Coren pero non admitían máis socios e a viabilidade era entón moi complicada. Así que fomos á Fundación de Desenvolvemento da Comarca de Celanova e faláronnos da cooperativa Hortoflor. En realidade accedemos a manter unha entrevista coa cooperativa para non decepcionar á xerente, que se esforzara moito en axudarnos. Eramos escépticos porque se nos facía estraño "vivir do campo" nun entorno no que a xente "sobrevive no campo". E, entendemos que se trataba dun proxecto viábel.

Claves do éxito

- A cooperativa xa tiña o mercado creado (levaba anos funcionando) e na actualidade encóntrase nunha fase  de expansión.

- Ter a venda asegurada. Nos podemos despreocupar  de buscar mercado e así centrarnos  en conseguir a mellor calidade.- Moi boa relación entre o coidado das flores e a produción (a cantidade e a calidade da flor).

- Dedicación total para conseguir unha produción de flor de calidade extra (que é a mais rendíbel).

- Non perder de vista o traballo diario, non abandonalo nin un só día (combater as enfermidades coa maior celeridade, etc.).

Perfil dos promotores

José Manuel Valado posúe estudios de administrativo e formación en albanelería.
A empresa conta con outro socio máis.

• Descargar datos da empresa

A idea

Mónica Torres Varela ( 1975 ) :  Na universidade detectamos a necesidade deste servizo porque acudía xente (particulares e sobre todo empresas), que por esixencia legal, necesitaban desenvolver sistemas de calidade.

Desde 1996 é obrigatorio implantar o APPCC (Sistemas de Análise de Perigos e Puntos de Control Crítico) para todas as industrias de alimentación (elaboración, transformación, transporte e distribución de alimentos).

En Pontevedra e Coruña existen empresas que ofrecen estes servizos, pero para sectores específicos. No caso de Ourense non existía unha empresa tan especializada e que ofrecese todos os servizos íntegros de consultoría e análise. Os servizos que ofrece LACCIO na actualidade eran previamente contratados a consultoras externas, de Madrid e Barcelona, co custo engadido que iso supón.

Claves do éxito

- Existía unha necesidade non satisfeita, polo que se trataba dunha oportunidade de negocio con grande potencial de mercado e competencia nula.
- Moita dedicación e capacidade de traballo
- Democracia entre os socios. No noso caso acostuma ser fácil chegar a un acordo porque nos coñecemos moi ben, desde fai moitos anos, e todos somos moi teimudos e temos unha grande confianza no noso proxecto, a idea é de todos e loitamos polo mesmo.
- Experiencia previa: o ter traballado antes nun laboratorio facilitounos moito o salto do mundo teórico e académico ao mundo real.
- Buscar moit.

Perfil dos promotores

Mónica é licenciada en Ciencia e Tecnoloxía dos Alimentos.
Ana é licenciada en Bioloxía e fixo unha tesiña en Microbioloxía
Roberto é Enxeñeiro Técnico Agrícola
Os tres promotores pertencían a un grupo de investigación da universidade e tiñan experiencia en proxectos de investigación.
Con menos de trinta anos, crean a súa propia consultora.

• Descargar datos da empresa

A idea

Edmundo Maseda Maseda ( 1963 ) :  A idea xurdiu a raíz da compra dunhas terras que a nosa familia  tiña arrendadas desde hai 80 anos, destinadas á explotación leiteira. Coa entrada na Unión Europea, a granxa leiteira quedou obsoleta fronte ás esixencias do novo mercado. Decidimos entón buscar unha forma de explotación rentábel e démonos conta de que se estaba a experimentar na zona un auxe na produción de faba (faba de Lourenzá).  Atopamos nesta actividade a saída que necesitábamos.

 Ademáis, supuña a mellor alternativa profesional posto que nos gusta o traballo e nos permíte manternos no medio rural.
Por último, a propiedade da antiga granxa leiteira supuxo un aforro importante no investimento necesario.

Claves do éxito

Teimosía e vocación. Hai que ter moita vontade e poñer moito corazón, pois os obstáculos son numerosos e ás veces dan ganas de tirar a toalla.

Por outra parte, a calidade do produto e o cambio de mentalidade, que é favorecido por un maior poder adquisitivo dos consumidores.

Perfil dos promotores

O promotor Edmundo Maseda aporta experiencia nunha explotación agrícola propiedade da súa familia, no que colaboraba desde neno. A empresa conta con outro socio máis.

Nos últimos anos puxéronse ao día acudindo a cursos de formación agraria para mozos agricultores e cursos de capacitación profesional agrícola en varias ramas (gandería, carne, leite, horticultura, floricultura e froiticultura).

Foron organizadores do grupo de froiticultura de Valadouro e posúen un campo experimental de maceira de sidra e outro de chícharo ecolóxico.

• Descargar datos da empresa

A idea

Lina Solla Sanmartín ( 1968 ) :  Nacín no seo dunha familia adicada ao negocio da hostalaría. O contacto co público dende nena empuxoume a iniciar o meu propio proxecto empresarial.

Con 17 anos tiven o meu primeiro contacto co marisco en batea. Posteriormente, con 500.000 pesetas prestadas pola miña familia, comprei unha mesa de segunda man, un ordenador, un fax e un teléfono, e alí comezou a miña actividade comercial. Eu soa para comprar, vender, ...

Claves do éxito

O apoio económico e moral da miña familia fundamentalmente e da xente que confiou en min e me apoiou en momentos difíciles (afundimento do Prestige no ano 2002).Tamén ao grupo humano que compón a empresa, xa que as ilusións compartidas por todos converteron o negocio nunha forma de vida, onde todos nos esforzamos por mellorar cada día.Ademais, apostamos en todo momento pola innovación (I+D+i) e a implantación de sistemas de calidade (certificados ISO 9001 e 22000 e procesos de certificación IFS).

A principal novidade é o desenvolvemento de novos produtos que faciliten a vida diaria do consumidor que traballa. A xente que traballa ten moi pouco tempo para facer a compra e as tarefas do seu fogar. Nos tratamos de facilitar ao máximo esa tarefa, apostando pola investigación sobre as súas necesidades, por unha calidade estrita do produto e sempre cun equipo implicado por facer as cousas ben.

O método de envasado en atmosfera protectora resulta novedoso pola funcionalidade da súa presentación. Estamos afeitos a comprar o mexillón, por exemplo, nun saco tradicional de maia. O cambio é sorprendente cando nolo presentan limpo, igual de vivo ou máis que o de saco, nun envase totalmente pechado e colapsado, que non gotea e resulta moito máis limpo. Outras vantaxes son o alongamento da data de caducidade e o feito de ser apto para unha rápida preparación en microondas.Os produtos lánzanse ao mercado adaptando a súa presentación aos novos hábitos de consumo: envases individualizados de ½ kg, 1 kg, 2 kg... Unha ampla gama de produtos e formatos para o envasado en atmosfera protectora, ademais da tradicional comercialización en saco e caixa.

Perfil dos promotores

A promotora aporta formación continua en xestión empresarial, técnicas de ventas e dirección comercial e marketing..

• Descargar datos da empresa

A idea

Adela Domínguez Ramírez ( 1971 ) :  A idea xúrdenos cando acabamos os nosos estudios nunha escola taller de xardinería. Pensamos se volver ás nosas casas cobrando un subsidio de desemprego ou se reunir os importes dos nosos subsidios e investilos nun proxecto empresarial que nos permita xerar os nosos propios postos de traballo. Decidimos tentar facernos un oco no mercado empresarial aplicando os coñecementos e experiencia acumulados durante a nosa etapa formativa e comezamos así a desenvolver o noso propio proxecto.

Claves do éxito

Ante todo, a vontade de triunfar no laboral.Consideramos que existen tres factores fundamentais para que a empresa se implante con éxito: moito esforzo, paciencia e capacidade para asumir riscos razoábeis.

De todos xeitos, o éxito é algo que nos van outorgando os nosos clientes. Chegados a este punto, cremos que estamos a conseguilo porque os nosos clientes valoran en nos a puntualidade, a responsabilidade e un traballo ben feito.

Perfil dos promotores

Adela Domínguez posúe formación académica de bachiller e formación profesional de primeiro e segundo grao.
Ademais, aporta experiencia profesional nunha escola taller de xardinería, onde xurdiu o seu proxecto empresarial.
A empresa conta con dous socios máis.
Os tres promotores son mozos que convivían cos seus pais e non tiñan responsabilidades familiares.

• Descargar datos da empresa

A idea

Juan Antonio Fernández Pérez ( 1971 ) :  Antes de realizar a carreira, Juan Antonio xa tiña pensado dedicarse a traballar coa fauna salvaxe. Cando finaliza os estudios e realiza un Máster en León, decide crear a empresa.

Juan Antonio xunto con outro socio creou entón TECSAGES, que se corresponde coas siglas Técnicos en Sanidad y Gestión cinegética.

Claves do éxito

1. Ser os primeiros en Galicia en crear unha empresa de xestión cinexética, o que nos permitiu acaparar o mercado.

2. Ter un carácter competitivo, no sentido de tentar mellorar día a día no seu traballo.

3. Por suposto o traballo, ao cal dedicamos moitas horas ao día e a formación que adquirimos, que nos converteu en verdadeiros profesionais en sanidade e xestión cinexética.

4. A caza é unha actividade que se pode considerar perpetua, na cal se moven grandes sumas de diñeiro.

5. Boa conexión cos socios dos coutos de caza onde ofrecemos os nosos servizos, un traballo profesional que é o que demandan os socios.

Perfil dos promotores

O promotor Juan Antonio é Licenciado en Veterinaria. A empresa conta con outro socio. Con menos de trinta anos, crean unha consultora do sector veterinario – cinexético.

• Descargar datos da empresa

A idea

Manuel Agrafojo Rey ( 1966 ) :  A idea xurdiume sobre todo pola experiencia laboral previa. Tamén porque detectei unha baixa calidade nos traballos  de infografía debido á inexistencia de formación. Non había xente formada neste sector. Observei tamén un nicho de mercado desatendido pola falta de axencias deste tipo en España (a maioría acostuman ser delegacións estranxeiras) e a miña experiencia laboral dicíame que existía unha alta rendibilidade se  era capaz de deseñar unha boa estratexia comercial.

Claves do éxito

Creo que a clave fundamental radica na rapidez con que se desenvolveu o proxecto e a experiencia que tiña no sector. Iso supuxo ser o pioneiro e acaparar todo o mercado potencial que existía nese momento.Ademais, pódese considerar como unha clave do éxito o asignar aos meus servizos prezos moi competitivos.

Perfil dos promotores

Estudiou na Escola de Artes e Oficios de A Coruña, e comezou a traballar antes de acabar os seus estudios. Tivo unha experiencia laboral de 4 anos Na Voz de Galicia na sección de Infografía. Ao mesmo tempo funda Oceanográfico Taller xunto con 11 socios, unha empresa multiservicio (fotografía, deseño, maquetismo, ilustración, informática...) onde desempeña as labores de Administrador e Deseñador Gráfico. Con trinta anos crea unha axencia de infografía..

• Descargar datos da empresa

A idea

Jesús Fermín GarcíaVázquez ( 1972 ), Francisco José PoseSánchez ( 1972 ) :  Os dous somos afeccionados á informática. Francisco era ademais profesional do sector e eu traballaba na área da seguridade. Queríamos progresar profesionalmente a través dun proxecto propio e conxunto, aproveitando as sinerxias entre as nosas experiencias e coñecementos e pensamos en desenvolver un proxecto de montaxe e venda de equipos informáticos. Logo buscamos unha boa localización na Coruña, unha zona con elevado fluxo de xente e analizamos a viabilidade da nosa idea inicial.

Foi daquela cando descubrimos que as marxes eran excesivamente reducidas e que sería moi complicado facer o proxecto viable, especialmente pensando nos problemas que poderían presentar algúns equipos e que sería necesario solucionar. Por eso consideramos o apoio dunha franquía. Analizamos as condicións de todas as que existían no mercado e nos decantamos por U.P.I. Pareceunos comparativamente a máis interesante porque, aínda que o nivel de prezos non é tan baixo coma o de certas casas, os nosos equipos ofrecen unha garantía global e idéntica para todos os compoñentes, e identificamos que esta peculiaridade é valorada positivamente pola inmensa maioría dos usuarios, quenes evitan equipos clónicos máis baratos pero nos que cada compoñente ten unha garantía diferente.

Na actualidade, con máis de 290 tendas, U.P.I. é a franquía máis grande de España.

Claves do éxito

Podémolo atribuír á formación, o profundo coñecemento do mercado, a especialización e o tratar de ser os mellores profesionais no sector. Ademais temos gañada unha merecida fama de empresa comprometida có cliente, xa que cumprimos sempre cós prazos, os prezos e a calidade que contratamos, e temos un excelente servizo post-venda.

En todo caso, o noso mercado, como todos, vese afectado polos ciclos. Cando vivimos un ciclo bo, é bo para todos, cando é malo, só sobreviven as mellores.

Perfil dos promotores

Jesús Fermín García é técnico especialista en electricidade e electrónica e aporta experiencia profesional como xefe de mantemento de varias empresas e como técnico en sistemas de comunicacións, seguridade e formación en empresas privadas e entes públicos.

Francisco José Pose é técnico especialista en mantemento e operación técnica de equipos de radio e televisión, en electrónica de comunicacións e en electricidade. Aporta ademais experiencia profesional en radiotelecomunicacións, informática e equipos de seguridade.
.

• Descargar datos da empresa

A idea

Jose Antonio LosasDevesa ( 1977 ) :  A idea xurdiu porque nos decaramos de que se estaba abrindo un oco importante no mundo da informática, algo que moi poucas empresas cobren; facer instalacións case a medida para as empresas e ao mesmo tempo, a integración total de todos os sistemas informáticos da empresa, incluídas as comunicacións de voz mediante VoIP. Así foi como Conexiona comezou instalar centrais telefónicas baseadas en voz sobre IP (VoIP) integradas totalmente coas infraestruturas existentes do cliente, con todos os beneficios que isto aporta, permitindo por exemplo a completa integración con soporte lóxico do tipo CRM, ERP e en xeral con calquera outro tipo de soporte lóxico.

Claves do éxito

Creemos que a clave fundamental é a crecente demanda de tecnoloxías da información e comunicacións por parte das empresas.E ademáis, Conexiona Telecom vende un producto en constante evolución, polo que as labores de I+D nos aportan un know how fundamental á hora de comercializar un producto.

Perfil dos promotores

Jose Antonio Losas Devesa aporta 5 anos de experiencia no sector da informática.
A empresa conta con dous socios máis..

• Descargar datos da empresa

A idea

Daniel RamosLobón ( 1973 ):  Somos dous emprendedores con bastante iniciativa. Sabemos o que queremos facer e coñecémonos desde pequenos co cal hai un compoñente de confianza importante. Un bo día, ou mellor dito unha boa noite, decidimos poñer a funcionar a idea e ata hoxe.

Creo que o carácter de ambos socios foi decisivo para tomar a decisión.

Claves do éxito

Creo firmemente que o sector no que desenvolvemos o noso traballo é próspero e ten que ir a máis cada día que pasa. Iso si, creo necesario o apoio da Administración e das empresas privadas.A nosa empresa é relativamente pequena e pódese adaptar mellor aos cambios que se producen no sector que as empresas de maior tamaño.

Tamén creo que o crecemento da empresa virá da man do traballo ben feito e da capacidade que teñamos para realizar alianzas e estreitar lazos con empresas máis grandes, que polo seu volume non poden realizar todos os traballos.

Perfil dos promotores

Daniel Ramos é licenciado en ciencias Biolóxicas e MBA Instituto Tecnolóxico Empresarial Caixa Galicia - ICADE. Actualmente é presidente da asociación de xoves empresarios da Coruña e da Confederación Galega de Xoves Empresarios.
A empresa conta con outro socio máis.
Aos vinteseis anos crearan a súa empresa de servizos globais en Internet.

• Descargar datos da empresa

A idea

Francisco Jesús Álvarez Diéguez ( 1974 ) :  Todos os socios eramos compañeiros da clase e, xa dende o primeiro ano, fantaseábamos coa idea de montar unha tenda de informática. Gustábannos moitísimo os ordenadores e a informática e viamos que o traballo por conta allea era complexo, sobre todo nunha cidade coma Ourense.

Dende logo, atraíanos a idea de ser os nosos propios xefes, facer as cousas á nosa maneira e innovar.
Nun principio iamos ser seis socios, pero dúas persoas non podían ofrecer dedicación completa ao proxecto e finalmente quedámonos catro.

E esa é a forma en que comezou a nosa aventura. Hai tres anos estabamos sentados nun café escribindo nunha servilleta de papel un boceto de como montaríamos a empresa e hoxe visítanos o comercial de Toshiba España.

Claves do éxito

Unha das claves do éxito é que somos moi honestos cos nosos clientes. Tratamos de darlles bos consellos. Por exemplo, se nos van comprar un ordenador, analizamos o uso que o cliente vai facer del e lle recomendamos o que mellor se adapte ás súas necesidades en vez de tratar de venderlle o máis caro.

Por outra parte, existen moitas tendas de informática, pero non existe unha tenda que ofreza servizos integrais, incluíndo deseño gráfico, montaxe do equipo sen custo algún, servizo técnico e incluso un pequeno curso sobre o funcionamento dun equipo cando se compra. Ademais, traballamos cunha rede de colaboradores desde Galicia ata a Arxentina, que nos permite dar resposta a calquera demanda.

Para nós é fundamental traballar en calidade e tratar a todos os nosos clientes co maior esmero. Hai xente que prexulga aos seus clientes polo aspecto. En realidade, nós tratamos igual a unha persoa nova que vén a comprar un portátil que a unha persoa maior que vén a comprar un CD. Sempre pensamos que esa persoa pode ter unha empresa ou un amigo empresario e mañá pódenos comprar 20 portátiles.

E no que fai a elementos innovadores, ademais dun seguimento constante do mercado e un proceso continuo de vixilancia tecnolóxica, innovamos no sistema de organización dos nosos stocks, e é que mantemos un almacén mínimo. Traballamos sobre todo baixo pedido porque nun sector como o noso, no que a tecnoloxía informática depréciase día a día, calquera artigo que non se venda nun prazo moi curto de tempo, nos supón unha perda.

Perfil dos promotores

Francisco Jesús Álvarez é Técnico Superior en Administración de Sistemas Informáticos.
A empresa conta con tres socios máis.
Ningún dos socios tiña experiencia previa neste sector en concreto.

• Descargar datos da empresa

A idea

José Ramón Pais Curto ( 1969 ) :  A idea partiu dun Proxecto Alfa, que xurdiu a raíz da necesidade dunha entidade que aglutinase a todas as empresas do sector. Son empresas moi novas que necesitan un órgano que as representen e se faga voz das súas necesidades e as súas demandas.

Claves do éxito

Ser a única asociación no sector que representa ás empresas de Internet e novas tecnoloxías en Galicia.

Perfil dos promotores

O perfil dos promotores é moi variado, debido ao grande número de socios que desenvolveron esta iniciativa. Pero o nexo común que existe entre todas eles é que a súa actividade empresarial se basea en Internet, polo que hai desde enxeñeiros de comunicacións ou industriais, a xornalistas, economistas, ou físicos.

• Descargar datos da empresa

A idea

Ana Sampayo Gulín ( 1969 ) :  A idea xurdiume porque estiven sen traballar durante 6 meses por motivo de enfermidade. Chamáronme para facer un curso de informática do plano FIP e volvín a retomar o tema. Gustábame e parecíame sumamente interesante, pero nunca tivera a oportunidade de enfocalo desta maneira e aproveitar un momento en que se abría unha oportunidade no mercado.

Desde o punto de vista da miña carreira profesional, apetecíame desenvolver un proxecto no que me puidese promocionar profesionalmente, o cal é complicado cando se traballa por conta allea.

Claves do éxito

- O esforzo.
- A continuidade.
- A perseveranza.
- Saber fidelizar ao meu cliente. Que non se  decante polo meu servizo por prezo senón pola seriedade da empresa e a calidade no traballo que realizamos.

Perfil dos promotores

Ana Sampayo é técnico especialista en comercio e xestión empresarial. Traballou en diferentes sectores, sobre todo en actividades relacionadas coa exportación.
A empresa conta con outro socio máis.
Aos trinta e catro anos deciden crear a súa propia empresa..

• Descargar datos da empresa

A idea

Sonia Méndez Pérez ( 1980 ), Joan Solé Muñoz ( 1970 ), Juan Carlos Díaz Fernández ( 1975 ):  IGN Solutions naceu da unión de tres profesionais de tres multinacionais do sector TIC. Os tres proviñamos de diferentes áreas, con formas de traballar dispares, pero cunha visión única acerca do que queriamos facer, de como enfocar os servizos TIC.

Tiñamos idea de volver a Galicia e xurdiunos algún cliente na zona. Vimos que as capacidades dos tres eran moi complementarias e que Galicia tiña un tremendo potencial, sobre todo na prestación de servizos tecnolóxicos no medio rural, tanto instalacións físicas como servizos de valor engadido. Grazas a esa complementariedade podemos ofrecer un servizo integral.
Nacemos coas filosofía de ofrecer servizos tecnolóxicos de calidade dende un contorno de traballo e persoal atractivo para os nosos colaboradores.

Entre os tres acumulamos máis de 30 anos de experiencia no sector. Dende que esas inquietudes se atoparon ata hoxe pasou o tempo, pero a evolución segue e seguirá mantendo a filosofía orixinal dese primeiro encontro.

Claves do éxito

Creemos que a maior clave do éxito é basear o noso traballo no convencemento de que o acceso ás novas tecnoloxías é un dereito de todo o mundo, non un privilexio dunhas cantas empresas. Se tende a pensar nun perfil de usuario de novas tecnoloxías que resulta bastante discriminatorio. Quizais quen máis necesidade ten de acceder a Internet sexan as persoas que están xeograficamente máis illadas. E no caso de empresas, podemos pensar en explotacións gandeiras con marxes moi pequenos nas que un sistema de automatización permite por exemplo ver nunha pantalla dende a túa casa, o estado no que se atopan unhas vacas a piques de parir sen ter que pasar varias noites vixiando por se hai que chamar ao veterinario.

Perfil dos promotores

Sonia Méndez posúe o grao superior de telecomunicacións e informática e aporta experiencia en empresas do sector durante cinco anos.

Juan Solé aporta experiencia de 6 anos en T-Systems xestionando proxectos de informática e telecomunicacións en grandes empresas de servizos bancarios e de telecomunicacións e en estruturas de cableado e telecomunicacións durante 12 anos.

Juan Carlos Díaz é enxeñeiro técnico en informática e aporta experiencia, dende que estudaba, nos servizos técnicos da UOC, en proxectos para AENA, ENDESA, corporación Iberdrola e noutras grandes empresas e consultorías do sector.
.

• Descargar datos da empresa

A idea

Mª Luz Castro Pena ( 1972 ), Diego Vázquez Rei ( 1968 ), Antonio Fernández Cabezas ( 1969 ), José Ramón Pichel Campos ( 1971 ) :  Durante os anos de carreira estableceuse unha sólida relación que nos levou en 1997 a poñer en marcha unha innovadora idea empresarial froito dunha análise de necesidades do mercado onde claramente se detectaban carencias en Novas Tecnoloxías, sobre todo en áreas como a lingüística computacional, a educación e a cultura. Foi unha idea pioneira en Galicia.

Claves do éxito

Ter claro o noso obxectivo empresarial e as áreas de mercado que queríamos liderar, contar con persoal altamente cualificado en cada área, e apostar pola calidade de todos os aspectos do negocio. Ademais é importante o coñecemento do mercado actual.

Perfil dos promotores

Los cuatro promotores son ingenieros informáticos y aportan experiencia investigadora y docente.
Todos tiñan menos de trinta anos cando crearon a súa empresa de enxeñería informática.

• Descargar datos da empresa

A idea

Fernando Montes Posadas ( 1969 ) :  Coñecémonos traballando nunha empresa do sector informático onde non estábamos a gusto debido á falta de profesionalidade coa que se traballaba e á banalización que se estaba a producir nas tendas de informática. As tendas estábanse a converter en simples tendas de venda de computadores.

Os promotores de Open 58 decidimos comentarlle ao noso xefe esta situación e pedímoslle "un cambio de timón".

Díxonos que se produciría en breve, pero ao non producirse, decidimos saír desta empresa e crear a nosa propia onde si poderíamos desenvolver plenamente as nosas respectivas carreiras profesionais.

Claves do éxito

Consideramos que as claves son a seriedade, a profesionalidade, a perseveranza, a sinceridade e moitas horas detraballo e dedicación.

Perfil dos promotores

Luis é Enxeñeiro Industrial e Fernando é Analista Programador.
Con trinta e catro e trinta e cinco anos respectivamente, crean unha empresa de servicios informáticos..

• Descargar datos da empresa

A idea

Pilar BlancoTuimil ( 1967 ), Olga MorenoMontecelo ( 1969 ) :  A idea xurdiunos ao coñecer outro centro de iguais características noutra cidade.

Trátase dun Centro de Negocios, que é unha empresa de servizos a empresas e profesionais dedicada a pór a disposición dos nosos clientes despachos amoblados e equipados, salas de xuntanzas, aulas de formación, etc.Outras actividades nas que traballamos son a domiciliación de sociedades, oficinas virtuais, secretariado telefónico e secretariado xeral.

Claves do éxito

Realmente, as claves do éxito son o traballo, a teimosía e a dedicación constante.

Perfil dos promotores

Pilar Blanco é Licenciada en Filosofía e Ciencias da Educación.
Olga Moreno é Licenciada en CC. Económicas e Empresariais.
Con trinta e vinteoito anos respectivamente, abren o seu propio centro de negocios.

• Descargar datos da empresa

A idea

Raquel Morano Vázquez ( 1978 ) :  A idea xurdiu, durante os meus estudos da Licenciatura de Documentación, froito dun traballo de investigación para unha materia da carreira; despertoume daquela o interese pola viabilidade da idea e o nicho de mercado existente.

SERINDOC (Servizos para a Información e Documentación de Arquivos e Bibliotecas S.L.) é unha empresa especializada no tratamento e xestión da información e documentación, en calquera dos seus soportes. Nace para satisfacer a actual necesidade de control e organización de información, tanto en institucións privadas, como en bibliotecas, arquivos e centros de documentación; ofrecendo aos nosos clientes unha rápida recuperación e acceso á documentación, con indiferenza do soporte en que se atope.

Claves do éxito

Creo que a clave fundamental é a dedicación no que fai ao desenvolvemento dos nosos servizos, e por suposto, o perfil profesional e persoal do noso equipo humán, base da nosa empresa.

Como elemento innovador achegamos a profesionalidade (posto que en moitos casos non todos os servizos deste sector, están avalados por profesionais).Outro punto innovador está na metodoloxía de traballo e a automatización, posto que apostamos fortemente pola creación de ferramentas informáticas para a xestión dos nosos servizos.

Perfil dos promotores

Son Diplomada en Biblioteconomía e Documentación, Licenciada en Documentación, e Máster en Xestión e Dirección de Empresas.Conto ademais cunha ampla formación complementaria, tanto na área de bibliotecas e arquivos, como na área empresarial e informática.Profesionalmente, levo desenvolvendo a actividade cinco anos, en distintos ámbitos, como autónoma, ata que nace SERINDOC.

• Descargar datos da empresa

A idea

Ramón González López ( 1971 ) :  Cando estudiaba a carreira xurdiume a inquedanza de preparar un proxecto de similares características ao que hoxe é a empresa, para o presentar a un concurso nacional sobre proxectos innovadores (ano 1995), que por certo gañei.

Tamén na miña etapa de estudiante contactei con dous compañeiros que preparaban proxectos fin de carreira afíns ao meu.
Incorporeime como empregado dunha empresa de electricidade, pero seguín dándolle voltas á idea e madurando o proxecto. Antes de crear a sociedade, os tres compañeiros de estudios alugamos unha oficina onde facíamos prácticas na construción de prototipos.

No momento de decidir que íamos a constituír unha empresa, un dos tres posíbeis socios retirouse do proxecto, alegando que non se arriscaba a deixar o posto estábel de traballo.

Claves do éxito

A nosa dispoñibilidade e o grao de resposta ante os clientes, permitiron obter bos resultados a pesar da saturación de horas de traballo. Desde o principio ofrecéronse prezos mellores para poder acceder a un mercado altamente competitivo e globalizado.Logrouse unha especialización na programación, buscando sempre a innovación continua do produto, e consecuentemente a nosa formación continua.

Perfil dos promotores

O promotor Ramón Gonzalez López é Enxeñeiro Técnico Industriai na especialidade de automática e electrónica.
A empresa conta cun socio máis.

• Descargar datos da empresa

A idea

Miguel Ángel Bugarín Pumar ( 1974 ) :  Esta iniciativa existía xa en Madrid en 1996, e levaba tempo tendo éxito. A información da existencia desta empresa chegounos a través dun curmán de Alejandro. Trasladamos a idea a Vigo (que en principio foi vigonet.com). A idea consistía en crear un portal en Vigo que se dedicase a vender páxinas web a PEMES para que se introducisen  no portal.

A  evolución da empresa foi a seguinte:
- PUBLINET C.B. 1.998
- VISUAL PUBLINET S.L. 2.000.
En pleno 2004, atopámonos no oitavo ano de actividade.

Claves do éxito

- A visión comercial e a adaptación á evolución do mercado e as novas tecnoloxías.
- O capital humano que conseguimos participase na nosa empresa.
- A atención personalizada ao cliente.
- Alianzas estratéxicas con outras empresas do entorno Internet (operadoras, consultoras, casas de informática, axencias de publicidade, etc.).
- Ser os pioneiros.
- Ser conservadores na liña empresarial, ficando lonxe de burbullas tecnolóxicas, de empresas de gran capital mais de escaseza de ideas e de esforzo, sen capacidade de sacrificio.

Perfil dos promotores

Miguel Ángel Bugarín posúe estudios de COU e traballou como delegado comercial para grandes superficies de marcas punteiras internacionais de soft e hard, e como comercial de axencias de publicidade. Aporta ademais experiencia como emprendedor entre 1992 e 1994, coa casa informática C.D.C. INFORMÁTICA.
A empresa conta con outro socio máis.
Con vintesete anos, crean a súa empresa de servicios integrais en Internet.

• Descargar datos da empresa

A idea

Argimiro Manuel Doce Pérez ( 1945 ) :  Desde que finalicei os meus estudios universitarios,  estiven a buscar elementos tecnolóxicos innovadores para experimentar con eles e desenvolver novas técnicas de produción de software que me permitisen nalgún momento ofrecer ao mercado algún produto ou tipo de produtos innovadores.

Despois de explorar varios campos de aplicación, o que máis me interesou, por ver nel un conxunto de oportunidades máis amplo, foi o da tecnoloxía CTI. Despois de dous anos traballando neste campo xunto con outros tres socios fomos capaces de desenvolver unha tecnoloxía propia que nos permite ofrecer ao mercado unha serie de produtos e servizos coa mesma calidade que os nosos competidores pero cun custo moi inferior.

Claves do éxito

os puntos fortes en que nos estamos a basear para tentar alcanzar o éxito son: Ter desenvolvido unha tecnoloxía propia que presenta grandes vantaxes respecto ás dos nosos competidores, que nos permite ofrecer a mesma calidade e mellor prezo e todo iso a segmentos de mercado aos que os nosos competidores teñen difícil acceso.

A nosa propia cualificación profesional e experiencia, que nos permite adaptarnos a novas circunstancias, perfeccionar continuamente a nosa tecnoloxía e os nosos produtos.

O ter forxado alianzas con empresas de distribución de produtos tecnolóxicos que levan bastantes anos estabelecidas no mercado, o que nos permite estudiar a viabilidade dos nosos produtos na súa carteira de clientes e realizar unha distribución inicial a pequena escala moi beneficiosa desde o punto de vista dos ingresos nas etapas iniciais da empresa.

Perfil dos promotores

Argimiro Manuel Doce Pérez, nacido en A Coruña en 1970, é licenciado en Informática pola Universidade de A Coruña. Desenvolveu a súa actividade profesional en:
Saprogal, ano 1990, como programador, NorSistemas, anos 1990 - 1991, como analista programador, Ediciones La Ley, anos 1991 - 1992, como asistente do director financeiro, Deputación de A Coruña, anos 1994 - 2001, como analista.

Actualmente en excedencia dedicado a Yalka Software. A experiencia profesional como asistente do director financeiro en Ediciones La Ley proporcionoulle un amplo coñecemento da xestión financeira e contable e o seu traballo na Deputación proporcionoulle unha ampla experiencia na dirección de equipos.
A empresa conta con tres socios máis.

• Descargar datos da empresa

A idea

Alvaro Onega Ares ( 1969 ), Severiano OnegaAres ( 1967 ) :  A idea inicial xurdiunos ante a demanda puntual dun matadoiro nun momento en que se estaban pechando os vertedoiros municipais, que ata o momento constituían o destino habitual dos residuos orgánicos. A partires de entón, só funcionarían vertedoiros privados cun nivel de prezos mais elevado.

De forma paralela, a Unión Europea establecía unha normativa sobre valorización dos residuos como abono agrícola. Analizamos as necesidades, o potencial do mercado e as posibilidades de éxito que tiñamos e nos implicamos de cheo no proxecto.

Claves do éxito

Creemos que as circunstancias do mercado foron favorables, deuse unha coincidencia de factores que xeraron unha demanda que decidimos satisfacer. Pero gracias ao tesón e a ilusión que puxemos nel, desenvolvemos un proxecto que estaba chamado a caer en mans dunha gran empresa. Estamos tratando cerca de 60.000 kg. de lodo na actualidade, e ser os pioneiros nos axudou moito a superar as barreiras e a seguir posicionados en primeiro lugar.

Perfil dos promotores

Álvaro Onega posúe estudios de enxeñería técnica agrícola e traballou na empresa do seu pai, dedicada a prestar servizos agrícolas con maquinaria especializada. Desenvolveu o proxecto de modernización da empresa.

Severiano Onega é veterinario e aporta experiencia profesional en sanidade animal. Estivo sempre vinculado á empresa familiar nos aspectos administrativos e de xestión..

• Descargar datos da empresa

A idea

Ignacio Andía Rubio ( 1969 ) :  Aínda que soe extrano, a orixe da  miña idea foi a fame. É unha expresión un pouco irónica pero en realidade a idea xurdiume cando rematei o meu contrato laboral e as condicións de renovación non me interesaban. Busquei outra opción e comecei a recompilar información a través de varias fontes. Atopei en Internet moita información sobre as actividades de reciclaxe de cartuchos de tóner para impresoras e profundicei en revistas especializadas. E contrastei a rendibilidade desta actividade.

Comezamos mercando a un reciclado, vimos o que custaba e confirmamos que nós o podíamos facer dada a información que obtiveramos.

Claves do éxito

As claves son:
- a necesidade
- o carácter innovador
- ofrecer un produto diferenciado.

Perfil dos promotores

Ignacio Andía é diplomado en Empresariais.
A empresa conta con socio máis.
Con trinta e dous anos, crean a súa propia empresa de reciclaxe de cartuchos e venta de consumibles.

• Descargar datos da empresa

A idea

Sergio Quiroga Rivero ( 1973 ), Juan García Díaz ( 1973 ) :  En xaneiro de 2002 finalicei un curso do INCIDE e empecei a traballar no concello da monte de Villasobroso, recuperando unha carballeira de 8 Ha. Atopabamonos co problema de que alí había animais (burros, ovellas, etc.) que producían unha media de 300 quilos de esterco que había que limpar e tirar todos os días. Falei co director do proxecto e lle propuxen facer un deseño de xestión de residuos a través da lombricultura. Pedinlle permiso para levar os residuos a un terreo da miña propiedade, comprei lombrices e fixen traballo de campo para analizar o seu funcionamento.

Os resultados foron sorprendentes, así que decidín facer un proxecto de empresa, que desenvolvín en tres meses. Comecei cunha produción moi pequena; un abono en envases de 1 litro que me compraba unha tenda de Ponteareas, pero comprobei que o mercado potencial para este produto era moi grande. Cando rematei o curso, obtiven un crédito ICO de 13.000 euros, e en novembro de 2003 lanceime a desenvolver esta iniciativa nun terreo de 500 m2.

Nacemos como xestores de residuos orgánicos na rexión. A extensión do noso mercado vimola moi clara, xa que resulta antieconómico desenvolver esta actividade nun radio superior a 100 Km. Fixemos un proxecto piloto cos residuos de café das cafeterías da contorna e foi un éxito. Conseguimos a cualificación de ILE e compramos un terreo de 3.000 m2 no que o comezamos cunha produción de 500 toneladas/ano. Na actualidade producimos 750 toneladas/mes.

Claves do éxito

Un factor decisivo foi aguantar os tres primeiros anos. O primeiro ano necesitas acondicionar o terreo, montar as instalacións e comezar a produción. O segundo ano é de proba, de distribución de mostras e de actividade comercial para vender o produto. O terceiro ano comezan as vendas pero non se acadou totalmente o posicionamento da empresa. Realmente ata o cuarto ano non se ven os resultados. Para aguantar todo este tempo, hai que saber moi ben ao que te enfrontas, e ter moi claro que non é un negocio senón unha empresa, e polo tanto teslle que dar tempo.

É necesario tamén ter capacidade de xestión dos recursos e ser moi creativo. Unha das manifestacións do éxito de ECOCELTA é que, na actualidade, a empresa vale por si mesma, digamos que vale a súa marca.Pero o gran segredo de ECOCELTA é o seu capital humano, e a sorte de atopar un socio que pensa como ti, que quere construír un proxecto ambicioso.

Perfil dos promotores

Sergio Quiroga é enxeñeiro agrónomo e aporta formación en Administración e Dirección de Empresas. Ten experiencia en xestión dunha empresa privada e traballou 7 anos como investigador en edafoloxía no Instituto de Investigacións do Chan.

Juan García é licenciado en Ciencias Empresariais e aporta experiencia profesional no sector bancario.

• Descargar datos da empresa

A idea

Eva Mª Salvador Fernández ( 1977 ), Isabel Soria García ( 1976 ), María Guerreiro Iglesias ( 1974 ) :  A nosa motivación principal foi aplicar o que aprenderamos e dar unha oportunidade ao sector en temas de conservación en Lugo, onde non existía ningunha empresa que ofrecese algo semellante. Outra oportunidade detectouna María. Era voluntaria en temas de formación e detectou que en Lugo non existía nada e que sempre había que contratar empresas de fóra.

Tíñamos sobre todo moita ilusión en desenvolver os nosos coñecementos, as novas tecnoloxías e os sistemas SIG (Sistemas de Información Xeográfica)  que aprenderamos a utilizar.

Claves do éxito

-- Marketing e labor comercial.
- Queremos transmitir aos nosos clientes que na xestión ambiental aplicamos as novas tecnoloxías, formamos e facemos divulgación para que a xente se involucre. Se non o facemos, resulta imposíbel desenvolver a xestión ambiental.
- Ter unha mente moi aberta e estar sempre dispostos a aprender e a colaborar.

Perfil dos promotores

As tres promotoras son enxeñeiras de montes especializadas en medio ambiente e enxeñeiras técnico forestais.
As tres convertéronse en empresarias con menos de trinta anos.

• Descargar datos da empresa

A idea

Francisco Pérez García ( 1965 )  :  Detectei unha oportunidade no mercado. Os hoteis e restaurantes enfróntanse ao problema da xestión dos seus residuos de aceites vexetais procedentes das frituras. O aceite pégase ás paredes das alcantarillas formando unha costra moi difícil de erradicar que acostuma estragalas. Por outra parte, nas depuradoras forma unha masa moi difícil de disolver. E un terceiro problema é o medioambiental; no leito do mar e dos ríos crea unha película que impide o desenvolvemento de vida baixo a mesma.

Así, a orixe da idea foi a necesidade dos nosos clientes de que alguén lles xestionase os aceites cando estes finalizan o seu ciclo de vida útil.

Claves do éxito

Dar solución aos problemas das industrias, que están obrigadas desde o ano 1995 a xestionar os seus residuos de forma adecuada.Subcontratar todo o que se poda para evitar custos fixos.

Perfil dos promotores

O promotor é empresario con distintas titulacións.
En 1988 crea unha empresa de transporte de vidro para o seu posterior reciclaxe..

• Descargar datos da empresa

A idea

Gonzalo Floritde Marti ( 1947 ), Atiliano Aguiar Alonso ( 1970 ) :  A idea xurdiume ante as carencias e/ou déficit enerxéticos no medio rural e pola defensa dos medios sostíbeis. En lugar de instalar unha caldeira convencional, pódese utilizar a enerxía solar para producir a mesma enerxía. Esta forma de xeración de enerxía está moi pouco implantada de momento, pero no ano 2.010, o 12% da enerxía deberá ser renovábel.  Realmente, desenvolvo esta actividade porque me gusta, pola satisfacción de extraer da natureza enerxía que será útil.

En particular, a primeira idea xurdiume lendo un artigo na prensa, que falaba das carencias enerxéticas da Galicia rural. Sería moi custoso electrificar pequenas aldeas situadas en lugares moi remotos porque o quilómetro de tendido nunha zona rural é carísima. Pensei que seria rendíbel aplicar a esas zonas enerxías alternativas e confirmei que, en efecto, instalar placas solares resulta rendible a partir de 1 km. De tendido. O aforro sería enorme.

Claves do éxito

A clave fundamental é que a xente vexa moi clara a viabilidade. O estudio previo ten que ser moi claro para que a xente se decante por esta enerxía alternativa. Unha exposición sinxela e clara é a mellor ferramenta.

Perfil dos promotores

O promotor é licenciado en Electrónica Naval pola UPC de Barcelona.
Aporta ademais experiencia en deseño e instalación de enerxía solar térmica, fotovoltaica, micro hidráulica e micro eólica e en estudios de viabilidade de proxectos de enerxía solar.
Na actualidade, é instalador asociado á empresa catalana ESHIA SCP.

• Descargar datos da empresa

A idea

Francisco Pérez García ( 1965 ) :  Basicamente localicei un nicho de mercado importante. Existían contedores pero os concellos non sabían o que facer con eles, como transportalos e depositar o material. Contactei cos concellos e ofrecinlles a solución aos seus problemas.

Dedicámonos á recuperación, transporte e almacenamento do vidro oco doméstico procedente da recollida selectiva que se realiza a través dos contedores tipo "IGLÚ".

Claves do éxito

- Sobre todo, a inmediatez do servizo. Unha resposta rápida é clave.
- Tamén resulta fundamental coñecer ben a lexislación en materia de residuos.
- Encanto ao nivel de prezos, é un tema secundario, aínda que se está a ofrecer un prezo razoábel.
- A calidade no servizo. Estar moi pendente que non se desborden os contedores, que chegue sempre o camión antes de que se encha, e ofrecer información moi precisa aos concellos sobre cando se recolle, cantos iglús se baleiran, etc.
- Subcontratar todo o que sexa posíbel para evitar custos fixos.

Perfil dos promotores

O promotor é empresario con distintas titulacións.
Con vintetrés anos crea a súa empresa de transportes para reciclaxe de vidro.

• Descargar datos da empresa

A idea

Marta Mallón Sande ( 1975 ) :  Xurdíume a idea cando rematei os meus estudos. Comecei a pensar nunha boa saída profesional e non me apetecía traballar por conta allea posto que valoro moito a independencia En canto ao sector, decidinme polo mercado inmobiliario porque xa existía experiencia neste sector na miña familia.

Claves do éxito

Sobre todo, ofrecer un servizo de calidade, unha boa atención ao cliente.Resulta ademais fundamental o coñecemento profundo do sector inmobiliario.Por último, a situación coxuntural en que se atopa o mercado inmobiliario na actualidade, na que se asiste a un auxe importante.En canto a aptitudes persoais, a constancia e ter sempre unha mente positiva.Traballar moito e non desesperarse.

Perfil dos promotores

A promotora é licenciada en Dereito, Axente da Propiedade Inmobiliaria e Máster en Dereito  da Empresa, ademais aporta formación en varios sectores vinculados á súa actividade.
Con vintecinco anos, crea a súa propia axencia de servicios inmobiliarios e xurídicos.

• Descargar datos da empresa

A idea

Ignacio Rodríguez Basanta ( 1967 ) :  A idea xurdiume fai xa bastante tempo. Viaxei moito e traballei en moitos sectores e entornos diferentes. Esa vida gustábame moito, pero chegou un momento en que comecei a buscar unha estabilidade no traballo e na miña residencia, asentarme nun sitio e gañarme a vida alá. Pensei en varios proxectos que podía desenvolver en Xove e pensei que seria estupendo montar unha empresa na que puidese desenvolver a miña afección. Facendo escalada, o ideal era montar unha empresa de traballos en altura.

Claves do éxito

- Dedicación plena e moitas gañas de traballar sen contar as horas dedicadas. Durante a semana, realizamos traballos e o fin de semana vou ver obras, falo con clientes potenciais, fago orzamentos, ...

- Aforro en tempo e diñeiro que supón para o cliente non utilizar estadas.

- Falta de competencia (aínda que o lado negativo é que tivemos que abrirnos un mercado totalmente novo, o cal esixe un enorme esforzo comercial).

Perfil dos promotores

O promotor aporta formación profesional de segundo grao na especialidade de torneiro-fresador. Ademais aporta experiencia laboral en múltiples sectores (construción, hostalería, etc.).

Pero o máis importante en relación á súa empresa é a súa grande afección á escalada. Ten 15 anos de experiencia neste deporte e está familiarizado coa altura. Esta é a razón pola que se decidiu a desenvolver o seu proxecto..

• Descargar datos da empresa

A idea

Ana Fraga Pérez ( 1962 ) :  Nunca pensáramos montar unha empresa. Pero da noite á mañá, atopámonos ante a disxuntiva de pasar a engrosar as listas do paro ou traballar por conta allea noutra tenda de decoración.

Tíñamos moita experiencia e sabíamos que podíamos desenvolver un proxecto pola nosa conta. Ademais vimos con perspectiva que, se ben aprendemos doutros traballos, a nivel profesional non foron unha experiencia positiva.

Entendemos que para progresar profesionalmente teríamos que desenvolver as nosas propias ideas, encamiñármonos na nosa liña. Tíñamos un estilo moi concreto ao que queríamos dar saída.

Claves do éxito

- Moitísimo traballo
- Cada casa é como un fillo. Deseñámola como se fose nosa, como se nos fósemos habitala.
- Moita capacidade de empatía. Adaptamos a nosa idea ás circunstancias, necesidades, orzamento e perfil psicolóxico do dono da casa.

Perfil dos promotores

Ana Fraga posúe estudios de decoración e de corte e confección, e conta con 24 anos de experiencia no sector.
A empresa conta con outra socia máis.
Está familiarizada co sector das teas e os móbeis a través da súa familia..

• Descargar datos da empresa

A idea

Agustín García Montón - Pulido ( 1963 ) :  A idea xurde froito do coñecemento do mercado da pedra ornamental durante a miña estancia na Asociación Galega de Graniteiros. Percibín certas debilidades nunha análise DAFO e detectei unha oportunidade.

Trátase dunha empresa que subministra pedra natural a empresas construtoras, tratando globalmente todo o mercado da pedra ornamental e completando o proceso cun seguimento postventa.

Claves do éxito

- A profesionalidade.
- A calidade tanto no produto como no servizo ao cliente.
- Innovación no servizo postventa
- Óptima relación calidade
- Prezo

Perfil dos promotores

O promotor é licenciado en Xeografía e diplomado en Business Administration, ademais é especialista en Comercio Exterior.
Aos trinta e cinco anos pasa a converterse en empresario dun sector que coñecía a través da súa experiencia profesional.

• Descargar datos da empresa

A idea

Juan Manuel Montes Cougil ( 1972 ) :  A idea xurdiu como resultado da experiencia profesional previa e as titulacións que foi obtendo Juan Manuel Montes ao longo do desenvolvemento da súa profesión.

O obxectivo de INCE consiste en ser unha empresa instaladora que ofreza unha alta credibilidade aos seus clientes.Ofrecemos, entre outros servizos, instalación de calefaccións, climatización, gas, fontanería, electricidade, aire acondicionado, etc., así como o mantemento de instalacións..

Claves do éxito

Cremos que as claves do éxito radican nos seguintes aspectos:
- A oferta dun servizo integral (instalación e mantemento).
- A experiencia no sector.- A credibilidade que ofrecemos aos nosos clientes.
- A calidade no servizo (seriedade e responsabilidade).
- Negociamos pagos en contado cos nosos clientes.

Perfil dos promotores

Juan Manuel Montes posúe estudios de COU e FP pola rama de electricidade. Ademais aporta 14 anos de experiencia profesional nos sectores de calefacción, fontanería e electricidade.
A empresa conta con dous socios máis.

• Descargar datos da empresa

A idea

Wenceslao Vidal Eiras ( 1973 ) :  A idea xurde a partir da existencia dun oco no mercado que non estaba aínda cuberto na bisbarra na que nos asentamos. Percibimos esa demanda insatisfeita e decidimos que podíamos ocuparnos dese nicho de mercado.

Trátase dunha oficina técnica na que levamos a cabo proxectos relacionados co medio ambiente, en especial proxectos forestais.Tamén desenvolvemos todo tipo de traballos topográficos destinados a empresas construtoras, arquitectos, etc..

Claves do éxito

- A falta de profesionais na zona que se dediquen a prestar estes servizos.
- A elevada demanda deste servizo por parte dos profesionais do sector da construción, sobre todo.
- A calidade e a profesionalidade no traballo.

Perfil dos promotores

Wenceslao Vidal é enxeñeiro técnico forestai.  A súa formación compleméntase cun máster de especialización en industria da madeira e diversos cursos de temática ambiental.

En canto a experiencia profesional traballou como encargado de produción nunha fábrica de portas.
A empresa conta con outro socio máis. Con menos de trinta anos crean a súa propia oficina técnica de proxectos forestais e relacionados co medio ambiente..

• Descargar datos da empresa

A idea

Juan Yáñez Moreira ( 1974 ) :  Eu estaba a traballar en Vigo, nunha empresa do sector automobilístico. A idea xurdiume unha mañá e foi motivada pola miña vontade de progresar profesionalmente. Déime conta de que coñecía ben o mercado, tíña experiencia no sector e decidin que me independizaría e faría o que sabía facer, por conta propia.

Trátase dunha empresa que ofrece servizos de pintura e reformas.

Claves do éxito

- Tentar facer o noso traballo o mellor posíbel. Traballar ben e non enganar ao cliente
- Calidade no servizo. Tratar ben ao cliente e conseguir a súa satisfacción para fidelizalo.
- Tratar moi ben aos empregados, tanto a nivel retributivo como a nivel persoal. Iso fai que todos traballemos máis cómodos e que todos asumamos responsabilidades e nos impliquemos cos obxectivos da empresa.
- Aínda que a mellor publicidade é o boca-ouvido, anunciarnos para que a xente nos coñeza.

Perfil dos promotores

Juan Yáñez  aporta formación profesional de grao superior en electricidade. Ademais traballou durante anos co seu pai, que ten unha empresa similar desde fai 40 anos.
A empresa conta con outro socio máis.
Con dezanove e vinte anos respectivamente, montaron a súa empresa de reformas e rehabilitacións.

• Descargar datos da empresa

A idea

Francisco Manuel García Vázquez ( 1964 )  :  O meu socio e mais eu traballabamos xuntos nunha empresa do sector. El era encargado e eu funme a outra firma. Finalmente volvemos coincidir na outra empresa e pensamos que podiamos formar un bo equipo. O proxecto xa o tiñamos medurado, a idea foi produto da experiencia e a observación de demandas insatisfeitas no noso mercado. Desenvolvimos  o noso proxecto pouco a pouco.

Dedicámonos a facer instalacións eléctricas industriais.

Claves do éxito

Unha das claves consiste en anticiparnos ao mercado. Dedicamos esforzo á observación para prever a dirección do mercado e desenvolver o que nos van demandar. Desta forma mantémonos sempre preparados e reaccionamos a tempo ante as novas necesidades do mercado.

Tamén foron fundamentales os  contactos con clientes moi importantes, que foron quen nos induciron a alcanzar este tamaño. Nos comezamos ofreciendo os nosos servicios  a este tipo de clientes, e en particular, foi a promoción dun parque eólico o que nos impulsou e levounos a especializarnos en liñas de alta tensión. Por suposto, a calidade é fundamental. Cumprimos sempre cos nosos clientes de forma que nunca lles defraudamos e mesmo lles damos máis do que esperan. Unido a este aspecto, outra clave importante é ter conseguido un 0% de impagados.

Por último, considero importantísima a motivación do noso persoal. Tratamos de conseguir boas condicións no traballo, a nivel de condicións laborais e salariais, e un bo ambiente, tanto no plano profesional como no persoal. Desta forma todo o persoal séntese implicado nos asuntos da empresa e todos traballamos coa máxima profesionalidade.

Perfil dos promotores

Fco. Manuel García é Mestre Industrial e técnico especialista en electricidade. Aporta experiencia profesional en empresas do sector e hai 11 anos que é empresario. A empresa conta con outro socio máis.
Crearon a súa empresa de instalacións eléctricas cando tiñan respectivamente vintesete e corenta e catro anos.

• Descargar datos da empresa

A idea

Sergio López Casado ( 1962 ) :  A miña familia tiña un bar e unha tenda. Cando acabei o colexio, o meu pai levaba o mantemento da traída de augas en Tebra. Eu comecei a facer as reparacións da traída porque me gustaba a fontanería, e pouco a pouco, os veciños comezaron a chamarme para facer pequenas instalacións de fontanería.

Dinme conta de que se abría unha oportunidade xa que na zona non existía ningún instalador. Desta forma, aos 18 anos, comecei a formarme no tema, de forma autodidacta, e continuei traballando, ao principio en pequenas instalacións como cociñas e baños e entón obtiven as tres titulacións de instalador (que na actualidade constitúen unha esixencia para desenvolver a actividade).

Claves do éxito

- Unha das claves do éxito é non deixar nunca de aprender, ser moi observador, analizar o que hai no mercado e  tirar conclusións. Aprendo da miña relazón diaria cos clientes, cos provedores, coas visitas a feiras internacionais, con todo.
- Tratar de mellorar constantemente, de progresar profesionalmente e estar actualizado.
- Traballar en calidade.
- Innovar: leo cousas novas, probo e procuro innovar sempre, a non ser que a innovación non sexa adaptábel ás circunstancias.

Perfil dos promotores

O promotor posúe estudios de formación profesional en Electricidade. É ademais instalador de calefacción, fontanería  e electricidade e aporta 23 anos de experiencia previa nestes sectores.
Ademais, é unha persoa moi emprendedora que participa activamente en temas variados (presidente do equipo de fútbol "Cereixo", APA de Tomiño, tesoureiro da asociación de fontaneiros de Baixo Miño, etc.).

• Descargar datos da empresa

A idea

José Luis Ferreiro Pedreira ( 1974 ) :  Sempre quixemos ter algo propio. Descobres no propio mercado o descontento dos clientes, principalmente pola falta de seriedade nos prazos.
Nunha obra traballan xuntos moitos gremios. A demora nunha fase comporta un cerco de atrasos que, en ocasiones supoñen moito tempo e perdas económicas.
Despois de catorce anos de experiencia traballando por conta allea, descubrimos un oco no mercado e pensamos: “agora ou nunca”.

Claves do éxito

A nosa filosofía é sumar sempre, ofrecer valor engadido e superar as expectativas. Corre mais mala prensa que a boa, por iso non nos permitimos erros.A subvención do IGAPE que temos aprobada (aínda non a recibimos), anímanos a seguir investindo nos mellores profesionais e nas ferramentas axeitadas para que desempeñen o seu labor. Sempre poñendo o obxectivo de cumprimento de prazos por riba da expectativa de beneficios.

Temos unha vocación claramente expansionista, aínda que é certo que cada paso que damos, supón unha fase previa de reflexión concienciuda, porque consideramos fundamental avanzar con certeza, sobre piares sólidos.Por outra parte, os dous socios complementámonos moi ben, cubrindo entre os dous as dúas facetas da empresa: a técnica e a económica.

Perfil dos promotores

José Luis Ferreiro é Enxeñeiro Técnico Industrial, especialidade Electricidade – Electrónica. Con 3 anos de experiencia no sector dos sistemas de seguridade e contraincendios.
A empresa conta con outro socio máis.

• Descargar datos da empresa

A idea

Víctor Sixto Sanjosé ( 1970 ) :  A outra socia era profesora de música e decatouse que a escola na que traballaba presentaba certas limitacións. Por unha banda, na escola Yamaha se imparte ensino musical nun solo estilo (clásica) e para un solo instrumento (piano). Por outra banda, esta escola utiliza un método creado e adaptado para un entorno moi particular (Xapón), que pode non ser tan apropiado para o noso caso (mentalidade diferente, distinta metodoloxía didáctica, …)

Na escola de música A Vaca temos unha visión máis global do que se entende por ensino musical, e se imparten unha inmensa variedade de instrumentos e estilos (clásica, folk, pop, rock, jazz, …).

Ademais, detectamos unha necesidade que non estaba satisfeita: estudiar música por afección, dentro dun programa de ensino non regrado. Satisfacemos a demanda daquelas persoas que son afeccionadas á música e desexan aprender a tocar un instrumento pero non desexan facelo de forma profesional. Tamén respondemos ás necesidades daquelas persoas que non teñen acceso a programas de ensino regrado por ter unha idade superior á máxima permitida nun conservatorio.

Claves do éxito

Vaca ofrece unha selección moi ampla de instrumentos e estilos.
- Utilización das últimas tecnoloxías (a informática ao servicio da música, …)
- Aulas que combinan moitos instrumentos e estilos.
- Sistema de marketing e publicidade moi coidado.
- Coidamos moito a selección do profesorado.

Non nos guiamos por criterios como titulación ou estudios senón que contrastamos a valía profesional e a relevancia no mundo da música, o cal atrae a moitos alumnos. Por exemplo, temos contratada unha mezzosoprano de recoñecido prestixio no mundo da música, a un gaiteiro do ballet Rei de Viana e a un integrante do grupo folk Berrogüeto.

Perfil dos promotores

O promotor  Victor Sixto é licenciado en empresariais, profesor e empresario (posúe unha empresa consultora e un café en Ferrol).
A empresa conta cunha socia máis.

• Descargar datos da empresa

A idea

María Teresa Gómez Senra ( 1966 ) :  A idea xurdiume no verán de 1997. Tras varios anos de ensino, impartindo cursos a nivel particular, decidín formalizar a miña situación laboral.

Claves do éxito

Unha das claves máis importantes é a constancia. Este traballo require unha grande paciencia e constancia porque o seu desenvolvemento é lento.

Perfil dos promotores

María Teresa é licenciada en Filoloxía Inglesa e E.O.I. Aporta ademais experiencia profesional de seis anos como profesora de inglés en academias e clases particulares.
Aos trinta anos crea a súa propia academia de ensino.

• Descargar datos da empresa

A idea

Ángel Vilches Vilches ( 1954 ) :  Sempre estiven relacionado co mundo da literatura, coñezo autores, fornecedores ...

Pero sobre toda, foi a miña experiencia anterior o que me levou a montar a miña propia empresa. Neste sentido, poderíase dicir que "EDICIONES PENTA" non é máis que unha continuidade da miña experiencia anterior.

Claves do éxito

Creo que podo atribuír o éxito do meu negocio á capacidade persoal no sentido de que teño unha boa relación cos meus clientes, fornecedores e autores. Desta forma conseguín desenvolver unha boa capacidade negociadora con fornecedores e clientes.Grande parte do éxito é unha cuestión de teimosía; no negocio da editorial "o que aguanta é o que gaña".

Perfil dos promotores

Arquitecto e deseñador gráfico
 Desde 1995 traballa no sector da dirección editorial..

• Descargar datos da empresa

A idea

Ana Mª García Carnero ( 1967 ) :  As tres promotoras coñecémonos nunha escola taller, na que traballábamos como titora, administrativa e conserxe. As tres compartíamos ideas e traballáramos pola nosa conta presentando proxectos alternativos para o mundo da educación infantil. Presentamos conxuntamente un proxecto para crear unha escola infantil municipal, pero por problemas políticos nunca chegou a aprobarse. Decidimos entón crear un centro privado e desexamos articular, en canto nos sexa posible, un sistema de bolsas para que calquera neno poda acudir a esta escola, se ben os nosos prezos son bastante asequibles.

Nun principio pensamos crear un centro de educación infantil (o que tradicionalmente se denomina gardería), sen embargo estábamos en desacordo respecto das directrices en educación infantil. Para nós, trátase dunha etapa de vital importancia para o desenvolvemento da persoa a nivel emocional, físico, persoal e psicolóxico

Claves do éxito

Ser como somos e amar o que facemos. Ter moi claro o proxecto (un proxecto alternativo para o mundo da educación infantil) e crer nel. Iso nótase e dá confianza.

Perfil dos promotores

Ana Mª García é pedagoga e aporta unha experiencia profesional de 12 anos con nenos.
A empresa conta con dúas socias máis.

• Descargar datos da empresa

A idea

Roberto López Veiga ( 1964 ), Francisco Fraga Vila ( 1954 ), Pilar López López ( 1964 ), Clara Blanco García ( 1960 )  :  Éramos profesionais do ensino e quedamos sen traballo. Decidimos pois poñer en marcha un centro cun concepto propio do que debe ser o ensino.

Claves do éxito

- A experiencia educativa que nos permitiu ofertar este servizo.
- As axudas prestadas polo viveiro de empresas da Fundación CEL en Lugo.
- Unha nova orientación da educación, unha oferta educativa que favorece o desenvolvemento integral dos alumnos.
- Unha ubicación excepcional (unha carballeira no centro de Lugo).

Perfil dos promotores

O promotor Francisco Fraga Vila ten estudios relacionados coa impartición de formación.
A empresa conta con tres socios máis.

• Descargar datos da empresa

A idea

José Rando Romero ( 1965 ) :  A idea xurdiume a partir dun proxecto de investigación sobre bases de datos documentais en prensa. Durante anos, os promotores tivemos moi claro o que queriamos facer e decidimos traballar na planificación da iniciativa dende moito antes do comezo da actividade. Debido ás dificultades que xurdiron na posta en marcha do proxecto, non puidemos desenvolver a nosa idea ata 1995.

Claves do éxito

- Ter bos prototipos das ideas para poder presentar ao mercado
- Ter capacidade para transmitir ao cliente o valor engadido que lle estás a ofrecer. Isto resulta fundamental posto que se trata dun “intanxíbel". Ademais o sector desprestixiouse e é importante transmitir confianza e seriedade.
- En relación coa clave anterior, a boa comunicación. Ter unha mensaxe moi clara e formar aos clientes ata que perciban que o que se lle ofrece implica un importante valor engadido para a empresa, que se traducirá en beneficio económico. Isto resulta fundamental porque existe un déficit importante de formación neste campo e é necesario que o empresario comprenda a necesidade que se vai satisfacer e o valor engadido que suporá o que lle ofrecemos.
- Un coñecemento profundo do sector.

Perfil dos promotores

Nun principio foron dous os promotores do proxecto: Jorge Barreras, Enx. Electrónico, e José Rando, periodista. Ambos socios tiñan, no ano 1995, trinta anos de idade, e creron dende o principio que o futuro estaba na rede. José traballara en cooperación internacional e en gabinetes de comunicación de institucións públicas, mentres que Jorge traballou como profesor na Universidade. 

Posteriormente, en 1997, Jorge se desvincula da sociedade e marcha ós Estados Unidos para traballar nunha multinacional do sector das telecomunicacións. José, na actualidade administrador único da sociedade, segue traballando polo desenvolvemento do proxecto inicial ó tempo que promove o proxecto do Centro de Teleservicios de Galicia, edificio construído en 2002 no Parque Tecnolóxico de Galicia, en Ourense. O Cetega é un edificio de oficinas dirixido a emprendedores que traballan no sector das novas tecnoloxías.

• Descargar datos da empresa

A idea

Rafael Sexto Alende ( 1970 ) :  A idea xurdiu do meu socio. Lendo un periódico enb Londres , observou varios anuncios de persoas que se ofrecían para dar cursos á carta (o alumno escollía o lugar, horario e duración que mellor lle conviñese).
Ambos traballábamos na empresa privada, mais sempre tivemos inquedanzas emprendedoras e queríamos desenvolver un proxecto empresarial de forma conxunta.

Polo menos en Santiago, fomos os pioneiros na formación “á carta”. Na actualidade, existen outras academias que incorporaron este método. E a nivel España, atopámonos na Feria de Valencia unha franquía que non existía cando nosos xa implantáramos este sistema.

Claves do éxito

Cremos que a clave fundamental foi a innovación, o introducir no mercado un novo concepto de ensinanza que achega polo demais un importante valor engadido e satisfai unha demanda que estaba latente.Outra das claves é o entusiasmo e as ganas que todo o equipo pomos no noso traballo diario para manter o negocio.

Perfil dos promotores

Rafael Soto é diplomado en Relaciones Laborais. Achega experiencia profesional no ramo da administración durante varios anos..

• Descargar datos da empresa

A idea

María EstévezForneiro ( 1979 ) :  A idea para o desenvolvemento da proposta empresarial xorde dende o traballo investigador realizado en colaboración cos departamentos de Microbioloxía e Parasitología e Farmacología da Universidade de Santiago de Compostela.

Deste desenvolvemento investigador obtéñense resultados que poden ser explotables industrialmente, nun nicho de mercado que carece de solucións innovadoras que permitan ofrecer produtos altamente tecnolóxicos.

Ademais, identifiquei elementos favorables do contorno para a posta en marcha desta idea:

- Un mercado en crecente aumento (cada vez, un maior número de clientes sométense a operacións de cirurxía estética)
- Unha maior “especialización” no sector, debido a requirimentos das pacientes
- Un crecemento do sector poboacional con elevado poder adquisitivo
- Un aumento do gasto en produtos para a mellora do aspecto físico
- Un aumento da preocupación polo aspecto físico, tanto en homes como en mulleres
- É un sector en ampla expansión, dentro e fóra de España

Claves do éxito

Creo que as claves fundamentais son as seguintes:

- Novidade Tecnolóxica.
- Posibilidade de entrada no mercado.
- Debilidade da competencia

En canto a características innovadoras, a utilización de células propias cultivadas para retirar as engurras da pel, cicatrices e marcas de acne, é unha técnica moi esperada polos cirurxiáns posto que ten todas as vantaxes competitivas fronte aos métodos tradicionais existentes, e son as seguintes:

- A inxección non produce rexeitamento
- É natural. Son células propias
- Mantén a expresión da cara
- Ten maior duración que os métodos da competencia
- As células gárdanse conxeladas para inxeccións futuras

Perfil dos promotores

A promotora é Licenciada en Bioloxía, Máster en Enxeñería Biotecnológica e doutorando coa tese "A Protección Xurídica das Patentes Biotecnolóxicas".

Aporta ademais experiencia profesional en proxectos de I+D universitario e en contratos de I+D de especial relevancia con empresas desde a universidade. Ten un contrato de I+D en empresa privada sobre o desenvolvemento de péptidos cíclicos con actividade antibiofilm.

• Descargar datos da empresa

A idea

Javier Villanueva López ( 1976 ), Rafael Rivadulla Varela ( 1977 ) :  A idea xurdiu hai moitos anos. De feito, estabamos no instituto e xa nos queríamos dedicar á producción ecolóxica. En principio, a miña idea era producir, pero non tiñamos os terreos necesarios, así que nos decidimos a abrir unha asesoría para xestionar produccións ecolóxicas doutros propietarios.

Creemos neste tipo de producción e ademais estamos convencidos da súa necesidade. Aquí estamos sometidos a unha presión moi forte dos productos doutros países con custos de producción máis baixos.

Claves do éxito

A clave fundamental é unha boa xestión. Cando nos ofrecen un proxecto, tentamos conseguir que a explotación sexa rendible xestionándoa dunha forma integral: asesoramento técnico, administrativo, contable, etc.

O valor engadido que ofrecemos é moi elevado.A dificultade é dar a coñecer este valor engadido e convencer de que realmente sabemos cómo conseguilo.

Perfil dos promotores

Os promotores son enxeñeiros técnicos agrícolas e aportan experiencia profesional en deseño de planos e realización de informes de instalacións e explotacións agrícolas.

• Descargar datos da empresa

A idea

Natalia Cerviño Requeijo ( 1976 ) :  Levaba algún tempo traballando en prácticas en despachos de avogados e non me convencía. Comecei sentir ganas de independizarme e un compañeiro meu acababa de montar unha empresa e estaba no viveiro de empresas da Cámara de Comercio de Vigo.

Decidinme a desenvolver o proxecto e puxen en marcha o meu despacho. Ao principio traballei soa e, máis tarde, asocieime cunha compañeira e posteriormente con dous compañeiros máis. En todo caso, traballamos de forma totalmente autónoma; cada un ten os seus clientes.

Creo que para o caso dun avogado que queira exercer a súa profesión, a saída máis interesante é ter un despacho propio. É máis difícil e máis escravo que o traballo por conta allea, pero tamén é moito máis gratificante.

Claves do éxito

Penso que a clave fundamental é o trato aos clientes. Preocuparte polo caso que estás levando, chamarlles e manterlles informados sobre o desenvolvemento do mesmo e demostrarlles interese. Transmitirlles que tes a situación baixo control e, por suposto, estar dispoñible as 24 horas.Canto á aportación de elementos innovadores, en avogacía está todo inventado. A única fórmula de competir no mercado é prestar o mellor servizo posible e defender os casos o mellor que poidas.

En todo caso, trato de mellorar os meus sistemas de busca de clientes recorrendo a colectivos como por exemplo promotoras que necesitan xestionar comunidades de propietarios ou resolver cuestións legais da propia obra. Tamén oriento o meu labor comercial a asesorías de empresas que ofrecen servizos de xestión fiscal, laboral e contable.

Perfil dos promotores

A promotora é licenciada en Dereito pola Universidade de Salamanca e aporta experiencia profesional no Dpto. de Responsabilidade Patrimonial do Concello de Vigo, así como en varios despachos de avogados. Traballou ademais na asociación MADRO (Asociación de Nais en Defensa de Mozos Drogodependientes).

• Descargar datos da empresa

A idea

Inmaculada Arteta Torres ( 1972 ) :  Levaba algún tempo traballando en prácticas en despachos de avogados e non me convencía. Comecei sentir ganas de independizarme e un compañeiro meu acababa de montar unha empresa e estaba no viveiro de empresas da Cámara de Comercio de Vigo.

Decidinme a desenvolver o proxecto e puxen en marcha o meu despacho. Ao principio traballei soa e, máis tarde, asocieime cunha compañeira e posteriormente con dous compañeiros máis. En todo caso, traballamos de forma totalmente autónoma; cada un ten os seus clientes.

Claves do éxito

so que a clave fundamental é o trato aos clientes. Preocuparte polo caso que estás levando, chamarlles e manterlles informados sobre o desenvolvemento do mesmo e demostrarlles interese. Transmitirlles que tes a situación baixo control e, por suposto, estar dispoñible as 24 horas.

Canto á aportación de elementos innovadores, en avogacía está todo inventado. A única fórmula de competir no mercado é prestar o mellor servizo posible e defender os casos o mellor que poidas.

Perfil dos promotores

Non existe un patrón concreto. Os meus clientes son persoas ou empresas que teñen problemas legais. O perfil é inimaxinable; desde nenos a xente moi maior, inmigrantes, parellas, etc.

• Descargar datos da empresa

A idea

Purificación Rosales Couso ( 1963 ), Marta Díaz Fernández ( 1970 ) :  Durante un tempo, traballamos en empresas de restauración, e os tres démonos conta de que adoecían dun investimento inicial suficiente para garantir unha labor rigorosa en restauración.

Por iso pensamos que había mercado para unha empresa como BIC, e complementamos o sector da restauración con outras áreas de negocio para rendibilizar o forte investimento.

Claves do éxito

- Traballar de modo rigoroso.
- Bo trato aos clientes.
- Servizo rápido e atención personalizada.
- Colaboración con especialistas.
- Non escatimar en gastos e realizar o investimento necesario para desenvolver a actividade con rigor e profesionalidade.

Perfil dos promotores

Purificación Rosales é licenciada en Filosofía e diplomada en Restauración e Conservación, especialidade Pintura.
A empresa conta con dous socios mais.

• Descargar datos da empresa

A idea

Tomás González López ( 1971 ) :  A idea xurdiume a partir dunha experiencia profesional nunha empresa de Huesca que se dedicaba á fabricación de produtos químicos para gandería. Esta empresa baseaba o seu marketing de venda nos programas de bioseguridade. En Galicia non se prestaba importancia aínda a este aspecto, e cando se falaba de bioseguridade era máis ben polas esixencias de Sanidade que polo convencemento de que a prevención é a solución máis barata para tratar unha praga.

Identifiquei así unha oportunidade: a de implantar estes sistemas nas explotacións galegas, de facer comprender aos empresarios do sector a necesidade de implantar medidas de bioseguridade para cumprir coas normativas que esixen as empresas integradoras e, sobre todo, pola mellora da competitividade e os aforros que supón a prevención.

Claves do éxito

A clave principal é moitísimo traballo e esforzo.É fundamental ademais traballar cunha total profesionalidade, facer entender aos teus clientes o valor que ten o servizo que lle estás prestando.

En todo caso, a bioseguridade está cada día máis presente nos medios de comunicación e na lexislación que regula os mercados agroalimentarios. Polo tanto, a propia sinerxia do mercado e da lei van xerando a necesidade dos nosos servizos.

Perfil dos promotores

Tomás González é Licenciado en Ciencias Empresariais e aporta experiencia no sector bancario e nunha empresa do sector gandeiro. A empresa conta con outro socio máis.

• Descargar datos da empresa

A idea

Antón Insua López ( 1971 ) :  Todo comezou cando creamos a asociación Escola Cidadanía, desde a que comezamos a realizar traballos de investigación social, cursos, etc. destinados principalmente a entidades non lucrativas e a organismos públicos. Decidimos agruparnos nunha cooperativa a medida que o volume de traballo comezou a incrementarse.

Claves do éxito

A clave do éxito nesta actividade radica na calidade dos servizos realizados, que aparella a consecuente satisfacción do cliente.

Para obter a calidade desexada, consideramos fundamental que os nosos traballadores se atopen motivados na realización do seu traballo.

Perfil dos promotores

Antón Insua é licenciado en CC Económicas pola USC. A empresa conta con 8  socios máis, a maioría profesionais das Ciencias Sociais.

• Descargar datos da empresa

A idea

Pablo Lage Sanjurjo ( 1984 ), Manuel Pallín Castro ( 1979 ), Marcos Pereira Lozano ( 1981 )  :  APablo estaba terminando os seus estudos, Marcos preparaba oposicións e eu acababa de terminar un curso de Photoshop. Tiña ganas de poñer en marcha o proxecto da marca de roupa, que levaba madurando moito tempo, e propuxen desenvolver este proxecto de negocio. As diferentes liñas da nosa empresa xurdiron de forma natural.

No fondo levabamos en mente desenvolver todas estas actividades que están vinculadas entre si: a marca de roupa, a estética do graffiti no que tiñamos moitos anos de experiencia e o campo da produción audiovisual.

Claves do éxito

Constancia e orixinalidade. Somos mozos creativos que pertencemos a diferentes ámbitos e estivemos ideando e traballando durante moito tempo ata chegar a materializar a nosa afección nunha empresa viable.Innovación ao proxectar unha idea e ao ser pioneiros en orientar ao mercado este concepto artístico.

Perfil dos promotores

Pablo Lage é Técnico Superior de Realización de TV e Técnico Superior de Producción Audiovisual de Espectáculos.
Manuel Pallín estudou Artes Aplicadas e é Técnico Superior de Realización de TV. Aporta ademais experiencia profesional en creación de imaxes corporativas e marcas de roupa.
Marcos Pereira é Ldo. en Empresariais e traballou como asesor laboral.
Os tres promotores son graffiteiros e a súa afección uniulles para desenvolver este proxecto empresarial.

• Descargar datos da empresa

A idea

César González Sánchez ( 1979 )  :  A través da miña experiencia profesional, tiven relación con diferentes sectores empresariais. En todos os casos percibín un cambio de mentalidade que se materializaba nunha incipiente valoración dos sistemas de comunicación e da responsabilidade social corporativa na organización como motor da competitividade.

Claves do éxito

Principalmente, creo que se debe ao feito de ofertar un servizo, cubrir unha necesidade real que as empresas estaban demandando. De feito, temos un grao de fidelización cos nosos clientes do 100%.Outro factor de éxito é ter unha auténtica vocación de servizo. A profesionalidade é fundamental. E a colaboración dun bo equipo de freelancers.

Perfil dos promotores

César González é Licenciado en Administración e Dirección de Empresas, especialidade Marketing e Dirección de Pemes. É ademais Máster en Xestión e Produción Audiovisual e Máster en Asesoría en Comunicación Corporativa.

Aporta experiencia profesional en promoción inmobiliaria, industria agroalimentaria e produción vitivinícola. Foi ademais socio dunha empresa de produción audiovisual.

• Descargar datos da empresa

A idea

Manuel Míguez García ( 1977 )  :  Queríamos  aproveitar a nosa formación académica e aínda que é un campo bastante explotado (xestorías, asesorías...) non ten fortes barreiras de entrada, ademais é un campo moi amplo e con moitas posibilidades.

Temos moitos contactos con empresas que se crearon a través de CIMO.Contábamos cun punto forte que consistía na facilidade de acceso ao mercado.

Claves do éxito

- Continua actualización da información que manexamos.
- Ter unha base fixa e ampla de clientes e prestarlles moitos servizos, tratar de ofrecerlles un servizo integral xa que iso supón unha base de ingresos fixos máis outros puntuais.
- Control dos gastos fixos. Manter os gastos a un determinado nivel, na medida do posíbel, aínda que aumente o número de clientes.

Perfil dos promotores

Manuel é Diplomado en CC.Empresariais. Posúe 6 meses de experiencia como administrativo e 2 meses en Contabilidade. Ademais traballou un ano e medio na área de Autoemprego de CIMO.
A empresa conta ademáis con outro socio.

• Descargar datos da empresa

A idea

José Antonio Martínez Fernández ( )  :  DINOR nace coa idea clara de cubrir unha necesidade no mercado a nivel internacional. Como todos sabemos, en moitos países estanse implantando leis antitabaco que prohiben fumar en calquera establecemento público, incluso no entorno laboral.

Como exfumador de tres paquetes diarias, coñezo as dificultades e os problemas que afrontan as persoas que fuman, en especial baixo a influencia da nova normativa, e as barreiras que tanto dificultan o abandono deste hábito.

Claves do éxito

Penso que as chaves máis importantes do éxito son ter un proxecto viable e atopar os socios axeitados.

E por suposto, cubrir unha necesidade de mercado: a prohibición de fumar en lugares públicos e entornos laborais en virtude da nova normativa sanitaria. Trátase por outra parte dun mercado potencial inmenso.

Perfil dos promotores

José Antonio Martínez aporta oito anos de experiencia como deseñador industrial e un perfil eminentemente creativo.

• Descargar datos da empresa

A idea

Sonia Gándara Vieitez ( 1972 )  :  Observei que existía unha grande demanda deste tipo de servizos e unha carencia de departamentos de deseño de maquinaria en empresas do sector do automóbil na provincia de Pontevedra.

Claves do éxito

- O coñecemento dos procesos de produción
- A redución dos prazos de entrega e a mellora continua dos medios de produción.
- A formación continua
- A aposta por un crecemento medido e sostido.

Perfil dos promotores

Sonia Gándara, que é promotora do proxecto (aínda que non socia) é diplomada en Empresariais e non tiña experiencia en xestión de empresas.
A empresa conta con outro socio máis.
Crearon a súa empresa cando tiñan respectivamente vinteoito e vintesete anos.

• Descargar datos da empresa

A idea

David González Sánchez ( 1975 )  :  O primeiro traballo da produtora foi a produción da curtametraxe Munfeld, rodado en 35mm. en Madrid. A produción circulou por diferentes festivais e mercados, o máis relevante o Festival de Cine de Cannes (Francia) e realizáronse vendas.

A iniciativa animoume a continuar coa empresa e aplicar os meus coñecementos e experiencia a un proxecto empresarial. Un ano despois da súa creación, por decisión persoal decidín volver a Galicia para, no 2005, continuar coa produtora desde Ourense.

Claves do éxito

Creo que unha das claves do éxito foi a diversificación da actividade. Doutra banda, o empeño constante en interrelacionarme con empresas, colaboradores e clientes en Santiago e Coruña.

Un elemento innovador é que, dentro da busca de novos métodos de marketing e publicidade, a produtora realiza campañas multimedia a través de Bluetooth.

Perfil dos promotores

O promotor é licenciado en Comunicación Audiovisual pola Universidade Europea de Madrid. Os seus primeiros traballos foron en Madrid para produtoras. En Galicia traballou como realizador freeland.

• Descargar datos da empresa

A idea

María Bustabad Álvarez ( 1977 ), Salomé Fernández Vila ( 1976 )   :  Tiñamos esta idea dende a carreira, onde nos coñecemos. Pasou o tempo e perdemos o contacto, ata que unha amiga común se decatou de que seguiamos tendo unha visión similar e un interese común.

Utilizamos a nosa experiencia e a observación para coñecer mellor o funcionamento deste tipo de empresas e lle demos forma ao noso proxecto. Paralelamente fixen un curso de 400 horas na EOI sobre creación de empresas no que o proxecto se foi perfilando cada vez máis.

Claves do éxito

Creemos que a clave é ter moi claro que te gusta a túa idea e que vai funcionar. E por suposto, unha formación axeitada e un coñecemento profundo do sector. Neste sentido é importante contar non só coa formación técnica senón tamén coa empresarial.

En canto a elementos innovadores, aínda que o sector é relativamente novo, os sistemas de calidade e seguridade alimentaria xa existían e estaban xeralizados. O problema era que non se estaban implementando ben porque non estaban deseñados e adaptados a cada empresa.

Perfil dos promotores

Salomé Fernández é licenciada en Bioloxía e María Bustabad é licenciada en Ciencia e Tecnoloxía dos Alimentos e especializada en industrias alimentarias. Aportan ademais experiencia en departamentos de calidade de empresas do sector alimentario e consultoría externa de empresas do sector.

• Descargar datos da empresa

A idea

Manuel Avelino EirinRodríguez ( 1953 )  :  A idea xurdiu porque identificamos unha necesidade de crear infraestruturas auto sostíbeis enerxeticamente e respectuosas co medioambiente.

Claves do éxito

Creemos que unha das claves é termos fixado uns obxectivos que concordan coa demanda do mercado.

Tamén resulta fundamental buscar apoios e ser moi tenaz na consecución das metas.E canto a elementos innovadores, consideramos os seguintes:
- O propio produto: trátase dun produto inexistente no noso contorno xeográfico.
- O proceso de produción: damos cobertura á demanda de equipos autónomos substitutivos dos clásicos grupos electróxenos.

Perfil dos promotores

Manuel Avelino Eirin é Enxeñeiro de Camiños, Canles e Portos e Diplomado en Empresariais. É ademais xerente de Fleming S.L. e Eire Proxectos e Montaxes S.L. A empresa conta con outro socio máis.

• Descargar datos da empresa

A idea

Mercedes Tasende Rojo ( 1959 )   :  A idea xurdiume a partir dun problema familiar que nos fixo ver que a gama de enfermidades relacionadas con demencia senil, Alzheimer e cancro ten por desgracia moi pouca cobertura a nivel de axuda psicolóxica.

Fora ADL do concello de Porriño, e os técnicos da Mancomunidade de Vigo me comentaron que estaba previsto o inicio dun Seminario de Planificación Empresarial no que podería contrastar a viabilidade do meu proxecto.

Claves do éxito

Trátase dunha idea innovadora que dá resposta a unha necesidade non satisfeita. Sobre todo, existía mercado para este servizo.

En canto á estratexia comercial para captar clientes, non tiven que gastar nada en publicidade, senón que os meus  pacientes chegaron sempre a través do boca-ouvido.

Outra das claves é a diversificación: se ves que o teu terreo se queda pequeno, hai que complementalo con outros servizos (cheque asistencial, etc.).

Perfil dos promotores

Licenciada en Psicoloxía e Diplomada en Enfermería.Traballou en empresas de selección de persoal, no concello de Porriño como psicóloga, en alcaldía, en proxectos e escolas taller, etc.

• Descargar datos da empresa

A idea

María Cristina Díaz Sanz ( 1971 )   :  IDM Sistemas Energéticos, S.L. desenvolve a súa actividade principalmente dentro do sector das enerxías renovables, ademais de outras áreas de traballo; poñendo a disposición do cliente a oportunidade de levar a cabo, de forma integral.

En todos os proxectos, abarcamos dende o deseño, dirección de obra, subministro e montaxe, ata a posta en marcha e mantemento.

Claves do éxito

- Experiencia no sector: os dous socios traballamos impartindo cursos de enerxías renovables para o concello das Pontes de García Rodríguez (A Coruña), nos que se realizaron instalacións reais.
- Referencias: froito desta experiencia, conseguimos acadar un punto de referencia dentro do sector das enerxías renovables, o cal foi moi importante para darnos a coñecer.
- Calidade do noso servizo: é imprescindible.
- Clasificación da iniciativa empresarial como ILE. Na fase de implantación, foi moi importante para a empresa recibir axudas financeiras do concello de Lugo.
- Programa de iniciativas empresariais da Fundación CEL: a integración nos viveiros de empresa da fundación, o asesoramento dos técnicos e o seu apoio constantes, foron fundamentais no éxito do proxecto e na confianza en nós mesmos e na nosa iniciativa..

Perfil dos promotores

Mª Cristina Díaz é enxeñeira técnica industrial, especialidade electricidade. Aporta experiencia profesional en formación sobre electricidade e enerxías renovables e nunha empresa de equipos de iluminación, realizando traballos de prescrición de productos en enxeñerías e arquitecturas. A empresa conta con outro socio máis.

• Descargar datos da empresa

A idea

Lucía Novelle Varela ( 1976 ), Alfredo Fernández Pérez ( 1978 )  :  Traballabamos nunha empresa de enerxías renovables en xeral e queriamos especializarnos en enerxía xeotérmica. A enerxía solar é relativamente sinxela. Tanto os cálculos como as instalacións carecen de complexidade. Pero o caso da enerxía xeotérmica é diferente, e para traballar neste sector necesitas formación e experiencia específicas.

Nós tiñamos formación e experiencia e moitas ganas de desenvolver un proxecto propio.

Claves do éxito

A pesar de que o sector da construción está en claro retroceso, o mercado das enerxías renovables está experimentando unha importante expansión. Cremos que a clave está nunha enorme capacidade de traballo e de sacrificio. Ademais resulta fundamental enfocarse moito na labor comercial, sobre todo ao principio, para tecer unha carteira de clientes sólida. Fundamentalmente analizamos o mercado, identificamos as empresas que máis nos interesan en España e concertamos visitas para darnos a coñecer e ofrecerlles os nosos servizos.

Perfil dos promotores

Lucía Novelle é Enxeñeira de Minas e traballou nos sectores agroalimentario e nunha enxeñería de enerxías renovables.

Alfredo Fernández é Enxeñeiro de Montes. Achega tamén experiencia nunha enxeñería de enerxías renovables, así coma nun concello, nun gabinete de enxeñería e no sector naval.

• Descargar datos da empresa

A idea

Juan Méndez Dónega ( 1963 )  :  A idea xurdiu traballando na Aula de produtos Lácteos. Durante anos, desenvolvemos proxectos na área do queixo – crema e investigamos sobre os fosfolípidos do leite. O mercado do queixo – crema é moi complexo e está dominado en España por tres fábricas, multinacionais do sector alimentario: Kraft, Arias-San Millán (que pertencen ao grupo Bon Grain), e René Picquot. Pero démonos conta de que tiñamos unha vantaxe competitiva con respecto á oferta da competencia, e desenvolvemos un proxecto de viabilidade.

Claves do éxito

Consideramos que as únicas claves son a innovación e o traballo.Trátase dun produto tecnoloxicamente complexo pero sobre o que desenvolvemos innovacións técnicas. Basicamente, innovamos no sistema de desverado da mazada e no tipo de materias primas que utilizamos.

Traballamos cunha parte do leite que, pola súa composición, achega calidades nutricionales e funcionais ao produto, como os fosfolípidos, o que lle confire un maior valor engadido respecto dos produtos da competencia. Os fosfolípidos, entre outras calidades, axudan a reducir a absorción do colesterol.

Perfil dos promotores

Juan Méndez é profesor universitario no dpto. de Industrias Lácteas e Enxeñeiro Técnico Agrícola. É ademáis o director da Aula de Productos Lácteos e aporta experiencia profesional na industria. A empresa conta con dous socios máis.

• Descargar datos da empresa

A idea

Roberto Carlos Rodríguez Sueiro ( 1975 ) :  A idea xorde a partir dos estudos universitarios. Tivemos contactos con xente que traballaba na xestión do patrimonio cultural e por aí xurdiron as nosas primeiras experiencias laborais. En pouco tempo, vimos a oportunidade de constituírnos en empresa independente.

Co tempo, fomos dirixindonos ao campo do turismo, por ser un dos medios máis importantes de relación entre o patrimonio e as persoas. Isto supuxo incorporar novos coñecementos e ferramentas de traballo: xestión económica e análise de viabilidade, estudos de mercado, creación de produto, etc. Así, ITC.Ménsula converteuse nunha consultora especialista na xestión de destinos turísticos emerxentes.

Claves do éxito

A clave do éxito da empresa foi comprender as múltiples variables que configuran a viabilidade dun investimento turístico. Son moitos os condicionantes que ten cada territorio para saír adiante (recursos turísticos, capacidade de xestión, posibilidades financeiras) e tamén as imposicións dos mercados. A creatividade e pragmatismo das propostas son, pois fundamentais. Tamén a capacidade de abordar todo o proceso turístico e de dar resposta en todos os momentos do mesmo (planificación, financiamento, implantación, xestión, etc.) son unha marca diferencial.

Perfil dos promotores

Os promotores, Roberto Sueiro e Sebastián Valverde, estudaron a carreira de Historia en Ourense. Tomaron a opción de crear unha empresa por ser a única opción entón viable para desenvolver as súas ideas en Galicia. Non cumpría unha gran capital, pero empezar con pouco significou ter que avanzar amodo, en función de como evolucionaba a capacidade de financiamento.
 

A combinación de capacidades de ambos os dous foi importante para crear e manter o proxecto no tempo. Creatividade, planificación, sistematización do traballo e habilidades comerciais son claves no día a día.

• Descargar datos da empresa

A idea

Ángel Ignacio Martínez Mastrotta ( 1966 ) :  A idea xurdiume pola miña afección ao parapente. Detectei a necesidade deste produto e comecei a facer por encargo este tipo de aparellos intercomunicadores, ata que chegou un punto en que a demanda era demasiado grande e foi entón cando pensei na viabilidade de desenvolver este proxecto empresarial.

Claves do éxito

Moito traballo para conseguir un produto que superase aos que había no mercado. Un cliente busca normalmente, dentro dun prezo razoábel, o produto máis sofisticado e de maior calidade. Para conseguir manterse á cabeza, é imprescindíbel actualizarse, desenvolver novas ideas, aplicar melloras ao teu produto e controlar o custo para que o resultado non se encareza demasiado.

Outra das claves é o deseño.Desde unha perspectiva máis persoal, considero que resulta fundamental crer no teu produto, estar seguro de que é  bo, e todo iso sen perder de vista o mercado. Hai que estudalo e comprobar que efectivamente o produto cubre unha necesidade e gusta.

Perfil dos promotores

Ignacio Martínez posúe estudios de informática e electrónica. Traballou como informático durante 15 anos, ademais de desenvolver outro tipo de traballos.

É afeccionado ao voo en parapente, e foi a súa afección o que lle levou a desenvolver o seu proxecto empresarial. Aos seus trinta e cinco anos decide formalizar a súa afección e levala ao mundo da empresa..

• Descargar datos da empresa

A idea

Juan Carlos Redondo Cores ( 1977 ) :  A idea xurdiume a raíz dun master en prevención de riscos laborais.  Creo que tamén influíu o feito de que levo toda a vida vinculado ao mundo da construcción e identifiquei unha necesidade e unha demanda. É curioso con todo que o sector da construcción supón para nós un perfil minoritario de cliente, a maioría proceden da industria en xeral.

Trátase dunha empresa especializada en seguridade laboral. Vendemos equipos de seguridade laboral, hixiene industrial e vestiario de traballo.

Claves do éxito

A seriedade, que nos leva a gañar credibilidade. Que o cliente confíe na firma considéroo o meu éxito.Ser rigorosos, seguir sempre unha liña de crecemento pero moi a modo, de forma humilde e coa seguridade de poder acometer coa máxima calidade cada un dos nosos proxectos.

Perfil dos promotores

Juan Carlos Redondo é Licenciado en Ciencias Empresariais e Master en Prevención de Riscos Laborais. Aporta ademais experiencia profesional en varios sectores, principalmente en banca, no sector da construcción, na universidade e nunha asesoría.

• Descargar datos da empresa

A idea

Andrés Bonilla Rodríguez ( 1962 ) :  Empezamos como unha sección dedicada á arqueoloxía dunha empresa de marketing. Aos catro anos de actividade, en 1998, a actividade arqueolóxica experimenta un crecemento xa que se pon en marcha unha nova lexislación en materia de promocións inmobiliarias en relación á conservación do patrimonio. Iso permítenos crear a nosa propia empresa. A incorporación na lexislación de cautelas para os promotores abriu un mercado en España e, en particular, en Galicia. Empezáronse a recibir de forma recorrente solicitudes de promotores que levaron a moitos arqueólogos (ata ese momento, case todos en paro ou bolseiros na universidade) a constituírse como autónomos ou a crear microempresas. Pódese dicir que asistimos ao nacemento dun novo mercado.

Claves do éxito

Sobre todo, a calidade no traballo, aínda que tamén é certo que no noso mercado, a calidade non se percibe facilmente como unha plusvalía. O cliente, o único que quere é cumprir unha cautela, unha obriga que lle vén imposta, polo que o único que lle importa é pagar un prezo o máis baixo posible polo servizo. De feito, isto é algo do que se aproveitan algunhas empresas e que está prexudicando gravemente ao sector. A práctica de tirar os prezos a costa de reducir gastos, subcontratar traballos en prácticas, etc. está devaluando o sector e é algo que o groso das empresas tratamos de evitar.

Perfil dos promotores

Andrés Bonilla é arqueólogo. Aporta experiencia profesional como persoal investigador da Universidade de Santiago de Compostela.

• Descargar datos da empresa

A idea

Diego González Regueira ( 1980 ):  Os socios coñecémonos porque xogabamos ao baloncesto. Eu sempre quixen ter a miña propia empresa. Un día comenteillo o que é agóra un dos meus socios. El traballaba nunha empresa e eu aínda non terminara os meus estudos. Logo coñecemos o outro socio. Foi el quen finalmente nos animou a facer un plan de viabilidade. Foron xurdindo ideas, analizamos a competencia e buscamos servizos e recursos para emprendedores. Finalmente acollémonos ás axudas do viveiro da Cámara de Comercio de Ourense.

Claves do éxito

Consideramos que unha boa dose do éxito está na ilusión coa que creas unha empresa.Por outra parte, existe un Real Decreto de 1995 con regulación sobre seguridade alimentaria, pero non foi ata os anos 2001-2002 cando Sanidade comezou a esixir o cumprimento destas normas. Esta mudanza lexislativa desenvolveu moito este mercado nos últimos anos.

Percíbese ademais un incremento da importancia que os empresarios dan á normativa en materia de calidade e de medio ambiente, e iso reflíctese na demanda de normativa ISO, que se disparou nos últimos tempos.No que fai a elementos innovadores, proporcionamos por unha parte un servizo integral no ámbito da seguridade alimentaria, o que facilita aos nosos clientes o seu cumprimento.

Perfil dos promotores

Diego González ten formación en Enxeñería Técnica Agrícola, con especialización en Industria Agroalimentaria.
A empresa conta con dous socios máis.

• Descargar datos da empresa

A idea

Carlos Taibo Pombo ( 1972 ):  A miña familia  rexenta desde 1992  unha casa de turismo rural situada na Costa dá Morte; debido a isto, coñezo a gran demanda de aloxamentos de aluguer completo que existe. Coa nosa iniciativa, pretendemos suplir o oco existente no mercado.

Apoiados na nosa experiencia no sector turístico, creamos un portal de promoción turística dirixido a ofrecer aloxamento mediante o aluguer de inmobles completos, enfocado principalmente ao turismo rural e ao aluguer vacacional. O tipo de inmobles aquí ofertados conta con todas as comodidades que se poidan imaxinar: unha ampla gama de electrodomésticos, roupa de fogar, mobiliario de xardín, etc.

Claves do éxito

A maior parte do éxito obtido está na experiencia laboral previa dentro do sector turístico.Gran coñecemento do sector.

Perfil dos promotores

Carlos ten un master en Turismo Rural e aporta unha gran experiencia no sector turístico.
A empresa conta con outro socio máis.

• Descargar datos da empresa

A idea

Miguel CrendePardo ( 1974 ), David YáñezTella ( 1974 ):  Trátase dunha consultora especializada en calidade, medio ambiente e protección de datos.

Este servizo era prestado unicamente por empresas de Madrid e Barcelona. Non existía unha oferta deste tipo no noso contorno e detectamos ademais que o servizo que prestaban era moi custoso (basicamente debido á distancia entre a consultora e o cliente).

Claves do éxito

Cremos que a clave máis importante é o traballo personalizado e rigoroso, o trato próximo ao cliente e adaptado ás súas necesidades e unha grande dose de ilusión, constancia e perseveranza.Outra das claves do éxito ten que ver coa práctica ausencia de competencia. Tratábase dun servizo moi caro e prestado case exclusivamente por empresas de Madrid e Barcelona. Aínda que tamén é certo que o mercado é moito máis reducido no noso contorno, e que ao principio as empresas non estaban concienciadas respecto dos beneficios que lles podía reportar o noso servizo.

Por último, consideramos que a formación, a reciclaxe e o feito de se manter constantemente actualizados resulta fundamental no sector da consultoría. Nós destinamos grande parte dos nosos recursos a formarnos e mantermos actualizados.

Perfil dos promotores

David Yáñez é Enxeñeiro Técnico Industrial e Licenciado en Química. Master en PRL, Calidade e Medio Ambiente. Aporta ademáis experiencia de dous anos relacionada có sector do Medio Ambiente.

Miguel Crende é Enxeñeiro Técnico Agrícola e Master en Calidade e Medio Ambiente. Aporta experiencia profesional dun año nunha actividade non relacionada có sector.

• Descargar datos da empresa

A idea

Tirso Juncal Ríos ( 1969 ) :  Trátase dunha asesoría laboral, fiscal e contábel. A idea xurdiume por vocación familiar. Mentres estudiaba a carreira levaba as contabilidades da empresa dos meus pais e doutros familiares e amigos. Tiña ademais vocación empresarial e dado que tiña coñecementos no tema e que a miña muller traballara nunha asesoría, pensamos que podíamos emprender un negocio deste tipo pola nosa conta.

Primeiro implantamos o noso negocio como persoa física, despois creamos unha comunidade de bens para ter acceso a máis subvencións e finalmente, cando a empresa alcanzou unha dimensión adecuada, decidimos crear unha sociedade limitada.

Claves do éxito

Para min, a clave do éxito máis importante é a confianza nun mesmo. Antes de alcanzar unha situación consolidada, pásase por momentos moi duros e faise necesaria a confianza nun mesmo e no negocio, ademais dunha grande capacidade de traballo.

Perfil dos promotores

Tirso é licenciado en Empresariais.
A empresa conta con outro socio.
Cando tiñan vintesete anos, crearon unha asesoría laboral, fiscal e contable..

• Descargar datos da empresa

A idea

Alberto Monteagudo Rúa ( 1961 ) :  A nosa experiencia no campo do medio ambiente é  extensa, tanto profesionalmente como actuando desde ONGs.

Isto valeunos para aunar coñecementos en diferentes campos que contribuíron ao lanzamento da empresa e reforzaron os diferentes ámbitos de actuación da mesma.Os nosos contactos cos clientes potenciais e o público obxectivo da nosa empresa era axeitado; estes mesmos foran en moitas ocasións o cliente ou interlocutor por temas profesionais ou desde as ONGs.

Claves do éxito

1. Grupo humano cohesionado, capaz e moi motivado.
2. A idea empresarial, en canto ás características que reúne, o seu aspecto innovador en Galicia e a inexistencia,de momento, de empresas competidoras.
3. A creatividade no deseño e ilustración dos produtos que ofrecemos ao noso clientes. Pedro é o responsábel de facer as ilustracións que son dunha alta calidade.
4. Coñecemento do mercado europeo mediante subscricións a publicacións especializadas no sector e a excelente relación con colaboradores próximos necesarios para a execución dalgúns dos nosos traballos.

Perfil dos promotores

Alberto Monteagudo aporta formación en Económicas e Dereito respectivamente.
A empresa conta con tres socios máis..

• Descargar datos da empresa

A idea

Alexis Quesada Jiménez ( 1977 ) :  A idea xurdiume a raíz de toda a miña experiencia profesional e, en particular, no sector dos servizos sociais cando traballaba en Canarias. Alá detectei a oportunidade, percateime de que o mercado potencial era moi importante, cada vez máis persoas maiores necesitan que alguén coide deles. Sen embargo, xa desde o primeiro momento fun consciente de que ía a enfrontarme a un importante problema de mentalidade (a estas persoas cústalles admitir que necesitan ser coidadas por unha persoa allea á familia e que han de pagar por este servizo).

Claves do éxito

A calidade no servizo é clave  fundamental,  Teño unha certificación de calidade e ofrezo un trato exquisito aos meus clientes. Neste sentido, considero moi importante saber escoitar e entender á xente, ter psicoloxía e dar un trato humano.

En canto á publicidade, o método máis eficaz é o boca-ouvido. A experiencia dun cliente satisfeito é garantía de mantemento no mercado e de aparición de novos clientes.Por outra parte, os prezos impostos polos servizos que ofrezo son moi razoábeis (un coidador que traballa 8 horas de luns a venres ten un custe de  920 € aproximadamente).

Perfil dos promotores

Alexis é auxiliar de enfermería. Ademais presenta unha dilatadísima experiencia en diversas  actividades, a maior parte delas relacionadas co sector dos servizos sociais. Por citar algunhas, aporta experiencia de 15 anos en taller de chapa e pintura, venda de libros, dependente en supermercado, técnico de transporte sanitarios en ambulancias (en Canarias), coordinador de empresa de ambulancias (en Galicia), operador de parking, auxiliar de enfermería, voluntario da Cruz Vermella, voluntario en asociación xuvenil de nenos con problemas de adaptación social, plataforma 0,7, etc.

Por último, prevé realizar un curso sobre administración de empresas. Con vintecinco anos, crea a súa empresa de servizos sociais.

• Descargar datos da empresa

A idea

Pedro Roel Eiroa ( 1972 ) :  Fixen un estudo sociodemográfico e económico da poboación ancián e dos seus familiares. Atopei que na maioría dos casos, o aspecto económico era un hándicap para eles. Polo xeral, a primeira opción na que se pensa é recorrer a unha residencia, pero o custo económico é moi elevado. Ademais, non sempre é necesario pasar a noite nun centro. Nese caso, o centro de día  configúrase como a alternativa máis adecuada porque ofrece os mesmos servizos que unha residencia, mais o custo é aproximadamente a metade.

Claves do éxito

Unha das claves máis importantes foi un estudio previo que desenvolvín con todo o rigor posible. Mais, sobre todo, o traballo diario e a dedicación exclusiva.Outra das claves fundamentais consiste en rodearse dun bo equipo.E por último, a situación xeográfica. Culleredo forma parte do consorcio de concello, os más achegados son os que máis poboación ancián albergan.

Perfil dos promotores

O promotor é técnico auxiliar de enfermería. Achega ademais oito anos de experiencia como coordinador da residencia da terceira idade “La Fortaleza Gallega” na Coruña.

• Descargar datos da empresa

A idea

Daría Campo Fernández ( 1949 ) :  Desde pequena gustáronme as persoas maiores, tanto a min como a meus fillos.
Cando traballaba na residencia privada, decidín independizarme para desenvolver a miña visión dunha vivenda comunitaria. E axudoume a materializar a idea en empresa o feito de contar cun chalé a 20 km. de Ourense, un lugar apracible, tranquilo e moi agradable. Cunha serie de adaptacións,  converteríase nun lugar ideal para establecer unha vivenda comunitaria.

Claves do éxito

Claves do éxito Son unha persoa cunha dedicación de 24 horas. Aínda que non estea presente na vivenda, controlo absolutamente todo (se comeron, se están ben...) É fundamental estar moi involucrada en todos os aspectos do negocio, xa que se trata dun campo moi complexo, e sobre todo, xogamos con seres humanos e xente moi maior, polo que  levas o traballo a casa.

No plano persoal,  axúdame  o meu carácter apaixonado e perfeccionista, e necesito controlalo todo (aínda que iso tamén pode supor un problema xa que ás veces resulta imprescindible delegar).Outra das claves é a compenetración de todo o grupo de traballo, estamos moi unidos e formamos unha grande familia.

Perfil dos promotores

Daría Campo posúe formación especializada nos campos de xeriatría e medicina natural. Achega experiencia profesional en dous residencias da terceira idade, nos sectores público e privado. Desde nena estivo vinculada ao mundo empresarial, traballou con seu pai, empresario do sector do moble e posteriormente, abriu un herbario de Maurice Mességué.
A empresa conta con dous socios máis..

• Descargar datos da empresa

A idea

Mónica Martínez Villar ( 1979 ), Mari Carmen Romero González ( 1973 ) :  A idea xorde porque víamos unha necesidade nos papás que tiñan nenos que non acudían á gardería e que en vacacións escolares non tiñan con quen deixalos. Víamos a demanda e motivounos.

Tratase de un centro de lecer que se dedica ao coidado e entretemento dos nenos con idades comprendidas entre os dous e os 10 anos.Nel realízanse diversas actividades de animación dirixidas ós nenos, intentando que a súa estancia sexa o máis satisfactoria posible. Entre os nosos servizos, cabe destacar a realización de celebracións de aniversario e toda clase de festas infantís.

Claves do éxito

O éxito na nosa empresa atribúese basicamente á satisfacción dos pais. A publicidade que fan os propios pais contando as súas boas experiencias a través do boca a boca, é un dos mellores factores que levan ao éxito o desenvolvemento e crecemento do centro de lecer. A flexibilidade é un factor moi importante porque tratamos de adaptarnos ao que os papás queren. Pretendemos darlles o que eles demanden.

Perfil dos promotores

Ambas son técnico Superior de Xardín e Infancia, traballaban xuntas nunha gardería. Mónica aporta unha experiencia de catro anos no sector e Mari Carmen de máis de oito.

• Descargar datos da empresa

A idea

José Manuel Pastoriza Paz ( 1976 ) :  Detectei unha boa oportunidade no entorno. Investiguei o mercado e actualicei a demanda de servizos a nivel do colectivo "maiores e familia".

Desenvolvemos unha serie de actividades ofrecendo os seguintes servizos:
- Servizos de canguros
- vixilancia e coidado de nenos: no domicilio, centro, saídas extraescolares, etc.
- Educación de apoio a domicilio.
- Actividades e talleres tanto para adultos como para nenos: manualidades, arte dramático, pintura, actividades para mellora da calidade de vida (técnicas de relaxación, ioga, músico-terapia, taller de psicomotricidade, risoterapia, control do stress), actividades suplementares (bailes de salón, aeróbic, ximnasia de mantemento, campamentos urbanos, talleres de xogos tradicionais, etc.)
- Servizo de axuda a domicilio e en hospital para persoas maiores e enfermos..

Claves do éxito

A calidade no servizo que prestamos tanto durante a fase de asesoramento como durante a prestación e despois de finalizar o servizo.Tamén é sumamente importante renovarse e innovar, pensar constantemente nas necesidades que se están satisfacendo e pensar en ofrecer cada día un servizo mellor e máis innovador e adaptado ás demandas.

Perfil dos promotores

José Manuel é diplomado en Maxisterio e ten a especialidade de dificultades de aprendizaxe, audición e linguaxe.
Aos veintiséis anos, crea a súa propia empresa de asistencia a domicilio, educación e actividades de ocio para personas maiores e nenos.

• Descargar datos da empresa

A idea

Rosa Ana Rial Diz ( 1975 ) :  Esta idea xermina a partir das nosas inquedanzas profesionais e persoais que nos levaron a obxectivar a necesidade existente na nosa zona dun servizo integral, onde se atendan as demandas de carácter social e educativo que se dirixen á procura do desenvolvemento da persoa como individuo e como parte do grupo.

Claves do éxito

- Capacidade de iniciativa e resposta ante os cambios .
- Calidade e mellora no produto.
- Continuidade espacio-temporal
- Resolución positiva de conflitos.

Perfil dos promotores

A empresa de economía social ILLAEDUCA - Sociedade Cooperativa Galega conta con tres socias e funciona a través dun equipo multidisciplinar composto por tres perfís complementarios: Lic. en Pedagoxía, Lic. en Psicopedagoxía e Lic. en Psicoloxía. Ademais contamos con formación en educación social, formación en educación primaria especializada e un máster en formación ocupacional. En canto a experiencia profesional, traballamos nos seguintes campos:
- formación continua,
- estudios sectoriais de investigación,
- organización de actividades de tempo libre,
- elaboración de materiais didácticos,
- formación non regulada..

• Descargar datos da empresa

A idea

Norma Borreli ( 1952 ) :  A miña idea inicial era outra: ofrecer un servizo de lavandería en réxime de libre servizo, porque eu procedo de Arxentina e alí ese sistema funciona moi ben. Pero aquí a miña idea non funcionou, pois cando eu aterrei na Coruña este tipo de actividade era bastante descoñecida, e máis aínda a modalidade de autoservizo, tan estendida no continente americano. Aquí, a xente prefire facer a súa coada na casa, non existe este costume tan adoitado no meu país. Desta forma, tiven que darlle un envorco á miña idea inicial e ofrecer o servizo de lavandería que máis se demandaba aquí.

Claves do éxito

No meu caso, e supoño que no da maioría dos emprendedores, as claves de éxito radican no traballo, na dedicación e na constancia. Non podes renderte “ás primeiras de cambio”..

Perfil dos promotores

A promotora licenciouse en publicidade en Arxentina. Antes de comezar co negocio actual, traballou nunha axencia de publicidade no seu país natal.

• Descargar datos da empresa

A idea

Miguel Ángel Vilas Martínez ( 1970 ) :  O meu obxectivo era ser empresario e crear unha empresa con pouca estrutura e baixo custo no inicio da actividade. Escollín o sector dos servizos sociais porque detectei nel un enorme potencial de crecemento.

Trátase dunha empresa de servizos sociais que comezou prestando servizos de axuda a domicilio para persoas maiores e/ou enfermas.

Claves do éxito

O traballo moi duro, sen vacacións, festivos nin fins de semana.Tamén é importantísimo ter moi claros os obxectivos.Por último, a formación permanente.

Perfil dos promotores

- Técnico de marketing
- Master en xestión de ENL
- Experiencia laboral como comercial
Aos vinteoito anos crea a súa propia empresa de servizos sociais..

• Descargar datos da empresa

A idea

Juan Ramón Pereiro Rodríguez ( 1963 ) :  Traballamos  para comunidades, baixos comerciais, oficinas e particulares. Nun inicio o proxecto tiña tres promotores, e a idea xurdiu buscando o medio de aproveitar as capacidades humanas e profesionais dos tres. Pensamos que a prestación de servizos de mantemento integral a comunidades era un negocio con grande mercado potencial e pouca competencia (posto que existen moitas empresas de servizos a comunidades, pero non de forma integral).

Os outros dous promotores querían centrarse máis en temas de domótica (desenvolvementos electrónicos e mantemento de instalacións). Eu era da opinión de que deberíamos centrarnos en limpezas. Posteriormente eles independizáronse para desenvolver o seu proxecto e eu confiei na miña idea de centrarme no sector de limpezas. Finalmente foi a miña idea a  que prosperou e se mantivo.

Claves do éxito

Pasei dun proxecto de tres socios a quedarme só. A idea inicial era unha empresa que se dedicase a mantemento e desenvolvementos electrónicos (domótica) Os meus socios querían centrarse no mercado da domótica mentres que eu apostei polo mantemento, e finalmente o meu proxecto prosperou.

Perfil dos promotores

O promotor é licenciado en Ciencias Económicas e técnico informático.

• Descargar datos da empresa

A idea

Eduardo Julio Simón Teijeiro ( 1972 ) :  A  idea xorde a partires dunha prestación social substitutiva, que desenvolvín na Aula da Terceira Idade de Santiago. Traballaba como guía turístico e tiven un contacto moi directo co perfil de cliente que teño na actualidade.

Contábanme os seus problemas e as súas inquedanzas, e detectei unha demanda insatisfeita dun servizo que, se ben comezaba a desenvolverse en varias cidades de España, non estaba presente en Santiago.

Decidín entón crear a miña propia empresa de servizos especializados para persoas maiores. E  construína desde cero, sen axudas bancarias, unicamente con fondos propios, traballando desde un centro de negocios. Posteriormente reinvestín os beneficios que ía obtendo.

Claves do éxito

Unha das principais claves foi aproveitar un oco que existía no mercado, nun contexto sociodemográfico moi concreto que suscitaba unha serie de demandas. Decidimos dar resposta a esta situación ofrecendo unha gama de servizos adaptados a esas necesidades e prestados baixo os máis estritos criterios de calidade.

Outra das claves radica no coidado que pomos na selección do persoal e na súa formación e reciclaxe continuos.Por último, foi fundamental rodearnos de bos profesionais para xestionar os aspectos administrativos.

Perfil dos promotores

Eduardo Julio Simón é licenciado en Historia Antiga e en Arqueoloxía e doutor en Historia Antiga. Previamente á creación da súa empresa, desempeñou traballo voluntario con persoas maiores.
A empresa conta con outro socio más.

• Descargar datos da empresa

A idea

Elia Fernández Valdivieso ( 1965 ) :  A idea foi produto da situación na que me encontraba. Estaba en paro, tiña un diñeiro aforrado e quería montar un negocio e traballar pola miña conta.

Primeiro pensei en establecerme mediante réxime de franquía e despois tentei atopar un negocio que puidese ter éxito na zona na que me quería asentar (Fene, Narón ou Ferrol). Consultei un libro de franquías e analizando o mercado que tiña cabida nesta área, detectei a oportunidade dos servizos de tinturería en Fene.

Claves do éxito

Penso que unha das claves radica en que ofrecemos unha boa imaxe, que se combina con calidade, rapidez na entrega e un bo prezo.

Ademais, é importante o emprazamento. En Fene só existía unha tinturería, que era incapaz de absorber a demanda da zona. Ademais traballaban basicamente lavandería.

Perfil dos promotores

A promotora posúe o título de Técnico de Empresas e Actividades Turísticas e non contribúe con formación nin experiencia relacionada co sector das tinturerías, excepto un cursiño que realizou a través da franquía.

• Descargar datos da empresa

A idea

Jesús Ordóñez Campos ( 1972 ) :  Levaba moitos anos traballando. Dirixía o dpto. técnico dunha empresa e xa non debuxaba. Apetecíame volver a deseñar, desenvolver un traballo independente e volver a Galicia, así que elaborei unha idea e, cando souben que funcionaría, deixei o meu traballo e volvín.

Por suposto, as previsións de investimento do plan de empresa que elaborei, desbordáronse. Un dos principais motivos foi que decidimos comprar o local en vez de alugalo, pero á hora da verdade, decatámonos de que nos compensaba economicamente, ademais de beneficiarnos na valoración da nosa capacidade crediticia.  

Claves do éxito

As chaves máis importantes son a experiencia, a profesionalidade e a especialización. Levo desenvolvendo esta actividade moitos anos, como deseñador de interiores. Coñezo profundamente o sector e teño perspectivas diferentes de experiencias en varios entornos xeográficos. Ademais, traballo dende hai tempo con provedores a quen coñezo moi ben.

Outra das chaves radica no feito de vender o noso producto antes da entrega do piso. Cando unha persoa xa ten contratada a súa hipoteca, adoita ter moi pouca marxe para os gastos posteriores que ten que afrontar, e na maioría dos casos, as súas decisións de compra están moi determinadas pola necesidade e o prezo. Antes da hipoteca no entanto, é máis doado asumir certos gastos mesmo cando non son estrictamente necesarios, e sumalos á contía da hipoteca.

E por último, ofrecemos valor engadido aos promotores / constructores de vivendas: o deseño, un prezo moi competitivo e o prestixio dunha marca e un local de nivel alto. Para introducirnos neste mercado, foi moi importante elaborar un bo dossier de presentación da empresa no que se explicaba todo o proceso: a cronoloxía, os modelos de cociña tipo e os presupostos.

Perfil dos promotores

Jesús Ordóñez é deseñador de interiores.
Aporta experiencia de varios anos no sector do deseño e o moble, cinco deles nunha gran empresa de decoración e deseño de mobiliario de cociña e baño en Cataluña.

• Descargar datos da empresa

A idea

José Ramón Cillero Ferro ( ), José Luis Gómez Muiño ( 1979 ). Mª Josefa Santos Varela ( 1964 ) :  Levabamos varios anos traballando nunha empresa que fabricaba montacargas eventualmente. Por iso decidimos fabricar e colocar o devandito produto como actividade principal. Como necesitabamos a alguén que se encargase das tarefas administrativas propuxémosllo a María, que naquel momento estaba á busca de emprego. Ela aceptou e uniuse ao proxecto.

Claves do éxito

Unha das claves fundamentais foi entrar nun mercado practicamente virxe. Existía unha necesidade no sector. A calidade e o servizo prestado tamén son claves moi importantes para alcanzar o éxito.

Perfil dos promotores

A tipoloxía dos nosos clientes é a seguinte:
- Almacéns e empresas alugadoras de útiles de construción.
- Diferentes empresas que posúan instalacións a diferentes alturas que necesitan subir ou baixar cargas dunhas plantas a outras.
- Particulares, persoas con mobilidade reducida, de todas as idades que buscan unha solución ás posibles barreiras arquitectónicas que teñan na súa vivenda habitual.

• Descargar datos da empresa

A idea

Julio RodríguezAnta ( 1946 ) :  A idea xurdiu nunha comida. Un empresario da zona que traballaba no sector propúxonos que traballásemos para el, posto que eu me dedicaba á actividade como afección e o meu  socio levaba toda a vida exercéndoa .
Deste modo, comezamos a traballar para esta empresa desde cero.

Claves do éxito

Existe unha tendencia a pensar que restaurar un móbel é moi caro (a idea do anticuario), sen embargo con este sistema redúcense considerabelmente os custos e conseguimos restaurar a prezos moi asequíbeis e captar máis clientes.

Perfil dos promotores

Julio Rodríguez aporta experiencia profesional na banca e é afeccionado á carpintería.
A empresa conta con outro socio máis.

• Descargar datos da empresa